[nosha_ali2010]

ازيكم يا بنات يا حلوين انا بحبكم اوى اوى انا فتوكة جديدة معاكم هنا ف المنتدى الاكثر من رائع بصو ا بقى كل فتوكة عسولة تحكى حكيتها مع البعبع الى اسمة خطوط بيضا يعنى استعملت اية والة الى نفع معاها والخطوط بقالها كام سنة انا هبتدى من نفسى انا اسنعملت حاجات كتير اوى اوى مثلا التقشير ولا جاب اى نتيجة خالص وزيت جنين القمح وزيت الوز الحلو وخل التفاح وزيت السمسم وموخرا خطر على بالى حاجة كدة انا صوابع ايدى اتشققت من المية وغسيل المواعين واستعملت كريم اسمة هيل فورث جميل اوى يا بنات قولت اجربة بس لسة يعنى هجربة واقولكم النتيجة عايزة اسال جميع الفتوكات المتزوجات اية راى جوزك فى الخطوط دى هل لاحظها وقال اية ولو بتخبها بتخبيها باية بودر ولا كريم اساس اصلى يت بنات داخلة على جواز والحالة متسرش خالى ارجو التفاعل منكم ومستنية ردودكم العزيزة

اذا اعجبك الموضوع و اردت نشره في المنتديات الاخرى فاستخدمي هذا الرابط:
تعالى احكى حكايتك مع الخطوط البيضاء المزعجة
http://forums.fatakat.com/thread34906

[ام حمادة]

شكرا على موضوعك الرائع واسفه على سوء التفاهم

[nosha_ali2010]

انا عملت اية معصية

[misskarmen]

ازيك يا نوشه

انا سمعت ان دهان خل التفاح كل يوم باليل مفيد للخطوط البيضاء
جربيها و يارب يكون مفيد

[رومانيا]

انا كمان عندى خطوط وماما كمان دى وراثه تقريبا

[bes_bes]

انا قريت عن خلطه من خل التفاح و لسان البحر مطحون بيطحطوا معاهم
ماء ورد مش فكره ميت كانت كتباها في المنتدي بس انا مجربتهاش كل يوم اقول بكره و بكره مبيجيش عندي بس قلت لاختي علي الخلطه دي من فتكات و قلتلي بتقلل الخطوط
انا عندي في دراعي من فوق و يمكن علشان مش بينه قوي مش بهتم بيها
في حاجه بقي قلتا دكتوره الدايت اختي عندها حمراو كل الالوان و اماكن بينه قوي و اماكن بسيطه و كانت بتستعمل كريمات غاليه جدا الدكتوره قالت دي مش بتروح
دي بتقل بس قالتلها عرفه زبده الكاكاو فيها زيت كوكو نت ده الي بيشيل الاسترتش مارك دي قلتلها يعني لو جبتي كريم في مكونات زبده الكاكاو هتخف خالص
او فركتي جسمك كل يوم بالبن لانه في زيت بيقلل السليوليت
و فعلا في فالمنتدي وصفه بالبن لازاله السليوليت
غير كل ده بينعم البشره بطريقه فظيعه و بيشيل الخلايا الميته منها

[جين صبرى]

أنا كان عندى وراحت من الجلسرين بليمون
بس أخدت وقت
تجيبى جلسرين بليمون جاهز
أو تجيبى جلسرين بليه دواره وتفتحيه وتعصرى عليه ليمونه كامله
وتدهنى بيه جسمك كله وبعدين تتركيه فتره كافيه عالجسم وقبل ماتخدى
الحمام تفركى جسمك الأول وبعد كده خدى الحمام وبعد ماتنتهى أستعملى ليفه
مغربيه أصليه ممكن تسألى عليها خبيرة التجميل وهى مشتركه معانا بالمنتدى
وبعد كده أدهنى جسمك بكريم جليسوليد السعودى
فيه نتيجه بس بعد فتره

[nosha_ali2010]

