[امانى محمد]

.انا ابنى مش بياكل خالص هو عنده 8شهور ونفسى حد يقولى اعمل ايه معاه ممكن يشرب لبن عادى حليب يعنى ولا لآ ياريت تفيدونى وبشكركم.

[rehab]

يابنتي 8 شهور ده بياكل معظم الأكل اللي تاكليه ووالله دكتور هو اللي قاللي كده لبن أيه يا بنتي أكليه أكل حاجات تفتح نفسه وفطريه بليله علي طووول وأكليه من غداكي والله بجد وحمريله بطاطس لو جاع في وسط اليوم
ولو هو مالوش نفس أديله فاتح شهيه صدقيني لو عودتيه أنه ما ياكلش هيقرفك لما يكبر بجد والله

[reda mohamed]

ماتضغطيش على ابنك فى الأكل سبيه لحد ماهو يطلب الأكل .. بس حاولى تأكليه حاجات خفيفه زى جبنه مثلثات أوكيرى أرز باللبن مهلبيه بليله حلوة طحنية
أبنى أكل على سنتين وكان مغلبنى
بالنسبة للبن الحليب لو أول مرة تشربيه انزعى منه الدسم علشان مايتعبهوش وعلى سن سنة شريبه اللبن كامل الدسم ::: وربنا يباركلك فيه

[امانى محمد]

انا بشكرك اوى بس انا زهقت انا باكله سيريلاك وخضار مسلوق ولازم يضرب فى الخلاط ولو لقه انه مش ساهل معاه فى الاكل مش بيرضه ياكل وحاولت اكله بطاطس محمره مرضيش خالص هو مزهقنى شويه وعلى العموم انا بشكرك ياقمر

[rehab]

طب أديله فاتح شهيه والله بجد أنا أبني كان غلس في أكله لكن فاتح الشهيه كان بيخليه ياكل غصبا عنه

وحاولي لو عندك شوربه أعمليله عليها خضار أو لسان عصفور وحطيله ليمون أنا أبني مابياكلش غير بالليمون



يعني حاولي تفتحي نفسه يعني أنتي مش بتبقي وأنتي بتاكلي عايزة حاتجة تفتحلك نفسك مابالك هو وبعدي ن خضار مهروس أيه ده طعمه أجارك الله أكليه من أكلك حته سمك نسيلتين فراخ كبد فراخ لو عامله طبيخ حطيله شوية علي رز أو حطيله مكرونه أقلام وسيبيه ياكلها لوحده

صدقيني أعملي كده عشان ماتتعبيش في الأكل بعد كده معاه

[امانى محمد]

ان بشكركم يارحاب انتى ورضا ع الرد

[امانى محمد]

انا بشكرك يارحاب هو اول بيبى ليه ولسه بتعلم بس انا هعمل زى مابتقولى ويارب ياكل

[سمسمه26]

بلاش الخضار المهروس اللى فى الخلاط كنت باديه لابنى وهو صغير ومكنش بيرضى ياكله قلت ادوق طعمه ايه ؟ياسااااااااااااااااااااااااااااااااااتر
اهرسيه بالشوكه خالص
واوعى تضغطى عليه احسن يكره الاكل

[موجة شقية]

يا جماعة الطفل قبل السنة ما يشربش لبن عادي
لبن مامته وبس

والاكل مسلوق ومهروس ومن غير ملح او سكر لان الطفل مش عارف طعم الاكل زينا

يستحسن ياكل الحاجات بطعمها الطبيعى

[امانى محمد]

بجد بشكركم بس فعلا تعبت مش عارفه اعمل ايه لازم الاكل يضرب فى الخلاط لو عملت ارز بشربه اسهل حاجه مش بيرضه