[أم مهند الطيوبة]

والله انا لقيت كتير اوى من المتزوجين نفسهم يرجعوا ولو دقيقه لحياتهم السابقة بدون طبيخ ولا غسيل ولا بامبرز
ياريت تكتبوا عن احلى لحظات مريتو بيها ونفسكوا فيها قبل الجواز

اذا اعجبك الموضوع و اردت نشره في المنتديات الاخرى فاستخدمي هذا الرابط:
مين متزوجة نفسها ترجع لزمان وهى حرة اية هى احلى لحظات ليكى وانت حرة
http://forums.fatakat.com/thread35169

[اسكندرانى]

ياسلاااااااااااااااااااام
فكرتينى ليه بس.......مع انى مش ناسيه اصلا

احلى ايام فى حياتى كانت قبل الجواز
انا مقصدش انى مش مبسوطه حاليا لا الحمد لله بس قبل الجواز حاجه تانيه خالص

خروج مع قرايبى واصحابى ..... ناكل شيبسى وأيس كريم فى الشارع
نقف على عربية ترمس ونشترى ....ندخل كل المحلات نتفرج عاللى فيها ....
تطق فى دماغنا نروح مشى مع ان المسافه طويييييله
ناكل كشرى عند الحجاز مره.......كنتاكى مره.... كباب وكفته المحمدى مره........ جاردينو كافيه مره .....جريين كورنر مره........
المهم نكون سوا وخلاص

نعمل اعياد ميلاد لنفسنا ونشترى تورت وجاتوهات ونهيص

مكنش فى مسؤليه كبيره زى دلؤتى

[مصراويه]

بصراحه احلى أيام عندى كانت أيام الكليه - أنا كنت فى كلية البنات إللى فمصر الجديده وكنا شلة بنات تجنن أصحاب وإخوات بس للأسف بعد التخرج كل واحده راحت فى ناحيه وشويه شويه أنقطع الإتصال بينا - بس أنا ربنا عوضنى بأصحابى وأخواتى الفتوكات عشان كده بحبهم وأتمنى تدوم بينا المحبه {يارب}

[وردة لبنان]

انا يا ام مهند مشمتزوجة بس اتزوج بقلك وبجاوبك...

حبيتي انا كتير بيسعدني تدخلي وتعطيني رأيك بقصتي الجديدة ...ناطرك
http://forums.fatakat.com/showthread...446#post407446

[أم مهند الطيوبة]

والله يااسكندرانى ومين سمعك كنت هعيط من كلامك فاكرتينى
ويامصراوية ربنا يخليلك اخواتك الفتوكات بس كان لازم تحاولى كتير تفضلى متصلة بأصحابك من الجامعة لو عندك نمرة حد منهم حاولى محاولة وان شاء الله مش هتندمى
وياوردة لبنان ربنا يكرمك بالزوج الصالح وأوعدك أقرأ القصة أن شاء الله انا قرأت المقدمة جميلة ومشوقة

[ايمان صقر]

السلام عليكم
الموضوع شدني كتييير
اكتر شي بحب ارجع له ايام دراستي في الكليه والجمعه مع الصديقات والقصص الحلوة اللي كل وحدة بتقولها
بدون مسؤلية الاولاد والبيت بس مسؤلية نفس والدراسة
قووول للزمان ارجع يا زماااااان

[أم مهند الطيوبة]

انا هقولكوا على لحظات من عندى مش هتتكررلان دلوقتى متزوجة وماينفعش اعيد الا فى بلد جوزى
كنت متعودة قبل الجواز طبعا يوم العيد انزل من البيت على صلاة العيد ونفوت على اصحابى احنا 6
وعقبال مانفوت ونصحى دى بتكون الصلاة بدأت فى كل مرة ونقعد نمشى برعة ونلحأالى نلحأه وبعدين نقعد فى النادى شوية نعيد على اصحابنا ونتكلم
لغاية ماتبأة الساعة 9نروح عند حد مننا نتكلم وضحك لغاية ماتبأة الساعة11ندور فى ارقام الدلفرى على حد فاتح ونجيب اكل نفطر مع بعض ونقعد لغايه الساعة1وبعد كدة كل واحدة تروح بيتها تتغدى مع اهلها وكنت بنام بعد مااصلى العصر ومش بصحى غير بليل ياسلام كانت ايام جميلة
بس فى اللاخر لازم نقول الحمد لله

[حنان ام عمر]

