[حبيبة.]

بصراحه انا عملت كل الاختيارات الموجوده واهى بتعدى

بوسي مشكوره لمرورك يا قمر
ويا رب علي طول تعدي ومش يجيب مشاكل من اصلو

[أحلام الأميرة]

بيتهيئلى ساعتها لو الجو كان متكهرب أوي ممكن أسيبه شويه وبعدين أكلمه في أي موضوع تاني وبعد كدة أناقشه بهدوء في الموضوع الأصلي
وربناااااااااااااااااااا يستر

[رانيا 555]

بصى بقى دى نصيحة مجربها 100 مرة مع نفسي
اولا ما تحكيش حاجة لمامتك خالص ولا لاختك لانها اكيد هاتقول لمامتك
والاحسن ما تحكيش لحد قريب عشان ماتكبريش الحكاية
2_ كتر البعد والجفاء يجيب جفاء ولو انتى بعدتى عنة وقافلتى على نفسك وماعبرتيهوش هيزيد وهايعند وهيقول دى مش هاممها
3_خليكى دايما الاحسن واعملى زى الين ما قال خيركم من يبدا بالسلام يعنى البسي كويس واملى ميك اب وروحيلوا واتكلمى معاة بالراحة حبيبى انت زعلان لية والكلام دا وحاولى تتكلمى فى المشكلة الا بنكم من غير عصبية
لو البية بقى تقل عليكى تقوليلوا انا عملت الا عليا ومهنش عليا ازغللك وانك تنام وانت زعلان منى خلاص براحتك ولما تحس انك عايز تكلمنى انا موجودة ومستنياك بس طبعا باسلوب رقيق قال يعنى غلبانة ومظلومة مع كلمة حلوة سريعة على الماشى
من الاخر احتوية وما تنسيش اهم حاجة ان جوزك لو نام وهو غضبان منك تبات الملائكة تلعن الزوجة حتى تصبح فماتقوليش كرامتى وتتكبري قولى يا رب وهتشوفى حياتك هتكون ازاى وربنا يسعد كل الستات المتجوزين يا رب واكون منهم

[قطرات الندى 2]

ولا هتقولي مش مهم عليه انا المره دي اصالحه واكلمه وخلاص؟ بس هو اكيد هيتقل وفى نفس الوقت هيتضايق انى صالحته وجيت على نفسى فهيبقى رد فعله مش انه يصالحنى على طول بل بالعكس هيزيد اكتر وانا برده استمر فى دور الضعيفه والصالحه هههههههههه لحد ما هو يحس انه غلطان ويصالحنى ومش هياخد وقت كتير انشاء الله الطريقه دى اسلم طريقه جربتها

[أم مانو]

انا بصالحو واريح نفسى من وجع الدماغ
خليها عليه انا
ومش بحكى لحد حاجة بحتفظ بيها لنفسى

[nellynour]

هتاخدي جمب وتقفلي علي نفسك ومش هتتكلمي معاه ؟غيركلام عادي يعني مثلا هتتغدي دلوقت ؟ مثلا وطبعا هتقوليها وانتي مخنوقه ومره فى مره هنتكلم عادى وبعد كده نتعاتب بس طبعا فى هدوء بعد عصبية المشكله هتكون خلاص خلصت

[هناء999999]

حاخد جمب ومش حتكلم معاه غير فى حدود حتاكل و................... لكن مش حقفل على نفسى عشان ما يحسش انى متغاظة ويغيظنى اكثر وكمان لربما يلاقى الباب مفتوح وييجى يصالحنى ههههههههههههههههه

[burble rose]

السلام عليكم ورحمه الله وبركاته
لو حصل معايا كده هحاول ان المشكله متخرجشي بره بيتي لانها لو خرجت بره البيت ساعتها بس هتكون مشكله
هحاول احل الموضوع معاه ومش اقول لاي حد عشان لما ان شاء الله نتصالح مش يبقي في شوائب بيننا وعلي فكره انا ممكن اصلحه واجي علي نفسي عشانه لو كنت بحبه فعلا عشان (كل واحد واصله)وطالما انا اصلي كويس الحمد لله يبقي هعامل جوزي كويس وبما يرضي الله واستحمل لان الست بطبعها حموله اكتر وصبوره والا مكنتش الجنه تحت اقدام الامهات ولا كان ربنا كرمنا في القران
وشكرا يا قمر علي موضوعك