[أم مريم]

انا بقى اللى عزماكوا على الغدا النهاردة

كباب حلة

لحمه مقطعة مكعبات صغيرة تتشوح فى سمن على النار ثم يضاف عليها بصل مبشور و يقلب حتى يصبح شفاف ثم تضاف التوابل ( ملح-فلفل-كمون-بهارات-زنجبيل) و قليل من الماء حتى تستوى اللحمة و يبقى الصوص سميك و اذا احتاجت ميه بنزودلها ميه مغليه شويه شويه لحد ما تستوى

و ممكن تقدميها مع بطاطس محمرة و سلطة طحينة أو سلطة زبادى

[عبير الزهور]

السلام عليكم
بما ان ام مريم عملت الغدا يبقى الحلو عليا المرة دى .انا مشايه تبع التعليمات يا ام سعيد اهو لحسن اخد مخالفة .الموضوع عسل ويستاهل 5 نجووم ,بارك الله فيكِ .
كيكة الشيكولاتة


المقادير
للكيك
2/1 زبدة
2/1 1 ك سكر
2 بيض
2/1 1 ك لبن زبادي
3/2 1 ك دقيق
2/1 ك كاكاو
2/1 1 م/ص بيكربونات صودا
2/1 م/ص باكينج باودر
فانيليا
ذرة ملح


للحشو
لبن زبادي (مصفى من الماء)
جبن كريم
كريمة لبانى مخفوقة
شيكولاتة سايحة(يعنى شيكولاته خام وبعملها حمام مائى)

الطريقة
للكيك
- يُجهز الفرن بتسخينه على درجة حرارة 180 درجة مئوية.(قبل وضع الكيكة ب 1/2 ساعة)يعنى وانتى بتعمليها بتولعى الفرن.
- تًخفق الزبدة والسكر حتى تصبح كالكريمة.(وتصير كالشريط)
- يُضاف البيض بعد ضربه بذرة فانيليا ويُخفق الخليط حتى يصبح لونه فاتحاً.
- يُضاف لبن الزبادي ويُخفق الخليط حتى يندمج...ويصبح متجانس تماماً
- يُنخل الدقيق والكاكاو وبيكربونات الصودا والباكينج باودر والفانيليا والملح ويُضاف خليط الدقيق للخليط ويُقلب حتى تندمج كل المكونات.
- تُدهن صينية فرن مستديرة بقليل من الزبدة ويُصب فيها عجين الكيك ويُسوى سطحه....بسكينة عريضة أو باليد المدربة يعنى بخفة كده.
- تُخبز في الفرن لمدة 50 دقيقة.
-يجرى لها اختبار النضج المعروف والشائع ..(تجديه فى موضوع الكريم كراميل)
- تُقلب على شبكة معدنية وتُترك حتى تبرد.

للحشو
- يُخلط لبن الزبادي والجبن الكريم والكريمة اللباني المخفوقة حتى تندمج المكونات.
- تُضاف الشيكولاتة السايحة ويُقلب الخليط حتى يندمج.
- يُقطع الكيك عرضياً إلى ثلاثة أجزاء.....(افقياً يعنى) أو بمعنى أخر 3 ادوار..كده اصبحت واضحة طبعاً.
- يوضع أول جزء وتوضع فوقه جزء من كريمة الحشو ثم طبقة من الكيك ويُكرر السابق.
- يُغطى سطح الكيك وجوانبه بكريمة الحشو ويُسوى بسكين عريضة من الوجه والجوانب..تسوى بيد واليد الاخرى تحمل الكيكة وتلفيها بيدك
فى الهواء بسسس تكونى على حذر أحسن تقع منك..او بلاش ضعيها على المنضدة ولفى أنتى حولها وتسوى جميع اسطحها وجوانبها متهيالى
كده افضل لكى صح؟ أأمن

- تُزَيَّن بالكريمة بواسطة ما يسمى (بقمع الحلوانى) وتعملى وردات مثلا داير مايدور على دائرة السطح أو التصميم اللى يريحك لان التزيين
موضوع كبير وعاوز موضع لوحده وممكن تستعملى حبات من الكريز المجفف او قشور الشيكولاته وكلها الان متوافرة فى السوق
وتقدميها على طبق من البللوروتحتها مفرش دانتيل ابيض.....

