[ام وليد2008]

السلام عليكم ورحمه الله وبركاته ........
===========
عندى موضوع ارجو ان نتكلم فيه سويا وياريت يكون معنا متخصصين فى هذا الموضوع وهو :
عندما تصل المراه الى سن انقطاع الطمث وهو سن حرج جدا بيالنسبه للمراه وتحتاج فيه الى مساعده طبيه ونفسيه وصحيه فمثلا :
السيده فى هذا السن احوج ماتكون الى وصفات تحميها من امراض كتيره وهى مثلا هشاشه العظام ـ الكابه ـ السمنه المفرطه ـ عدم السيطره على الشهيه ـ وقت الفراغ الذى يلزمها بعد انشغال اولادها عنها ـ اضطهاد زوجها لها وعدم تقديره لكل حياتها معه والنظر اليها فقط فى هذا السن وعدم تقديره لحالتها وسنها بعد انقضاء الشباب واذا قلنا ان هذا السن سن النضوج ومالحريه فكيف تمارس هذه المراه الحريه تحت هذه القيود والامراض التى تنظرها .

ارجو الرد والمساعده بكلام واقعى ومش خيالى وتقدير لظروف هذه الشريحه من السيدات ومااكثرهم ..........

وشكـــــــــــــــــــرا

شى جديد ممكن نتحاور فيه ونتكلم عنه بعيدا عن الماسكات والرجيم ,,,,,,,

[hala_2007]

'طيب موضوع حلو ممكن العضوات تشارك فية بارائهم مع بعض

[ام وليد2008]

انا راى ان المراه فى هذا السن بتكون محتاجه لمن يتفهمها جيدا من الناحيه النفسيه اولا وبعد ذلك كل شى سيكون سهل .
ياريت كل عضوه تقرا الموضوع وتقول رايها وتقول اى نصيحه او تجربه مش مهم هى مرت بها ممكن تكون اى واحده حوليها وشكرا .....

[جانو حبيب]

مش شرط انة بعد انقطاع الدورة اننا نقول ان الست خلاص كدة تتركن على الرف زى ما للاسف ناس كتير بتفكر وازواج كتير بتتعامل مع الست بتاعتة على انها خلاص راحت عليها بالرغم من انة هوا كمان بيكون اكبر احيانا لكن لان ربنا جعل من الراجل وسيلة للانجاب الى ان يحين اجلة دة مش معانة انة يتعالى على زوجتة انا من وجهة نظرى ولانى عشت فى دولة اجنبية فترة شفت هناك ان الست من بعد السن دة بتهتم بنفسها لانها قبل كدة كانت فى مرحلة انتهاك صحى ما بين خلف وتربية ودراسة لكن الوقت دة ممكن يكون الابناء وصلو للسن الى مش محتاجين فية مجهود كبير للرعاية فاهنا بيجى دور الزوج انة يحسس مراتة بانها انثى مرغوب فيها مش لانها مبقتش قادرة على الانجاب تبقى مالهاش لازمة وفى ستات كتير من العمر دة بتبتدى تمارس حياة جنسية خالية من التوتر او الخوف نتيجة لحدوث الحمل الموضوع بس انها تهتم بنفسها شوية من ناحية صحتها تتجة للصلاة للعبادات لاهتمام بهوايات كانت متروكة وسط زحام الحياة تقضية وقت فراغها فى شىء مفيد ليها نفسيا وصحيا وبدنيا الاعتدال فى معاملة الزوج والبعد عن العصبية الزيادة لو اتصرف تصرف ممكن تفتكرة بيضايقها بية عن عمد عدم الغيرة التى ممكن تبتدى فى الوقت دة معاها لانها بتحس انها بقت مقصرة فى ناحيتة على الرغم من ان الاجانب حياتهم الجنسية والعاطفية بتبدى فى كل مرحلة من عمرهم تاخد شكل تانى غير الى قبلة ونتيجة لكدة بيعيشوا سعداء وبيستمروا فى اسعاد نفسهم من غيرما كل واحد يحسس التانى انة بقا عندة نقطة ضعف
متهيالى دة شىء لابد منة وانا فى وجهة نظرى الست الى ممكن تترك نفسها وسيلة للاكتئاب او المرض هيا الى بتوصل نفسها لكدة وبتقضى على حياتها بايديها

[ام وليد2008]

الله عليكى ياجانو ولكن تجاهلتى الرجل الشرقى وغروره وعدم تقديره للست اللى عاشت معاه مالعمر كله ولم يقدر ذلك وتكلمتى عن تجربه وتجارب الغرب فهم مختلفين تماما عنا ..........