[doha12]

ضهرت عندي مند سنتين قبل ان يكتشفها الاطباءاولا انتفاخ الغدد اللمفواوية في العنق والابط.شهريا مع حرارة 4ايام واستاصت غدة ولم يضهر فيها شيء مع نقصان في الوزن والشهية. وحملت بعد الوضع ب9اشهر الحرارة المفرطة 40درجة والم شديدة في المفاصل هبوط شديد في الصفائح الدموية دخلت المستشفى 15يوم لم يكتشفوها واعطوني كورتزون بعد6 اشهر ضهرت عندي البقع الحمراء في الوجه مع الحرارة المفرطة واكتشفوها بالتحاليل.
بعد عام ضهرعندي التهاب في الكلى وعملت حقن لوندوكسون وريدية 14 شهر ولازل الحال على ما هو عليه انا دائما عندي الم مفاصل وتعب وارهاق واتناول
ادوية كتيرة متل الحديد والكالسيوم والبوتاسيوم والمغنزيوم والبلاكنيل والبرازول
ولله الحمد اللهم اني لا اشكو من هذا المرض ولكن نتبادل التجارب
هل انتن متلي

[نتنسيم]

حبايب قلبى الف الف سلامه عليكم ربنا يشفيكم ويعافيكم انا اختى بتعانى من الذئبة الحمرة للاسف بعد الزواج مباشرة وللاسف اصيبت بالروماتيد ادعو لها على فكرة هى راحت للدكتور تحسين بس ما ارتاحت عنده ربنا يشفيكم جميعا اللهم آمين آمين يا رب العالمين:sCh_christianpray3::sCh_christianpray3::s Ch_christianpray3::sCh_christianpray3:

[wezet m.hossny]

لية دة الدكتور تحسين ممتاز ماما عندها روماتيد من حوالى 18 سنة
وهو اللى لحقها والحالة حاليا هادية ومش نشطة وهو اللى اكتشف حالتى وحالحالات اللى حكيت عليها
ربنا يشفى عنا جميعا وعن كل مرضى المسلمين
وميرسى ليكى يا هبهوبة على دعوتك الحلوة دى وامين يااااااااااااااارب العالمين

[حبيبة..]

الف سلامة عليكم يا قمرات
ربنا يتم شفانا جميعا على خير

انا كانت الذئبة بتأثر على الحمل
كان بيحصلى اجهاض فى الشهر السادس
وكان المولود بيدخل الحضانة بس ماكانش بيكمل

والحمد لله الدكتور بعد 4 مرات حمل واجهاض
طلب تحاليل الذئبة والانتيفسفوليبيد
والحمد لله على كل حال طلعت مصابة

بس الحمد لله كتبلى على حقن كليكسان واحدة الصبح و واحدة بالليل
من اول الحمل لاخره
وكمان حبوب هوستاكورتين
واول ما الشهر السادس يبدأ لازم اخد حقنة ديكساميثازون كل اسبوع

و ربنا اراد وبرضه ولدت فى اخر الشهر السادس
والمولود دخل الحضانة
وقعد فيها لمدة 33 يوم
ودلوقتى الحمد لله معايا احلى ندى
و ربنا كرمنى بعدها ببنت كمان الحمد لله

انا عارفة انى طولت عليكم اوى اوى
بس والله حبيت اطمنكم ان الامل فى ربنا كبير

ربنا يعوض عليكم يااارب
ويرزقكم جميعا بالخلف الصالح
والحمد لله

[حبيبة..]

وعلى فكرة نسيت اقولكم على الاعراض بتاعتى
هى ابتدت بحرقان جامد فى وشى لو مشيت فى الشمس
وكان بيلتهب جامد
بس كل ده ماحصلشى غير بعد الجواز (سبحان الله)
وايديا كانت بتبقع بقع غريبة
وشوية تعب فى المفاصل

والحمد لله على كل حال

[princess of alex]

شفاكم الله وعافاكم من كل الامراض

[حبيبة..]

انا الحمد لله دلوقتى باخد اسبوسيد بس
الحقن فى الحمل وخلاص
الحمد لله

[7awaa2]

ربنا يشفيكم ويعافيكم يارب العاليمن

[سويداء القلب و زهره الربيع]

انا بقي الي اكتشف الحاله دكتور احمد جابر ادم في الاسكندريه
شك لما ظهر دم في البول و قالي حديكي جرعه صغيره كورتيزون و immuran
وجاب نتيجه فعلا بس بعد كده دوا المناعه مجابش نتيجه و الدكتور زودلي الكورتيزون كنت باخد سولو بريد
بس للاسف عمل معايا غلطه مادانيش كالسيوم مع الكورتيزون
و جابليvascular necrosis
اضطريت اعمل عمليه في رجلي و للاسف لم تعود زي الاول
الحمد لله علي كل شئ
المهم غيرت الدوا بالcellcept
دواء مثبط للمناعه غالي جدا الحمد لله صرفته من التأمين بتاعي
وحالتي اتحسنت عليه
بقالي سنه مش بخده بس ماشيه علي هيدروكين و بطلت كورتيزون
بس انا حامل دلوقتي و لسه ماشيه علي الهيدروكين
و بعمل تحاليل اول باول بس مش عارفه ده اول حمل بالمرض
لان المرض لم يظهر الا بعد اول ولاده

[سويداء القلب و زهره الربيع]

انا دلوقتي متابعه مع دكتور احمد فتحي قريع
و دكتوره ابتسام عبد الحميد في الاسكندريه