[جين صبرى]

هع هع هع هع

وحشتونى خالص..بكلمكم من أسوان والحر نااااار
شوفتوا الحاج على أدانى أأأأأيه ..أو أو وأنتوا لأه
علبه حلوه لونها لبنى بتتباع عند كل العطارين هى وتوابعها بـ11 جنيه
عباره عن ماسك للعروسه جاهز كده
متكون من
كناسة البحرأه والله - شيبه بحرى - زبد البحر
ودى أعشاب بحريه
زهرة البابونج - البقله - أوراق الزرواند - ثما - ريحان
وحبيبكم طمى مغربى - ترمس صنوبر - دقيق شوفان ...ألخ آخر جنان
ودى أعشاب بريه
الأستعمال
مكتوب عالورقه طبعا
بــــــسسسسسس المفاجئه أن الحاج على بيحط عليه حاجات تانيه كمان

وأوعدكم بكره أن شاء الله أروح عنده وأعزمه عشان خاطركوا
على علبة كانز.. ولوأنها هى كمان غليت بس عشان عيونكم مش مهم

أشوف ردودكم بقى وأشوف حتستهلوا التعب ده ولا لأ
هههههههههههههههههههههههههههههههههههههههههه
أنتو حريين

الراجل عنده وصفات جنان ... أنتوا بس حمسونى وأنا عليا المشوار
فالحر ده وكمان علبة كانز يلالالالا ورونى مين حيستنانى

[جين صبرى]

ربع ساعه من ساعت ماكتبت
طب لارايحه ولا جايه
وحشرب أنا الكانز ... وحوفر بنزين العربيه كمان

[nehad]

لاااااااااااااااااااااااااااا
لازم تروحي وان الي حدفع تمن الكانز و البنزين
يالا بقي يا سكر

[Om Hassan]

ههههههههه
دمك سكر يا جين
فى انتظار وصفاتك الرائعة يا قمر

وسلامى للحاج على :d

[رومانيا]

مستنيين طبعا هعزمك انتى وهو على محشى بس تعالو القاهره

[@@خبيرة تجميل متخصصة@@]

مستنين يااااااااااااااااجين يااااااااقمر
ويااااريت وانتي جايه تجيبي معاكي الحاج علي

[tosysaden]

الله يسهلك ياستى مع الحاج على وقولى له يفتح فرع فى اسكندرية اويبعتك عندنا بالخلطات

[misskarmen]

بصى يا جين علشان نكون على نور

انا رجلى على رجلك و حاروح معاكى واشوف العظيم الحاج على

وكمان حأعمله سيت ع الانترنت بس اجرب اللحاجات الحلوه دى
ماشى و لا اطلع الطبنجه؟؟؟؟؟؟؟؟

[همسات حب]

وصيه يفتح لنا فرع فى اسكندريه

[جين صبرى]

أنـا جييييييييييييييييت
وحشتونى والله بس رجعت أمبارح متأخر ونمت على طول
الأول بقى ننزل شكر خاص لكل من:-
للأخت نهاد والأخت ام حسان وولدها حسان ونعرفكم بان الطقس هنا آخر جنان
وسلامى للحبوبه رومانيا ونشكرها أنا والحاج على عالمحشى ونقولها نورتى المنتدى وأن شاء الله تنبسطى معانا أنتى وحلة المحشى
وسلامى لخبيرة التجميل ولتوسى سادن وأن شاء الله نفتحلهم فرع فساناستيفانو مول
وسلامى لبنت بلدى المسلحه مس كارمن وللأخت النشيطه همسات الحب
ونعرفكم أن زوجة أخى حامل وبنتى خالى ولدت أمبارح وجابت تسنيم عقبال أختى
وكل الحبابيب
وعشان طلعتوا رجاله متفتكه أهديكم موسيقى الضوء الشارد لكل اللى شاركوا معانا
الليله ديه... أترككم لسماع الأغنيه

[جين صبرى]

الوصفه هى:-
لما تشترى علبة الماسك تشترى معاها
زجاجة زيت ليمون - زجة ماء ورد - عسل نحل - زبادى - بياض بيضه
فالوصفه فيها لبن بس الحاج على قالى الزبادى أفضل وكمان هو أضاف العسل
الطريقه:-
ناخد ملعقه كبيره من البودر ونضيف عليها 3 نقط زيت ليمون+ نصف ملعقه صغيره عسل نحل + ملعقه كبيره زبادى + بياض بيضه
ونخلط المكونات كلها مع بعض كويس وممكن نضيف قليل من الماء اذا شوفنا أن القوام محتاج... اوكى يابنات
ونفرد الماسك عالوجه ونتركه يجف
وبعد كده نفركه برقه ونشطف الوجه بالماء الفاتر ونمسح بعد كده بماء الورد
الوصفه دى للبشره
أما للجسم نفس الطريقه بس زيادة الكميه وأضافة البيضه كامله يعنى بالصفار
فيه اختلاف بسيط بين المكتوب بالورقه الموجوده بالعلبه وبين وصفة الحاج على
بس الكل ماشى على طريقة الحاج على طبعا
وهى تستخدم 3 مرات بالأسبوع
مفيده للنمش وللهالات السوداء وللبثور والسمار الموجود بالرقبه
يارب أكون جبت لكم حاجه مفيده وجديده

وكل أسبوع ححاول أعدى عليه يمكن يحن عالفتوكات ويدينا وصفه تنفع فكده ولافكده

والراجل الصراحه هو اللى عزم عليا وأدانى علبة بخور بحالها .. بارك الله فيه
يلا سلام بقى

[nehad]

دايما هايله يا جين
وسلام أسكندراني جامد ليكي وللحاج

[جين صبرى]

العفو يانهاد
شكرا ليكى ..كسفتينى والله بذوقك

[حبيبة بابا]

جين يا بلدياتى لسه شايفه الموضوع دلوقتى
يلا نتفق ونروح سوا عند الحاج على بسرعة قومى البسى بعد المغرب ح عدى عليكى ماشى
وعليا البنزين والكانز

[جين صبرى]

هههههههههههههههههههههههه
حبيبة بابا
والله لو عرفتى مكانه حتنزلى عنده بأستمرار
وأى مشكله عندك بالبشره أو الشعر هو حيحلها لك

[Om Hassan]

حلو اوى كالعادة يا جين
سهل نجيب المكونات اللى مع الماسك
لكن الماسك والبودر نجيبه منين
ونجيب منين الحاج على

[جين صبرى]

أم حسان نورتى والله موضوعى
بصى العلبه أسمها ماسك العروسه
بتتباع هى وولوازمها بـ 11 جنيه
ومتوفره عند العطارين علبه لبنى مرسوم عليها عروسه
وبداخلها كيس بودر
أما فكرة اللوازم فدى من عند الحاج على
أما الحاج على ده بقى مايتكررش غير عندناااااا
وممكن على فكره لو أى واحده بتشتكى من أى حاجه هو يدل عليها
من مشاكل بشره وجسد وشعر وكله

[الزوجة الاولى]

ههههههههه انتى زى العسل ياجين
وابقى اسالى عم على الحاجات دى الاقيها فين فى بورسعيد ولا الحاجات دى عند عم على بس انا خايفة اروح اسال يضحكوا عليا
اصل هنا عطارين اى كلام

[Rachida100]

جزاكي الله خيرا

[dodynido]

دمك عسل ياجين بس نجيب الحاج على ده ازاى عندنا فى القاهرة والوصفة دى فوايدها ايه ؟