و 1000 هنا وشفا
يلا مين اللى عليه العشا بقى يا فتكوات ؟؟؟

[ام سعيد]

تسلم إيدك يا ام مريم يا عسل انا بحب كباب الحلة.
وتسلمى يا بيرو على الحلو وكده مفيش مخالفة هههههههههههههه
بالهنا والشفا

[أمولة]

موضوع رائع يسلموا ام سعيد-----------

[ام الاولاد]

و لا تزعلوا العشا عندى النهاردة و هى اكلة سهلة و بسيطة و لا تاخذ اكتر من 10 دقائق فى التحضيرو هو ده الرابط بتاعها و انا عموما نقلتها لكم يا قمراتتتتت

اكلة ال 10 دقائق

المكونات :

كيس هوت دوج
2فلفل رومى مقطع شرائح
2بصل مقطع حلقات
2 طماطم
نصف كوب جبنة موتزاريلا ( حسب الرغبة )
2م/ك زيت

التوابل
1/2م/ص قرفة
م/ص زنجبيل
ملح
شطة (حسب الرغبة)

الطريقة
يسلق الهوت دوج كما هو مبين على العبوة و يقطع حلقات
يشوح البصل فى الزيت ثم اضيف الفلفل وبعد دقيقتان اضيف الهوت دوج و الطماطم و اتركهم حتى تتبل الطماطم و اضيف التوابل وبعدين اقفل النار ،اضيف الجبنة

اقتراحات التقديم
يقدم فى عيش شامى ملفوف
يقدم فى الفينو مع البطاطس المحمرة
يقدم على مكرونة اسباجتى مسلوقة كا صوص

بالهنا والشفا

[ام سعيد]

موضوع رائع يسلموا ام سعيد-----------

تسلميلى يا امولتى.

[ام سعيد]

تسلم ايدك يا ام الاولاد

[حنان ام عمر]

انا بقى ححضر لكم الفطار

وهو عبارة عن بيض بالبطاطا

تيجيبي حبة بطاطا وتقشريها وتفرميها مكعبات
تحطي في المقلاية زيت زيتون وتقلي في مكعبات البطاطا

بس تستوي البطاطا تنشليها من الزيت
وتفقسي عليها اربع بيضات وترشي الملح والفلفل الاسمر

وبس كدة جربوها لذيذة اوي مع السلطة دية

افرمي حبتين بندورة شرائح كبيرة
وحبة خيار شرائح كبيرة
وبصلة صغير بيضاء شرائح كبيرة
وحطي ملعقتين زيت زيتون
وملح ودوقي وادعيلي

[nona.ezzo]

تسلم الايادي
وانا عازماكم علي الغــــــــــدا

فاصوليا بالكرشة

الأكلة الشعبية الشهيرة عند الليبيين هي فاصوليا بالكرشة ، وذلك لمذاقها اللذيذ الذي لا ينسي وسهولة التحضير وبساطة التكاليف .

المقادير :
كيلو من كرشة عجل ، 1.5 كوب فاصوليا ناشفة ، سمن أو زيت ، بصلة كبيرة ، 1.5 كوب طماطم اخضر معصور ، 1.5 ملعقة كبيرة صلصة ، 5 فصوص ثوم ، ملعقة كبيرة كمون حوت ، فلفل احمر ، رؤوس فلفل اخضر ، كركم (بزار) ، فلفل أكحل ، حرارات ، ملح ، قليل من المعدنوس والكسبر .
الطريقة :
تنقع الفاصوليا من الليل بع تنقيتها من الشوائب وتوضع علي نار هادئة في ماء مضاف إليه ملعقة من زيت ليسهل نضجها .
تنظف الكرشة تنظيفاً جيداً بالماء والصابون وتشطف جيدا ثم تقطع قطع صغيرة ومتوسطة.
يغلي مقدار من الماء في حلة وتوضع فيها الكرشة بالقطعة ثم تنشل بسرعة وتخرط لإزالة الطبقة السوداء وتغسل بالماء البارد مرة أخري ثم تقطع قطع صغيرة .
يحمر البصل في السمن أو الزيت بعد بقطيعة رفيعاً .
تسقط الكرشة مع البصل وتترك حتى تتشرب ماءها .
يضاف الطماطم المعصور والصلصة والتوابل وقليل من كمون الحوت ورؤوس الفلفل وتترك علي نار هادئة جداً حتى تنضج .
حين تنضج تضاف إليها الفاصوليا دون تصفية منم الماء .
يدق الثوم والكمون والملح ويضاف إليها ويقطع الكسبر والمعدنوس رفيعاً ويضاف .
تترك تغلي مدة 5 دقائق ثم تقدم مع الخبز البيض أو الأسمر للغمس .

وبألف ألف صحة وعافية .