[برتقال سكرى]

السلام عليكم ورحمة الله وبركاته
أنا عندى سؤال للفتوكات الحلوات
الوحشات ما تردش وطبعا كلكم حلوات
يعنى لازم كلكم تردو
يا ترى بتحلمى بإيه؟ وإيه إللى نفسك تحققيه فى حياتك؟
ويا ترى الحلم ده هو نفس حلمك وأنتى صغيرة؟
ولا كل عمر وليه أحلامه ؟يعنى أحلامك دلوقتى إختلفت عن زمان؟
كل واحدة تكتب حلمها إللى نفسها تحققه
وبتعمل إيه علشان توصل لتحقيقه
عايزين نشارك بعض إيه الخطوات الصحيحة لتحقيق الأحلام.

اذا اعجبك الموضوع و اردت نشره في المنتديات الاخرى فاستخدمي هذا الرابط:
الأحلام
http://forums.fatakat.com/thread35274

[راجية الجنه]

بصى يا برتقال يا قمر اولا موضوعك جميل جدااا
ثانيا ندخل باه ف الموضوع انا و انا صغيره طبعا مكنتش بحلم بحاجه لانى كنت صغيره
اما دلؤتى بحلم ب 3 حاجات تقريبا
1- انى ادخل الجنه انا و امى و ابويا و اخواتى و كل المسلمين جميعا يااااااا رب و اشوف هناك جدى لانى مشفتهوش
2- ان ربنا يهدى جميع احوال المسلمين فى كل مكان ف العالم و ميبقاش فى حروب لا ف فلسطين و لا لبنان و لا العراق و ربنا ينصر المسلمين ف كل مكان
3- ان ربنا يشفى كل مريض و جدتى و يخليلى امى و ابويا و نعيش ف حياه هاديه و ف طاعه ربنا
ياااااا رب
و اخيرا ربنا يباركلك و يحقق احلام المسلمين و يصلح احوال المسلمين جميعا و ف كل مكان

[برتقال سكرى]

يارب يحقق لك كل أحلامك يا راجية الجنة
انتى كفاية إسمك الجميل
وربنا يعينك على طاعته

[temoon.pompa]

اما انا باه يا برتقال نفسى قى حاجات كتييييييييييييييييييييييييييييييييييير واهمهم ان ربنا يرضا عنى وانى اتوفق فحياتى وربنا يكرمنى بأنسانت يحترمنى ويقدر حبى ويتقى ربنا فييا ( ملتزم بمعنى الكلمه )
دى امنيه او حلم شخصى ....
اما باه الاحلام التانيه ان ربنا يرزقنا حسن الخاتمه يارب ويوفنا وهو راضى عنا يارب ويشفى امى وجدتى وكل مريض اللهم امين

[برتقال سكرى]

يا رب يحقق لك كل احلامك يا تيمون
وربنا يرزقك بالزوج الصالح
والذرية الصالحة

[كادبورى 81]

انا بحلم انى ادخل الجنه وبحلم انى ازور بيت الله الحرام وبحلم اربى ابنى تربيه ترضى الله ورسوله عليه الصلاة والسلام وان ربنا يرزقنى انا وزوجى الصحه والسعاده والتفاهم وما فيش مانع من شقه شيك وعربيه حلوه كده
بس ما قلتلناش ايه احلامك انتى؟؟؟؟؟؟؟؟؟؟؟؟

[ام البنات3]

انا بحلم ان ربنا يرضى عنى ويوفقنى فى حياتى
واربى بناتى تربيه دينيه سليمه ويكونوا بنات
كويسين وينجحوا فى حياتهم ولما يكبروا يرزقهم
بازواج صالحين ويرزق زوجى بالحج لان نفسه
يحج ......
موضوع رائع

[remas*]

السلام عليكم ورحمة الله وبركاته
أنا بقي يا ستي حلمي هو علي فكرة اسمك لذيذ بيجري ريقي علي البرتقال
احدفيلي وحدة بقي علشان اعرف اقولك طب اقولك وبعدين تحدفيلي اوك
حلمي هو.. اني أعيش الدنيا بأفضل طريقة ممكن أرضي بيها ربنا أفضل طريقة ومش قادرة اتنازل عن كده
في كل المجالات يعني في الدين بأكمله (أدوق جنة الدنيا وجنة الأخرة)وعايزة ادوق البرتقال برده هههههههههههههه
ادعووووووووووووووولي ربنا يوفقني بجد ويرفع بنا شأن هذه الأمة امة نبي الله محمد عليه أفضل الصلاة والسلام
دعوتي ليكم تشركوني هذا الحلم ممكن؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[nana_ay]

انا بحلم ان اشوف ولادى علماء فى الدين وطبعا ده مش بالسهل وعايز مجهود كبير جدا منى لارضى ربى
وطبعا الاحلام بتختلف من عمر لاخر حسب المسؤليه الى كل واحد بيتحملها فى العمر ده
موضوعك فعلا جميل جدا جزاكى الله خيرا

[برتقال سكرى]

أولا شكرا أوى على مشاركتكم
ويارب تحققو كل أحلامكم وأكتر منها كمان
أنا بقى احلامى طبعا أولا حسن الخاتمة لكل إللى يهمنى امرهم
والسعادة والصحة برضة لكل حبايبى
بس إللى نفسى فيه أوى حاليا إنى أشتغل
نفسى أثبت وجودى واحس إنى ليا قيمة مش فى البيت بس لا كمان فى الشغل
ربنا يسهل ونحقق كل أحلامنا

[toto s]

انا حلمي اني اخلص تعليم واشتغل بشهادتي
واني اتجوز من الشخص اللي بحبو
وانو ربنا يخليلي اهلي ويرزقنا ويغفر ذنوبنا وذنوب كل المسلمين

[برتقال سكرى]

يا رب يحقق لك كل احلامك يا توتو
ويرفع شان الامة يا ريماس
ويبارك فى أولادك يا نانا
ويوفقك يا ام البنات
وتجيبى العربية يا كادبورى
بس ما تنسيش اخواتك اللى ماشيين على رجليهم

[برتقال سكرى]

إيه يا جماعة هو مفيش حد بيحلم ولا إيه؟؟؟؟
هى حتى الأحلام بقت غالية !!!!!!