[نسيبه]

كل واحده تكتب ايه هى اكتر حاجه بتفكر فيها
ودايما شغلاها بس بكل صراحه

اذا اعجبك الموضوع و اردت نشره في المنتديات الاخرى فاستخدمي هذا الرابط:
ايه اللى شاغل بال القمرات.... بكل صراحه
http://forums.fatakat.com/thread34835

[حبيبة.]

حجات كتيره بتشغل بالنا يا نسيبه
انتي عارفه بئا الحريم ودماغم ان ملقناش حاجه نفكر فيها بنخترعوا حاجه ونشغل دماغنا بيها
بس انا عن نفسي ديما بفكرإن ربنا يرزقني ببنوته
مشكوره علي موضوعك بس قولي انتي كمان ايه بيشغل تفكيرك ديما

[نسيبه]

والله انتى دمك زى العسل
وعندك حق احنا بندور على حاجه نشغل بيها بالنا

[ام اربعه واربعين]

اكيد دماخنا مش بتقف
هيا النسوان كده دايما تاكل فى نفسها
وانا اشتغل بقى

[لؤلؤ28]

بصراحة نفسى ربنا يفرجها على زوجى بشغل وطبعا عشان ما فيش باب رزق فدى اكتر حاجة بالى مشغول بيها ادعولى

[rosha_mody]

انا بقي حاجات كتيييييييييير وقدرش اعيش من غير ما اشغل بالي
وكمان طول عمري مبعرفش انام من التفكير
لدرجه ان جوزي بيقعد يقولي فضي دماغك من كل حاجه ونامي
بس مبقدرش
اوقات افكر فيه وفي شغله
وفي اني عايزاه يسافر وهو عايز ياجل ده
واوقات افكر في اختي لاني عايزاها تتجوز
واوقات افكر في بابا وماما والمسؤليه اللي عليهم
واوقات بافكر في الحمل وياتري هايتم ولا زي المرتين اللي فاتوا ها ينزل
واوقات افكر في قرايبي وفي كلامهم وتصرفاتهم اللي بتحرق الدم وفي جحودهم
وحاجات كتييييييييييييييير كتعديش
ووالله مبقدر انام ولو نمت نومي كله بيبقي احلام بالحاجات دي

[dodopink]

ما فيش حاجه شغلاني حاليا غير ان ربنا يجمعني بخطيبي المسافر على خييير .. ادعولي بالله عليكم

[nona dala3]

حاجات كتير شاغله بالي
بس اكتر حاجه مسيطره على تفكيري الفتره دي هو جوازي الي قرب اوي اوي والحياة الي داخله عليها والمسؤليه الي مجربتش اتحملها قبل كده
ادعولي ربنا يوفقني يا بنات

[بادرة أمل]

ياااااااااااااااااااااااه يا نسيبة
لو قعدت أحكيلك من النهاردة لبكرة مش هبطل كلام
بس اهم حاجة شاغلاني:

الدراسة..
مصر(والله بفكر فيها كتير ونفسي ارجعلها)

و حاجة تانية..

إحم
إحم
إحم

حبيبي..


اعذريني..بس لو قرأتي موضوعي ده..هتفهمي كل حاجة

http://forums.fatakat.com/thread56605

[نهال555]

انا بئه شاغل بالى انى انجح واخد البكالريوس بئه لانى زهقت ونفسي ربنا يجمعنى انا وخطيبي على خير وان ربنا يرزقنا بالذريه الصالحه ونفسي انجح فحياتى وحاجات كتتير اوىىىىىى

[the mask]

اللى شاغل بالى انا بجد
ربنا وهداه
والنتيجه بتاعتى

[ياسمين الخيام]

بجد شاغل بالي حاجات كتييييييييييييييير
بس اهمها فرحي اللي قرب
بقعد افكر في الايام الجايه تفكير مستمر
خايفه من المسؤليه
ربنا يقدرني

[ساسا]

اختي لؤلؤ28عليك بصورة الواقعة فانها تجلب الرزق وكثرة الاستغفار لان من لزم الاستغفار جعل الله له من كل ضيق مخرج ورزقه من حيث لا يحتسب والله الموفق

[لؤلؤ28]

اخواتى والله حاساسى انى فى بيت العيلة وكلكم اخواتى ربنا يرزققم وانا معاكم ويا رب يكملك حملك على خير يارب ويرزقق بطفل هدية من ربنا يارب وشكرا لاختى الى حست بية وربنا يكرمك ربى انى احبة فيك فاحفظة الا يعصيك واجعل عملة يرضيك واغفر لة يوم ياتيك

[لؤلؤ28]

الى عاوزة تعرف بالى مشغول باية ترد علية فى انفصال الاب والام صدقونى موضوع يستهل المشركة والى يشوف بالوت غيرة تهون علية بلوتة ربنا يكفينا شر البلاوى

[قمرالليالي]

يااااااااااااااااااااااااه ربي
انا ياجميل شاغل بالي مليون حاجه
منهم جوازي الي كل شويه يتاجل
وخطيبي الي نفسيته تعبانه
وامي الي نفسي افرحها
والبيت الي هدخل عليه يكل مافيه
وشغلي الي لسه بدائه ابني نفسي فيه ولازم اسيبه
عارفه اوقات كتير بحس اني تعبانه جدا بس
برجع واقول الحمد لله بجد علي كل شئ
شكرا ليكي ياجميل موضوع بجد جميل موووووووووووت
معلش طولت عليكي

[ساسا]

رايي في انفصال الام والاب انه كارثة يدفع ثمنها الابناء

[bosy2003]

والله انا ياجميل في دماغي مليون حاجة
اولا : بدور علي شغل كويس علشان انا سبت شغلي
ثانيا: نفسي ربنا يرزقني الزوج الصالح
وحاجات كتتتتتتتيرة تانية
أصل انا دماغي مليانة كراكيب هههههههههههه
وتسلم ايدك علي الموضوع

[نسيبه]

انتوا اللى تسلم ايدكم على الردود
ويارب ربنا يريح بالنا ويحقق لكل واحد اللى بيتمناه
بس احنا ندعى ربنا واحنا على يقين من انه سبحانه وتعالى هيساعدنا
والله انا مجربه الحكايه دى
وربنا يكرمكم كلكم يارب
نورتونى ونورتوا صفحتى

[بادرة أمل]

ربنا يريحنا كلنا
ويحقق لن أمنياتنا
آآآآآآآآآآآآآآآآآآآآآآآآآآآآآآآآمين