[ام حودة]

اخواتى العزيزات الصمت انواع الاختيارى والاجبارى والمكتسب والمعدى لكن ما اتحدث عنه هو الصمت بين اى زوجين المشكلة ان الكلام دة كنا بنسمعه من ازواج مر على زواجهم سنين لكن الكارثة انه بيحصل مع ازواج حديثى العهد بالزواج فرق التعليم فرق الاهتمامات الله اعلم بالاسباب لكن بالنسبة لى عندما طلبت من زوجى ان يحدثنى باى موضوع يقول لى كلام حلو رد عليا وقال لى انا تعبان من كتر الكلام فى الشغل مش قادر اسمع او اتكلم مرهق جدا فما عليا غير انى اصاب بنوبة خيبة الامل وانتظر حتى يتاح لى الوقت واقوم بكتابة كل مايعكر صفوى حتى افرغ مابداخلى طريقة مجربة من ايام ما كنت فى ثانوى لحد الان المشكلة ان لما هو يقوم بالمبادرة ويتحدث لا اجدنى مهتمة بسماعه
لكل من مرت بتلك المشكلة تفيدنى برايها

اذا اعجبك الموضوع و اردت نشره في المنتديات الاخرى فاستخدمي هذا الرابط:
الصمت القاتل
http://forums.fatakat.com/thread35186

[برتقال سكرى]

طبعا انتى غلطانة
المفروض أنك تستنهزى فرصة زى دى
كل ما يطلب منك أنك تتكلمى معاه طبعا لازم تتكلمى معاه
مش أحسن ما يتكلم مع حد تانى
ويبقى بيرتاح مع حد غيرك
وحاولى تختارى الوقت الصح لو عايزة تتكلمى معاه فى حاجة
والله ده رأيى
وربنا يوفقك ويهديكم لبعض

[الزوجة الاولى]

انا مع برتقال سكرى
ربنا يهديكم لبعض بس دى باقت مشكلة فى جميع البيوت

[ام البنات3]

فعلا دى مشكله كل بيت
بس لازم الزوجات تتكلم
حتى لو مش عايز يسمع برضوا تتكلم
مش احسن لما تتكلم مع نفسها هى غلاسه بقى
يعنى هنعمل ايه

[نيللي]

يا ام حودة احنا لو لاقيين راجل نكلمه كنا اتلمينا كدة بربطة المعلم في منتدى نسائي
انا المشكلة عندي مش انه مش عايز يتكلم لأ المشكلة اننا مش بنشوف بعض الا طشاش اول ما يصحى يروح الشغل وبييجي متأخر جدا غير الولاد بيحبوه وعايزين يستفرضوا بيه من غيري بيتفننوا يبعدونا عن بعض هقول ايه عيال اخر زمن

[شرين عمر]

السكوت احيانا احسن من الصوت العالى على الاقل الجيران ما بتسمعش اصل فى ناس كدة اما الصمت او الصوت العالى

[monee_2020]

شوفى يا ام حوده يا عسل انتى دلوقتى لما جوزك يكون لسه جاى من الشغل ا انتى عارفه هو بيكون جاى ليه بعد التعب والقرف والحم والمناقشات والمشوار والتركيز و و و حاجه واحده بس اللى بيفكر فيها انه يشوفك انتى وعيالك حلوين والبيت نضيف والاكل معمول واوضته نضيفه ومعطره
والله حتى لو ما اتكلمش وطلبهم منكى بس هو ده اللى بيركز عليه ولو حسيتى انه مش شايف حاجه بيكون شايف وبيستهبل اصل الرجاله دول بينقروا فى لحظه وبيخزنوا وبعد كده ياكل وينام
ويقوم يا ستى رايق وبعدين هو بيحكى بس انتى اللى مش بتشجعيه وتسمعى منه علشان هما مش حيسمعوكى الا لما تسمعيهم الاول زى الاطفال اسمعى منه وحسسيه انك متفاعله مع كلامه وموضوعه وانتبهى له ومره فى مره لما هو مثلا يخلص تروحى انتى داسه اللى انتى عايزه تقوليه او مثلا ممكن اقول لك على حاجه او اخد رايك او كده خليكى شاطره بس مش من اول ما يجى انت عملت ايه وتبداى والله جوزى لما سافر كنت انا اللى باطلع اجيب الطلبات عرفت قيمته بره قرف وارجع البيت واقول والله كفايه عليه الطلبات دا انا اتهد حيلى حاولى بس اهتمى بيه هو الاول والله حيهتم بيكى ويحس انك مخك كبير لو اتفاعلتى معاه ويعرف قيممتك صدقينى جربى

[Om Hassan]

انا مش فاهمة
انتى بتقولى انك لما تطلبى منه يتكلم معاكى ومش بيرضى بتحبطى وبتحسى بخيبة امل وفى نفس الوقت لما يكون عايز يتكلم هو بتكونى مش مهتمة؟!!!