[ام حودة]

اخواتى العزيزات
لا يمكن اتخيل ولا فى الاحلام ان فى طفل زى حودة ابنى المشكلة ان محمود من يوم متولد الى الان وهو عمره سنة وشهرين صعبان عليه النوم 4 او 5 ساعات نوم كفاية بالنسبة ليه و طبعا طول النهار ولحد الصبح لعب وتنطيط واكتشافات فى المنزل تودى فى داهية وطبعا دة بيزعل ابو حودة لان مواعيد شغلة لا تسمح له بالجلوس معنا اكثر من 3 ساعات منهم الشاور والاكل والصلاة ولا يتبقى لى سوى القليل الذى لا اقدر على استثماره مع زوجى بسبب محمود
من تستطيع افادتى ترد عليا بسرعة ولها كثير الدعوات

[HALANADER]

وحتعيطى من عيل واحد؟؟؟؟؟؟؟؟؟؟؟؟؟؟؟؟امال انا اعمل ايه؟؟؟؟؟؟؟؟؟؟؟انا كان عندى ابنى قد ابنك وخلفت توأمى ربنا يخللى ولاد المسلمين يارب انا يتعمللى مقام بقى ولا ايهههههههههههههه؟؟؟؟؟؟؟؟؟؟؟؟؟ علما بأنى ربتهم وربنا كان معايا بس يالله انتى لسه شفتى حاجه كووووووووووووووووووووووووول ده دلع! لنا الله

[جيهان عبدالله على ربع]

ربنا يهديلك حودة وابو حودة ولازم يعرف
ان تربية العيال مش بالساهل هو ايه اي كلام
العب يا واد براحتك وسيبك من امك دي
واتصل بابلة مني علي الرقم بتاعها لو
حد كلمك وابقي قابلني ولو حد رد عليك

[Raniam_2010]

ايه ياجماعة كلكم عليها كده
ناااااااام ياواد ياحودة خلى باباك ومامتك يستريحوا شوية
ربنا يهديه ويبارك فيه
أو روح اقعد مع أبلة منى شوية هههههههه

[اسكندرانى]

ياعينى ياأم حوده معلش
انا بردو ابنى كده بس هو لسه موصلش لسنه هو عنده 8 شهور
للاسف معنديش حل ليكى
بس شكلنا كده احنا اللى نتصل بمنى عالرقم اللى سابتهولنا
ههههههههههههههههههه

[مصراويه]

معلش ياام حوده ربنا يقويكى - أنا أبنى كان كده بس حماتى الله يرحمها كانت عايشه معايا وكنا بنعمل ورديات نوم والحمد لله لما كبر بقى عادى - أصبرى شويه.

[شرين عمر]

فى زى ابنك كتير اوى انتى وحد وتقدرى تصرفى قوللى لو معاكى 4عفريت متعفرتن تعملى اية اصبرى التربية مش شى سهل

[tosysaden]

اه فيه زى ابنك وافظع كمان فيه تسنيم 3سنوات وسادن 4شهور 24ساعة زن وقرف تصدقى ان ساعة كام 2ظهرا دلوقتى انا لااتذكر انا اخر مرة نمت فيها من امبارح كانت امتى يعنى انا مواصلة حوالى 20 ساعة ومش عارفة حنام امتى
تجي نودى حودة وتوسي وسادن لمنى علشان تحرم تكلم انا متاكدة ان منى اول ماحتخلف حنلاقي صورها على النت ابحث مع الشرطة تحت عنوان خلفت عيل وطفشت ههههههههههههههههه

[مؤمنة بالله ورسوله]

ربنا يهديهم ويهدى اولاد المسلمين

والله يا ام حمود العيال بيربونا مش احنا اللى بنربيهم انا عندى لؤى مجننى انا وبا باة
الحمد الله هنعمل اية بس توكلى على الله ربنا يهدى

[برتقال سكرى]

ربنا معاكى ويعينك
بس كلهم كده
ربنا يهديهم يا رب

[ام اسلام2]

حبيبتى ام حودة لسة بدرى على الشكوى استنى لما ربنا يرزقك بتوائم زى وبعديها بتسع شهور يعطيكى طفل تانى زى كدة اومال انا اعمل اية بس واحد وبتشتكى منة اللة يخلية سبيه يلعب على كيف كيفة واللى مش عجبه يشد فى شعره زى هههههههه

[بدر البلوى]

ربنا يخلهولك
بس انا معنديش اطفاللللللللللللللللل

[drnahla]

