وصفة سهلة

شرين عمر · #1 28-6-2008

.
السلام عليكم ورحمه الله وبركاته
هذا الموضوع شاهدته من ايام فقط على قناه الMBC الفضائيه من كام يوم فى برنامج التفاح الاخضر وحبيت انقل الى قيل فى هذه الفقره للافاده
اولا هناك اعشاب تزيد من حرق السعرات الحراريه وبالتالى الى فقد الشحوم والوزن الزائد
اولهم الشاى الاخضر وانا عارفه ان كل المنتدى عارفه وبيشربه
2 الشمر
3 البابونج
4 اكليل الجبل
5 المراميه
هذه الاعشاب توضع داخل اى نظام غذائى طبعا مفيده وما فيها اى ضرر وطريقتها بصب الماء المغلى عليها وتركها تنقع دقائق وطبعا بدون سكر
وتؤخذ بعد الوجبات
ثانيا
من النصائح المفيده التى سمعتها من خبيره الاعشاب
شرب كوب من الماء الدافئ والليمون على ريق النوم وهذه طريقته الصحيحه
تقطيع الليمون بقشره شرائح رفيعه صب الماء المغلى عليه وتركه الى ان يهدا ويشرب على الريق
وافادت ايضا ان عصر الليمون يعرض لخطر الحموضه لذلك وجب تقطيعه شرائح
ثالثا
بهارات تزيد من حرق الشحوم
الحبهان
الفلفل الاحمر الشطه
رابعا زيوت وقد ذكرت زيت جوز الهند وانه حارق للشحوم ويمكن اضافه ملعقه صغيره منه على السلطه مثلا
او اخذ معلقه صغيره ان استساغه المرء
خامسا واخيرا الوصفه الى باقولوكو عليها بتسد النفس وانا جربتها وفعلا افادت جدا معايا وخلتنى ما جوعش بالليل وانا عاشقه للاكل اخر الليل
الوصفه بسيطه تقشرى موزه وتهرسيها بالشوكه
وتفصصى 4 الى خمس فصوص حبهان او الهيل وتاخدى البذور وتطحنيها انا باحب ادقها فى الهون
وتخلطيهم بالموزه المهروسه وصدقينى هاتقعدى من 5 الى 6 ساعات مش عايزه تدوقى اكل
الوصفه دى كان بيستخدمها الهنود فى نوع من انواع الصيام عندهم عشان لا يشعرو بالجوع
اتمنى انى اكون افادتكو
.