ليكوسيد - آر

جين صبرى · #1 29-6-2008

.أزيكم يا فتكوات
بتوحشونى وأنتوا معايا ابتسامات

من كام يوم قريت بمنتدى سعودى واحده بتعلن عن كريم ليكوسيد - آر
وبتقول:-
بشرى يا بنات عندى كريم ليكوسيد _ آر المصرى اللى بيفتح
وتمنه عشرين ريال بس ابتسامات

يالهوى ده بـ 3 أو 4 جنيه عندنا على أيام فرحى جبته بـ2 ونص

معقوله الكريم ده له أقبال بالشكل ده..طب أنا عايزه أقولكم تجربتى وبأمانه

أنا جربته على فرحى بالركب حطيت منه طبقه رقيقه جدا ولمدة 3 أيام
وبعد كده الجلد الأسمر أتقشر
وتدهنى بعد كده زيوت ملطفه لحد مايروق شويه مكان التقشير
وبعد كده تتابعى بوصفات طبيعيه أفضل

بصراحه أنصح بيه اللى الوقت جرى بيها وميعادها قرب
وياريت تبقى متابعه مع طبيب أو حتى صيدلى
يعنى ماتاخدهوش لوحده كده أو من نفسها

ملحوظه :-
اذا كنتى حتستعمليه للبشره لازم بتستعملى معاه كينا كومب كريم
وللعلم ده فيه كورتيزون وبرده تحت أشراف طبيب

أنا حبيت أقولكم عنه لأن كتير منكم بيدخل على منتديات تانيه
ويلفت نظركم الأعلان وتجروا تشتروه
فوائده:- بيفتح وبيقشر مكان البقعه
أضراره :- مقشر قوى جدا ومينفعش نجربه من غير متابعة
طبيب أو حتى صيدلى

سلام يا أخواتى

.

الزوجة الاولى · #2 29-6-2008

تشكرى ياجين على المعلومة بس انا معرفش الكريم ده
مش ليكوسيد ده بتاع الشعر علشان القمل ههههههههههههه
ولا حاجه تانيه عموما تسلمى على المعلومة وانا من رايىء الماسكات الطبيعية احسن

nosha_ali2010 · #3 29-6-2008

مشكورة يا اختى بس انا حبيت اقول تجربتى معاة المرهم دا قوى جدا وجلدى مستحملوش خالص ومعمليش اى حاجة بل على العكس جابلى حساسية وخلو بالكم يا بنات وانتو بتستعملوة واتعبو نصايح جين

Rachida100 · #4 29-6-2008

تسلمييييييييييي يا حبيبتي

dodynido · #5 29-6-2008

شكرا على المعلومة الحلوة دى ياجين

lolomooza · #6 29-6-2008

ازيك يا جين انا استعملتوا من فتره هو كويس بس فعلا مفعوله قوي ولازم اي مرطب يتحط بعده وكمان انا هضيف اضافه لكلامك انه بيزيك اثار الحروق القديمه والجروح من علي الجلد شكرا حبيبتي

drnahla · #7 29-6-2008

المشاركة الأصلية كتبت بواسطة الزوجة الاولى

تشكرى ياجين على المعلومة بس انا معرفش الكريم ده
مش ليكوسيد ده بتاع الشعر علشان القمل ههههههههههههه
ولا حاجه تانيه عموما تسلمى على المعلومة وانا من رايىء الماسكات الطبيعية احسن

لالالالالالا
التانى اسمه ليسيد
بس ليكوسيد ده
انا جبته قبل خطوبتى واستعملته ع وجهى
يا سلام بعد اسبوع كان عندى بشرة اطفال
وبياض وحلاوة
بس بيضر البشرة مع طول الاستعمال لانه قوى جدا
يعنى كفاية طبقة رقيقة منه ع الجلد لمدة 3 ايام مرة قبل النوم
ويا ريت ما تستعمليش الصابون او اى كريم بعده لانه بيلهب البشرة
وبعدين وقفى الاستخدام
هتلاقى الجلد لسه بردو بيقشر لوحده
غير ان الجلد بيبقى رقيق قوى وما يستحملش وسائل ازالة الشعر
الصراحة اهميته الاكبر ف ازالة البقع السمراء واثار الحروق

جين صبرى · #8 29-6-2008

الزوجه الأولى
أأأه تصدقى ينفع برده
ههههههههههههههه

جين صبرى · #9 29-6-2008

نوشا
شكرا على مرورك .. جلدك مااستحملهوش عشان لازم
يستعمل معاه كريم به كورتيزون
وعشان كده لازم أشراف طبيب

رشيده ودودى
شكرا على مروركم

جين صبرى · #10 29-6-2008

لولو والدكتوره نهله
شكرا والله على مروركم وعلى التوضيح للفتوكات
بارك الله عليكم

وأنا كمان حطيت منه عالبقع مره واحده طبقه رقيقه جدا
لمدة 3 أيام وكان جميل
عشان بيقشر الجلد الغامق وبيدى فرصه للون الجلد الطبيعى يظهر