عسل يا حودة
هما يطولو حتى يسمعو صوتك ف البيت
ربنا يخليه ويملا البيت تنطيط
والله بنتى شقية قوى بس لما بتنام بحس بفراغ كبير قوى
واروح اصحيها عشان اناهد معاها
انتى ف نعمة لا يعرف قدرها الا من حرم منها
بس لو تحاولى توديه حضضانة لو تعبك قوى ممكن يطلع طاقته ف اللعب مع العيال

[ام سيف الدين]

اه و الله فكرة الحضانة جميله جدا
حيطلع كل الطاقة اللى عندة و كمان حيتعلم مهارات جديدة يطلعها عليكى اننتى و باباه
يعنى حيكون فيه تجديد

[ام حودة]

محمود لسه بيبتدى يمشى وانا مقدرش ائتمن عليه احد الان ومين دى اللى حتكون حنينة عليه

[ضحي *]

يا أم محمود الموضوع ممكن حله بصي يا ستي قبل النوم بالليل حمام دافئ وضلمي الغرفة وأطفي التلفاز وأحكي له حدوته وغني له لحد ما ينام أنا إيمي بنت أختي كانت كده والطريقة دي نفعة معاها لازم يكون في وقت معين للنوم الساعة 9 مثلا يعني 9 مهما حصل الروتين مهم للأطفال لو أتعود خلاص وبالنسبة للظهر في أكل بينيم ماما كانت بتأكلني عدس مع رز كان بيخليني أنام جربي مش حتخسري حاجة وربنا يخلي محمود

[ام حودة]

ارز ايه ده انا اكلته ارز ببصل وده كان اخر حل مع الدكتور
وبالنسبة للحمام محمود ليه شاور اول ما يصحى وفى منتصف النهار وقبل ما ينام
وحكاية الساعة 9 دة كان على ايامنا محمود اول امس عمل ايه نام 3 ساعات المغرب انا قولت حيكمل للصبح المهم انه صحى الساعة 9 بليل وكان نومنا تانى يوم الساعة 11 الصبح ونام 2 ثم عاودنا الكرة تانى
بالنسبة للحدوتة والاغنية بيفوق اكثر حتى الموسيقا الهادئة مش نافعة
بالنسبة للضلمة ابنى مبيخافش منها ومرة جلست انا ووالده فى الغرفة وضلمنا الشقة كلها لمدة زادت عن 3 ساعات وفى الاخر قام وجلس يلعب فى الضلمة واحنا اللى كنا حنام

[أم مريم]

انا من رأى ضحى
الروتين مهم جداً للطفل
كل يوم فى ميعاد معين بليل اديله حمام و ضلمى البيت و دخليه ينام الموضوع هيطول كام ساعة بس بعد كام يوم هيتعود على الروتين ده و يبدأ ينام علطول
لانه هيعرف ان ده وقت النوم ومهما حصل متلعبيش معاه و لا تسيبيه يقوم من على السرير
وبعدين متنيميهوش الظهر خليه صاحى طول اليوم يلعب و يبهدل الدنيا عشان بليل ينام من التعب
و لو كان صعب عليه الصحيان طول اليوم نيميه ساعتين بدرى يعنى من 11 مثلاً لواحدة و مينامش تانى الا بليل

انا عملت كده مع بنتى و بتتظبط دلوقتى اهى و الحمد لله
ولو بترضعيه بليل لما يقوم من النوم بطلى عشان ميتعودش يصحى عشان يرضع

وزى ما قلتلك النظام ده هيتعبكوا كام يوم كده بس لحد ما يتعود عليه
و خديها قاعدة
اى حاجة عايزه تعودى اولادك عليها اعمليها بصفة مستمرة
الروتين بيعلم الاطفال كويس جداً و تستحملى شويه فى الاول اللخبطة و بعد كده هيتعود و يمشى على النظام

معلش طولت عليكى

[omyaser]

عادي جدا لما يكبر حيتغير ويبقى ينام كويس
مش كتير يعني لما شعرك يبقى ابيض بس مش قوي هههههههههههه

[om jna]

انا عندى جنى سنتين دلوقتى ..احسن حاجه متنيمهوش الضهر ابدا و تيجى بليل تعشيه كويس اوى ..عشان لما بيشبعوا مش بيقلقوا بليل..لو لس بيرضع اوقفى رضاعة بليل دى خالص حتى لو فضل يعيط و يومين و هيتعود ميصحاش..وابقى قوليلنا فى نتيجه و لا ايه