متشكرة يا بنات على ردودكم الحلوة دى بس يا رومانيا الخطوط البيضاء مش وراثة دى بتكون نتيجة تمزق الياف الى ف الجسم بسبب زيادة الوزن وممكن سوال يا جين الجلسرين والليمون جابوا نتيجة بعد قد اية والخطوط كانت بقالها فيرة فى جسمك قد اية معلش تعباكم معايا انا بحبكم اوى

[جين صبرى]

والله بصراحه مش عارفه
أنا من عادتى أهمل أى حاجه مضيقانى عشان تروح
ودى كانت نصيحة جدى رحمه الله
بس أنا فيوم صحيت مالقتهاش بعد وصفة الجلسرين بالليمون والليفه المغربيه
ودهان الكريم المرطب ممكن أى كريم
وقتها كنت بستعمل سباركل للجسم
بس جليسوليد ممتاز برده
وكان أيام فرحى وأنا أبتديت أهتم بجسمى بضمير قبل الفرح بأكثر
من 3 شهور

[nosha_ali2010]

ازيك يا جين على فكرة انتى ادتدينى امل كبير اوى فى العلاج يا قمر انا متشكرة ليكى اوى وعايزة ازعجك بسوال تانى ممكن توصفيلى شكل الليفة المغربية دى او تحطى لها صورة معلش هنعبك معايا وممكن كمان تقوليلى معنى اسمك الجميل دا اية

[drnahla]

انا ماشية ع خل التفاح من شهرين
وحاسة انها قلت كتير

[drnahla]

بس ليه ام حمادة كاتبة ان الموضوع ده فيه معصية؟؟؟؟؟؟؟؟؟

[nosha_ali2010]

بس يا حببتى خل التفاح ريحتة قوية اوى بتحطى علية حاجة ولا بتستعملية كدة لوحدة

[drnahla]

انا بحط خل التفاح لوحده وادلك بيه المناطق المشققة بفعل الحمل
لوحده
وهوة متاطير يعنى ريحته بتروح بسرعة من ع الجلد
وان شاء الله بعد ولادتى هاستعمل معاه لسان البحر
ناس كتيييييييييييير قوى قالت انه هايل

[nosha_ali2010]

متشكرة يا قمر على اهتمامك

[@@خبيرة تجميل متخصصة@@]

انا عندي ليكم وصفة تحفة علشان الخطوط وان شاء الله تجيب نتيجة في خلال اسبوعين او شهر بالكتيرباذن الله

تحضري كوب من زيت الزيتون + ربع كوب من عصارة الصبار + 6 كبسولات من فيتامين E و4 كبسولات من فيتامين A تشتريهم من الصيدليه + 5 نقاط من زيت الجزر وتخلطيهم جميعا جيدا وتضعيهم في علبه زجاج يعني في قاروره وتضعيها في الثلاجه. وتضعي من الخليط على قطعة قطنه وتدهني مكان الخطوط او التشققات صباحا ومساءا ويوميا وضروري قبل كل استعمال ترجي القاروره جيدا وبعد اسبوعين تختفي هذه الخطوط والتشققات بإذن الله تعالى

[nosha_ali2010]

مشكورة على مرورك يا قمر بس هى فعلا نتيجنهم فعاالة

[دنيا الحنان]

بجد يانوشا موضوع جاامد واغلب السيدات بتعاني منة واللهي انا ماعنديش حل بس ربنا معاكي ومعانا وانا استفدت كتير من الردود وجزاك الله خيرا

[nefertety]

انا كما ن عندي الخطوط ديه واللي بسمعه انها صعب تروح
وكمان سببها الالرجيم الكتير وبعدين التخن تاني يعني لازم نثبت الوزن 000

[nosha_ali2010]

والله يا بنات مفيش حاجة مليهاش علاج انا اعرف بنات كان عندها خطوط بيضا وراحت عارفين عملو اية دوامو على الترطيب انا دلوقتى بعمل رييجم وخسيت 8 ك ولسة هخس تانى والحمد لله شكلها مبقاش باين اوى يس عارفين بعمل اية تانى عارفين الفرش بتاعت الضهر الى ايديها طويلة دى بعمل بيها مساج وادهن بزيت جونسون الاطفال ولو جابت نتيجة هبقى اقولكم