[ميرفت ام احمد]

عاوز تعكنن على مراتك, اعمل اللى هاقولك علية دة وانتة تشوف ،،،

الصبح وانت رايح على شغلك وهى نايمة تعمد اسقاط اى شيئ او خبط الباب بصوت عالى علشان تصحيها هى كمان 00 اشمعنى انتة ؟

- ولو حاولت ترجع تنام تانى قول لها مادام صحيتى حضري الفطار بقى .

اذا كنت بتتفرج على التلفزيون وهى عايزة تغير القناة قول لها معلش الحلقة دى مهمة جدا واحد صحبى شافها على القناة الفضائية وقالى ان الحلقة دى هى المسلسل كلة .

ولو كنت بتتفرج على ماتش كورة هيبقى الموضوع اسهل 00 كل ما حد من اللاعبين من اى فريق يمسك الكوره قلها معلش ثوانى بقى انا حاسس ان الكورة دى جون حتى لو كان حارس المرمى ماسك الكورة والماتش واقف لان فيه واحد مصاب .
( ملاحظة : اغلب النساء ذو ثقافة كروية ضعيفة )

اصحى يوم الجمعه بهمة ونشاط وجهز الافطار لزوجتك بس متنساش انك تستخدم طبق واكبر كمية من الملاعق والشوك و 5 حلل من اللى عندكم فى المطبخ و10 كوبيات لاعداد طبق بيض وسندوتش جبنة
طبعا يراعى ترك اثار سمنة على الارض مع ترك التلاجة مفتوحة وقشر البيض فى الحوض .

فى عيد ميلادها زين لها تورتة عيد ميلادها بخمسين شمعة ولو سألتك لية خمسين رغم ان عندها 20؟
اتحجج بضعف الاضاءة فى البيت وانت بتبص على النجفة اللى عندكم اللى فيها 30 لمبة ...مع ابتسامة صفراء خفيفة !!!

لو عملة ريجيم اجرى على السوبر ماركت ومحلات الحلويات واملى التلاجة شكولاتة وحلويات وجاتوهات"و يراعا التجول وانت مستمتع بأكل الجاتوة امامها "

لو طلبت منك تنشر الهدوم قالها حاضر مع ابتسامة حانية وبعد ما تخلص نشر الهدوم ادخل عليها وقولها انا نازل اجيب الهدوم اللى وقعت منى فى الشارع ولو سألتك هو اية اللى وقع ؟ اذكر لها كل هدومها اللى كانت مغسولة مع فردة شراب من بتوعك علشان متبقاش مقصودة منك !

لو الزوجة قررت مسح الارضيات فى البيت حاول انك تروح وتيجى على المناطق المبلولة متحجج بأنك محتاج تتصل ضرورى بواحد صحبك ومرة عطشان ومرة تانية بتجيب الجرنال ومفيش مانع انك تقول انك حاسس ان التليفون هيرن كمان شوية

لو كانت مشغولة فى نظافة البيت او مع الاولاد وطلبت منك تغسل كوبتين الشاى بتوع الصبح الموجودين فى الحوض ارجعلها كمان دقيقة من دخولك المطبخ وانت ماسك كوبية من الاتنين وهى مكسورة واسألها فى براءة ارمى دى فين ؟؟

وانت قاعد تتفرج على التلفزيون وهى طالع عينها فى تنظيف البيت وبعد ما تخلص وتيجى يدوبكك تقعد تستريح جنبك بصلها وقولها "حبيبتى معلش ممكن كوبية مية علشان ضهرى بيوجعنى !! "



وربنا معاكم واى واحد بعد ما يقرأ الموضوع ده ومراته رفعت عليه قضية خلع انا غير مسؤل او اكلت دراعه انا مليش دعوه .

نقلا عن مملكة من الجمال

ـــــــــــــــــــــــــــــــــــــ

( رأيك يهمنا )

لكتابة تعليق: ادخل على تعليقات - اوعلى اضف تعليقا –

اكتب تعليقك –

ثم اختر كلمة

اذا اعجبك الموضوع و اردت نشره في المنتديات الاخرى فاستخدمي هذا الرابط:
شوفو اللى عاوز ينقط مراتة بيعمل ايه
http://forums.fatakat.com/thread35160

[اسكندرانى]

هههههههههههههههههههههه
مش ممكن دى حاجه تنقط فعلا
بس دمها خفيف وزى العسل
أنا ضحكت جامد جدا
بس نفسى امسك الراجل ده واعمله كده :

[رانيـــا الشقية]

هههههههههههههه
أنتى ياميرفت جاية تهدى النفوس
وشايفة الرجالة مش بيحاولوا ينقطوا الستات

[شرين عمر]

انتى اكيد محامية وعوزة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟تهدى النفوس

[مصراويه]

هى الحكايه ناقصه لما جايه تدى دروس - طب أوعى جوزك يقرا الموضوع .

[أم مريم]

انا مع مصراويه
هى الحكايه ناقصة

[نسيبه]

هههههههههههههههههههه
موضوع جميييييييييييييييل

[ميرفت ام احمد]

انا جوزى هوا اللى جايبلى الموضوع والاطرف انه بينفذه بحزافيره بس انا بعمل معاه زى اسكندرانى بالظبط

[ميرفت ام احمد]

طيب انتو بجد اللى ردو بس زوق زوق زوق الصراحة