[gmhh]

الاخت الحبيبه

انا يمكن رأي مش هيعجبك

ولكن ياقلبي لايصح الا الصحيح الا وهو ان يتقدم لاهلك ويطلب ايديك ساعتها يبقا تحبيه وتموتي فيه مادام هو زوجك اما ماقبل الزواج فلا والف لا

تقربي الي الله ووجهي كميه المحبه اللي في قلبك الي الله عز وجل
لان يااختي وده جائز انه لايفكر بالارتباط الان الو عينه علي واحده اخري هتعملي انت ايه ساعتها

الحب الشرعي والحقيقي هو للزوج فقط لاغير

هداك الله الي مافيه خير لك

لو تعرفى انى ده راى دايما

ومش بايدى والله انا بجاهد نفسى فى انى انساه بطريقه لو تعرفيها هتعذرينى

انا بقيت اى حاجه تمط له بصله ابعد عنها غصب عنى علشان اقدر انساه وبشرتى حساسه جداااااااااااااااااااامينفعش امشى فى الشمس خالص وكنت وانا راجعه من الكليه بمشى من شارع جنب شارعهم علشان ظل وعلشان انساااه بقيت امشى من الشارع التانى اللى كله شمس وبشرتى بقيت كانها محروقه وكل اللى يشوفنى يقولى مال وشك اقولهم من الشمس والحر وصاحبتى اللى عارفه الموضوع كانت عندى فى البيت وكنت قالعه الخمار فبتشوف الفرق بين الباين والمستخبى قالتلى حرام عليكى امشى من الظل وانتى هتعملى ايه

وكل اللى مضايقنى فى الموضوع انى خايفه ان يكون الحب حرام بس والله مبعملش اى حاجه حرام ده انا حتى اكسف ابص ناحيته
واللى طمنى شويه انى فيه قالوا انه مش حرام لانه مش بايدك حب او كره حد

[gmhh]

ربنا معاكى يارب يجعله من نصيبك يارب
أمال لما تحبى واحد و شفتيه مرة واحدة بس تعملى ايه ؟

ربنا يجعلوا من نصيبك يا gmhh يا بنت حوا وادم

ربنا يجعله من نصيبك
بس ماتوهميش نفسك بامل كداب
لان الله اعلم النصيب فين وهو مايعرفش انك بتحبيه وممكن يكون فى دماغه واحده تانية

ربنا يسمع منكم يارب

ومتخفيش اختى الزوجه الاولى انا حاطه قدامى احتمال كبير انه ميكنش ليه

واكيد اللى ربنا كاتبه ليا هو الخير

ودائما اقول

اللهم انى ادعوك بما احب فاسالك ان توقع ما احب وان اوقعت مالا احب فاجعل هوايا لما تحب وارضنى بما تحب

وكل حاجه بتيجى من عند ربنا خير

[نيللي]

بصي يا حبيبتي ثقي في الله وثقي بان كل بنت مكتوب عند ربنا مين اللي هيتزوجها
وايضا كل شاب مين اللي هتتزوجه لو انتي امنتي بالكلام ده هترتاحي نفسيا
لان لو ربنا كتبهولك مفيش واحدة غيرك هتتزوجه
صدقيني لو كل البنات ايقنت الكلام ده مش هيشغلوا بالهم بفلان وعلان
اشغلي نفسك بدراستك وسيبي النصيب على ربنا وربنا يقدم اللي فيه الخير

[مصراويه]

أنا من رأى أم مهند - لازم الواحده تحتفظ بكل مشاعرها بس لجوزها - طب أيه رأيك إن أنا أتكتب كتابى 3سنين ومع ذلك مسمحتش لنفسى إنى أفكر فيه كحبيب إلا بعد الزفاف - عشان كده أنا معرفش أزاى الواحده تحب واحد معاشرتهوش - حتحب فيه أيه ؟ أوعى تزعلى منى أحنا أخوات - أنا خايفه لما تتعلقى بحبال الهوا الدايبه قلبك ينجرح وتتصدمى - أصبرى على رزقك حيجلك لحد الباب ولما يجى ويتقفل عليكوا باب واحد ولقيتى فيه كل إللى تتمنيه حبيه وأشكرى ربنا عليه - ولو لاقدر الله لقتيه غير كده أصبرى عليه وجاهدى ربنا فيه - وإن شاء الله ربنا ييسرك إللى فيه الخير.

