[undonelife]

انا مخطوبه وفرحي قرب... مش عارفه ليه بدأت احس بالتردد.. عايزه أسأل كل واحدة متجوزة انتي مبسوطة؟ وايه الفرق بين حياتك قبل الجواز وبعد الجواز؟ وايه الفايدة من الجواز أصلا؟ وايه الاحلى الجواز عن حب ولا صالونات؟ وهل الرجل معاملته بتتغير بعد الجواز؟
أرجوكو انصحوني وآسفه للإزعاج

[dall3 ya dall3]

بصى انا لسه متجوزتش بس اعتقد الست هى اللى فى ايدها تغير الراجل بعد الجواز لالحسن او الاوحش عن طريق معاملتها دايما تخليه متشوق ليها ومتتردديش كفايه انك تبقى مسؤله عن راجل وبيت واطفال احساس المسئوليه جميل ومخيف فى نفس الوقت وادعى ربنا يريح قلبك وربنا يسعدك يارب

[برتقال سكرى]

أولا ألف ألف مبروك
وربنا يتمم بخير
إللى إنتى فيه ده بسبب قرب ميعاد الفرح
الجواز حلو بإيديكى
و وحش برضة بإيديكى
خلى كل تركيزك على إللى يسعدك إنتى وجوزك
الست الشاطرة هى إللى بتعرف تجيب جوزها إزاى
ربنا يوفقك ويهديكم لبعض

[MISS LOKA]

انا كمان رأي زي برتقال سكري
كلام فالمضمون
وربنا يبارك فيكم وعليكم وليكم