[أم مهند الطيوبة]

والله انا اكتشفت حاجة ان فعلا الإنسان طماع جدا
محدش عاجبة حالة ودى طبعا من التجارب الى الواحد بيشوفها
الى متجوزة نفسها ترجع بنت
والى مش متجوزة هتموت وتتجوز
والى معاها ولاد نفسها الارض تنشق وتبلعها والى معندهاش بتترشأبس على ضحكة بيبى
والى طخينة عايزة ترفع
والى رفيعة بتاكل مفتأة علشان تطخن
وغيرة وغيرة
ياريت حد يقولى انه عاجبة حالة

اذا اعجبك الموضوع و اردت نشره في المنتديات الاخرى فاستخدمي هذا الرابط:
فعلاياملاش عين الإنسان غير التراب
http://forums.fatakat.com/thread35164

[اسكندرانى]

عندك حق والله يا أم مهند
بس هو ده حال كل الناس

كويس انك فكرتينا بالكلام ده عشان نقول الحمد لله دايما وعلى كل حال

[رانيـــا الشقية]

الحمد لله على كل شئ
لازم نرضى بكل شئ

[مصراويه]

دا طبع البشريه كلها - بس إحنا نقول إيه الحمد لله على كل حال .

[أم مهند الطيوبة]

والله يسلم كلامكوا فعلا الحمد لله على كل حال ودايما نقول (الحمد لله الذى عفانا من ذلك وفضلنا على كثير من خلقة)

[temoon.pompa]

الحمد لله الذى عافانا من ذلك وفضلنا على كثير من خلقه ............
الحمد لله على كل شىء .....
وبشكرك يا قمر على موضوعك ربنا يجعله فى ميزان حسناتك يارب

[nona79]

والله يا ام مهند عندك حق انا عاوزة ابقي رفيعة زي زمان قبل الجواز ههههههههههه

بس اكيد الحمد لله علي كل حال

تسلمي يا قمر الواحد لازم يفتكر انو يحمد ربنا علي نعمه الي ساعات بنكون

مش حا سين بيها غير لما نشوف الي اتحرم منها الحمد لله

[أم الطيب]

والله احنا في نعم لا تعد ولا تحصى ولا بنحس بيها..
وربنا يديمها علينا علشان الواحد مبيحسش بالنعمة إلا لما تتاخد منه.
الحمد لله على نعمه.
انت عارفة يا ام مهند.. لما علي ابني دخلت بيه المستشفى كان عنده 23 يوم كنت هتجنن عليه والولد تعبان ومش عارفة اعمل ايه وكنت في حالة صعبة جدا لما قعدت معاه في المستشفى في قسم الاطفال شوفت العجب والله وبقيت اقول الحمد لله الحمد لله.. الاولاد يا روحي مكملوش سنة ومحطوطين على اجهزة التنفس الصناعي واجهزة القلب وتسمعي صريخهم .. والله كنت بامشي في الممرات واقول يارب انت رحيم بنا.. واسمع حكاوي من الامهات لها العجب.
الحمدلله.. احنا والله عايشين برحمة ربنا.

[أم مهند الطيوبة]

انتو عارفين انا لما عرفت انى حامل فى مهند مافرحتش كنت لسة متجوزة من شهر ومالحقتش لا اروح ولا اجى ولا اسافر وقعدت زعلانة لغاية ماحسيت بية بيتحرك فرحت ودلوقتى عندة سنة ونصف مقدرش اعيش من غيرة لما بشوف اصحابى الى معندهمش اطفال ومتجوزين من 5سنين بحمد ربنا وبستغفر

[nona79]

ربنا يبارك لكم في اولادكم يا حلوين ويفرحكم بيهم ويخليهم

فعلا الاولاد اكبر نعمة مع اننا بنشكي كتير من شقاوتهم

و تصرفاتهم بس انا كمان لما علي بيروح النيرسري 3 ساعات ببقي ملهوفة عليه

وبيوحشني

ربنا ما يحرمنا منهم ويرزق الي محروم منهم آآآآآآآآمين يا رب

ام الطيب انتي كمان عندك عليوة زيي بس انهي عليوة اكبر

علي ابني عنده 4 سنين ونص

[مؤمنة بالله ورسوله]

طبعا احنا لازم نقول الحمد الله على كل حال

[برتقال سكرى]

الحمد لله على كل شئ
أهم حاجة الرضا

[ام سيف الدين]

انا انا انا الحمد لله حالى عجبنى بس
نفسى اخس شوية صغيرة
ووشي يبيض حبتين
و ربنا يهدى ابنى و ينام مدة اطول عشان اعرف اعيش حياتى شوية
و .........و........و..........
بس كفايه النهاردة كدة و نكمل بكرة
ههههههههههههههههههههههههه

[أم الطيب]

ايوة يا نونا..
عندي عبدالله 5 سنوات ونص وعلي 3 سنوات ونص