اللللللللللللللللللللللللللللللللللللللللللللللللل لللللللله
يا ريت ارجع يوم واحد بس اعيش في بيت اهلي بين اخواني وخواتي وحنية امي وابوي ما في لحظة معينة بقدر احكي عنها وانا حرة لانه كل حياتي في بيت اهلي سعادة وهنا يا سلاااااااااااااااااااااااااااااااااااااااااااام
بكفي انه في ام واب ترمي حملك عليهم ولا تسألي عن حاجة بعدين
ولا خواتي واخواني كنا دايما نضحك كل حياتنا ضحك وفسح
وكان دايما كل الناس تضرب بينا المثل على شطارتنا في دروسنا ونظافتنا وترتيبنا وحبنا لبعض
اما دلوقت انا تجوزت وكبرت المسؤولية واهلي سافروا لبلد تاني عشان اخواني يكملوا دراستهم ويييييييييييييييييييي كل واحد صار في بلد

[أم مهند الطيوبة]

بصراحة انا نفسى ارجع شوية بس مش هعرف

[روبى رحاب]

احلى ايام حياتى قبل الزواج مكنش فى مسئوليه ولا صحيان بدرى ولا التزام بناس مسئولين منك

[bobo]

احلى شئ بالنسبة لي قبل الزواج هي الحرية نفسها في اخد القرارفي العمل في اختيار اللبس والنوم والاكل بس هو لازم منه هده سنة الحياة

[أم أحمد إيهاب]

أحلى لحظات لية وانا بشتغل كنت فعلا لقيه حاجة تشغلنى وناس بكلمهم وصداقات جديدة ودلوقتى من ساعة ماقعدت مجوزة نفسى فعلا

[أم مهند الطيوبة]

روبى وبوبو وام احمد
شكرا لدخولكوا بس معلش اهو احنا بردة بناخد ثواب

[الزهره الحزينه]

احلى اللحظات اني كنت حرة نفسي
انام وقت ما انا عايزه ما في مسؤوليه

[riheb00]

اااااااااااااااااااااااااااااه عليك رجعتينى لاحلى عمر فى حياتى ايام مغروسة فى قلبى لن تنتزع حتى اموت فالشيء الى اندم عليه فى حياتى انى تزوجت صغيرة لماذا ما خليت نفسى اتمتع و افرح واعيش اكثر . و ارجع و اقول الحمد الله حمدا كثيرا.

[ام شوكت]

احلى لحظات اللي نفسي ارجعلها واعيشها مرة ثانيه لحظة ما كانوا اولادي صغار وانا مسؤله عنهم وشايله همهم وقدام عيوني اشفوهم اغطيهم بالليل اراعيهم بكل شي
صدقيني عزيزتي بكرة لما اولادك يكبروا وينشغلوا بالحياة رح تتمني هذه اللحظات
موضوع رائئئئئئئئئئئئئئئع
مودتي

[أم مهند الطيوبة]

احلى لحظات اللي نفسي ارجعلها واعيشها مرة ثانيه لحظة ما كانوا اولادي صغار وانا مسؤله عنهم وشايله همهم وقدام عيوني اشفوهم اغطيهم بالليل اراعيهم بكل شي
صدقيني عزيزتي بكرة لما اولادك يكبروا وينشغلوا بالحياة رح تتمني هذه اللحظات
موضوع رائئئئئئئئئئئئئئئع
مودتي

سبحان الله ياام شوكت دة انا نفسى ابنى يتجوز بقى مع انة لسة عندة سنة ونصف بس تعبت وحاسة انى مش عارفة اعمل حاجة خالص

[أم مهند الطيوبة]

اااااااااااااااااااااااااااااه عليك رجعتينى لاحلى عمر فى حياتى ايام مغروسة فى قلبى لن تنتزع حتى اموت فالشيء الى اندم عليه فى حياتى انى تزوجت صغيرة لماذا ما خليت نفسى اتمتع و افرح واعيش اكثر . و ارجع و اقول الحمد الله حمدا كثيرا.

اةةةةة فكرتينى انا برضة شايفة ان الجواز بدرى لة عيوبة بس انت جدعة انك قولتى الحمد للة
المشكلة ان الى لسة ماتجوزش مش شايف كدة خالص

[مغربية مراكشية]

احلى حاجة كااااااااااااااانت اني اخرج واتفسح وقت ما انا عايزة وكنت اشوف ابويه وامي ليل نهار بس دلوقتي اشوفهم مرة اواتنين كل سنة

شكرا على الموضوع الجميل

[عبير وزهور]

شكرا ليكي على الموضوع ياريت الانسان يقدر يرجع الماضي انا بتمنى لاني عن جد حاسه اني معشتش ايام طفوله او مراهقه ولحاجات دي ابدا ومشبعتش من اهلي خالص وتزوجت وانا صغيره اوي وحملت مسؤليه وصرت ام وانا عندي 16 سنه بس الحمدلله على كل حال اهو كلو نصيب