[كنده]

والله يا بنتي انتي بوهم
والاحلام بتيجي ع النوايا والي بالنفس
فاذا هوة بنفسك حتشوفيه بالمنام
يا عزيزتي اشغلي نفسك برضا الرحمن وشيلي الوساوس دي من مخك
والفراغ اغلب الظن هو الي بيعمل معاكي كدة
حبيبتي
اتقى الله بنفسك مينفعش تعملي كدة
تنامي عايزة تشوفيه
طيب متطلبي تشوفي الرسول
الجنه
مش احسن
ربي يهديكي ويهديني معاكي
ويهدي بنات حوا وادم
وكل عبيدة

[ورد شاة]

رايى لوبيحبك هينقدم ويخطبك غير كدة ياريت تنسي لانة في الاخر يبقي وهم

[ام سراج]

اختي gemhh
واضح انك لسه صغنونه لانك بتفكريني بنفسي لما كان عندي 16 سنه وحبيت واحد من بعيد لبعيد حتى ماحاولتش اكلمه لغايه رابعه كليه وبعدين تفتكري ايه اللي حصل؟
انا كنت مراهقه ونايمه في العسل ولما صحيت لقيتني بضحك على نفسي ..هوه هيحبني ويتجوزني ليه؟البنات الكويسه كتير وحلفت اني لازم افوق من اللي انا فيه وبطلت ادعي ربنا انه يجوزهولي بالاسم لأن نصيبي عند ربنا وهوه عارف ايه الاحسن ليا
بعد 4 سنين هوه اتجوز بنت خالته اللي اكتشفت انه كان بيحبها من صغره..طيب وانا؟
الف حمد ياربي..اتجوزت انسان لو لفيت كل الدنيا لا يمكن الاقي زيه..وامنت ان ربنا كان شايلي الاحسن من الاول..بس طبع البني ادمين الاستعجال وقله الصبر
ادعي ربنا ييسر لك الخير بغض النظر مع مين..واصبري وان شاء الله اخرصبرك خير

[gogo&ahmed]

ربنا معاكى يا جميل ويكون فيه الخير ويكون نصيبك

انا حاسه بيكى لان انا كمان زيك بس انا كبرت على موضوع المراهقه ده ولما بتشوفيه مره ولا مرتين اومال انا اعمل ايه لما هنبعد عن يعد سنتين علشان الجيش وانا بحبه وهو بيموت فيه وهو اول واحد بشكيله لما بكون مخنوقه وزعلانه وكل يوم مع بعض فى التليفون والنت بس شفته مرتين بس لو مكانى تعملى ايه لما تتحرمى منه وانتوا الاتنين بتموتوا ف بعض وهو مستعد يتقدملك بس لو اتقدم اهلك مش هيوافقوا علشان الجيش

عارفه انا محتاجه دعوتك ليا ومتخافيش يا قمر لو نيتك خير وقريبه من ربنا هيحصلك كل خير

وادعولى انا كمان

[سريوة]

شوفي يا حبيبتي انا مش بقول اني عله علم بكل شيء بس ربنا بيقول (
وجعلنا بينكم مودة ورحمه) يعني هذا شيء طبيعي وبما انو انتي مبيتعمليش حاجه غلط معاه فما بتصور انو في حاجه غلط الحب احله شي بالدنيا بس يكون بالصح وبما يرضي الله وانشاء الله رينا يوفقك ويكون من نصيبك لا تخلي الشك يدخل لقلبك لان قلب المؤمن دليله بس كمان اسالي علي واتاكدي قبل اي خطوة جاده وبالتوفيييييييييييييق

[smsmah]

ماشاء الله اعرفي ان بما ان انتي مبتعمليش حاجه غلط
ربنا هيقف جمبك وهتخديه ان شاء الله
وادعي ربنا دايما
اللهم اكفني بحلالك عن حرامك وبفضلك عمن سواك واجمع بيني وبينه ف الحلال واسعدنا بحياتنا حتي يتعجب لنا خلقك اجمعون
اللهم امين
اللهم اسعدها يارب
يارب
اللهم امين

[gmhh]

شكرا الله لكم جميعا

بفضل الله ممكن يتقدملى قريب اوى

ادعولى ان ربنا يتمهالى على خير

وعلى فكره اختى ام سراج انا مش صغنونه

انا عندى 21 وهو 27

ادعولى ربنا يوفقنا مع بعض

وييسر لنا امر زواجنا

انه ولى ذلك والقادر عليه

[شيبست]

يارب تنتهى بنهايه سعيده وربنا يحكيكى ويقدرك على الالتزام وتاكدى لو هو الله كتبه ليكى مش هيكون لغيرك ولو مش ليكى فا اكيد هيعوضك با حسن منه

[نوشا]

ياريت تطمنينا عليكى
وتفرحينا معاكى