[سكسكة]

السلام عليكم ورحمة الله وبركاته
اعزائي الفتكاوات اولا جزاكي الله خيرا لاهتمامك بالموضوع
ثانيا انا مش عارفة اعمل ايه مشكلتى ببساطة انى عايزة اعمل حفلة زفافى بدون ان اضطر الي الرقص اصلي بتكسف وفي الخطوبة لما جيت على نفسي وقمت كان شكلي سخيف اوى وضحكة مصطنعة جدا لدرجة ان في قرايبنا افتكرو ان انا مش موافقة على خطيبي المهم ان اغلب الافراح دلوقتى ان ماكنش كلها تعتمد علي ان العريس والعروسة يحيو الليلة وفكرة ان اجيب مغنى في الفرح مرفوضة ماديا اقترحت فرح اسلامى عشان نهيص براحتنا مرفوض من جميع الجهات
ماعنديش افكار في دماغي فياريت اى واحدة تقدر تفيدنى بفكرة شافتها او حتى فكرت فيها تقول ونتناقش مع بعض
والصراحة انا بحب التميز ونفسي الفرح يباه مختلف مش زفة ورقص تورته وبوفيه ورقص ونروح زى الافراح اللي حضرتها في آخر 10 سنين نفسي في حفلة جديدة مبتكرة معرفش ايه هيا ياريت تساعدونى

اذا اعجبك الموضوع و اردت نشره في المنتديات الاخرى فاستخدمي هذا الرابط:
عندى مشكلة في التخطيط لحفلة زفافي
http://forums.fatakat.com/thread35382

[totatota]

بصي يا جميل اولا مفيش خلاف ان الافراح المختلطه الي فيها رقص وغنا دي حرام شرعا يبقي ينفع نبا حياتنا بحاجه حرا م لا طبعا
بس انا كمان عندي نفس مشكلتك محدش موافق علي فرح اسلامي ففكرت اني اعمله في مكان مفتوح عندنا مثلا في اسكندريه علي البحر علي الرمله تخيلي كده او ممكن لكن عندك في القاهره ممكن تعمليه في مكان مفتوح زي جنينه فيلا او قاعه خارجيه ومجبيش دي جي ولا حاجه يبقي كده خلصنا من الغنا ناقص مشكله الاختلا حاولي وانت بتعملي الكراسي تعمليها بعيد عن بعض شويه وربنا يوفقك ويكملك علي خير
بس اهم حاجه اننا منعصاش ربنا في اهم يوم في حياتنا وطمنيني عليكي

[safynazma]

أولا ألف مبروك وربنا يتمم بخير ثانيا مش انت لوحدك اللي معترضة على الرقص بغض النظر عن السبب على العموم ممكن تتفاهمي مع خطيبك وتقولي كل طلباتك للفرقة أو ال دي جي اللي حتجبيه في الفرح وفيه ناس بتخلي كل الأغاني والموسيقى هادية خالص وفي الأول والأخر ده فرحك ودي ليلتك وانت العروسة وكلمتك ليها اهميه كبييييييييييييرة وليله عمر سعيدة ان شاء الله وحياة اسعد ومبروووووووووووووووك

[سكسكة]

جزاكم الله خيرا يا جماعة والله انا عجبتنى فعلا فكرة ان يكون حفلة خارجية ممكن فعلا على البسين في فندق ... سمعت كمان ان في فلل في الهرم بياجروها باليوم ممكن نعمل فيها حفلةبالنسبة لموضوع ان كلمتى ليها اهمية كبيرة للاسف مش صحيح من منطلق ان انا صغيرة ومش عارفة مصلحتي وهما بيعملولي الاحسنده جدتي لما بقولها عايزة فرح هادى بتقولي ماتعمليش فرح احسن بدل ما الناس تيجي تتخنق!!!وده برده حاجة لازم اراعيها بس متهيالي لو البوفيه حلو الناس مش هتزعل هاهاها ياللا ربنا يعمل اللي فيه الخير باه ادعولى هو الفرح باذن الله اكتوبر 2009 بس انا بحب اكون عارفة راسي من رجلية من الاول

[سندريلا 18]

انا معنديش اي افكار والله
بس انا حبيت اققولك الف مبروك
وربنا يتمملك علي خير

[سكسكة]

ربنا يكرمك يا سندريللا عقبال كل البنات انشاء الله

[توتة مرمر]

عزيزتي ربنا يوفقك و تبتدي حياة جميلة و سعيدة
و ممكن انك تعمليها في مكان مفتوح و من غير غناء و لا دي جي و شوية و تروحو او تسهرو انتم و العيلة بس في اي مكان علي النيل او اعملي قاعدة ظريفة علي اي باخرة من اللي علي النيل مثلا و بوفية و موسيقة هادية و كدة افضل و لا اية

[سكسكة]

شكرا يا توته على الفكرة هو فعلا خطيبي كان عايز يعملو على باخرة بس الصراحة انا بخاف من المية !!
بالذات بليل, هو عيب الموضوع كمان ان هو عيلته فرفوشة يحبو الغنا والرقص وكده وبيقعدو يقولو ان انا كئيبة عشان مش برضي ارقص بيني وبينكم انا مابعرفش اصلا ارقص
فانا مش عايزة برده ان الموضوع يباه سخيف بالنسبة لهم بس في نفس الوقت مش عارفة اعمل ايه لان لو عملت الفرح زى ماهما عايزين مش هباه مندمجة ولو عملتو زى ما انا عايزة مش هيباو مبسوطين

[حياءمسلمة]

يا سكسكة لو عملتى الفرح زى ما يرضي ربنا والله ربنا هيطرح في حياتكو البركة

وكمان لا طاعه لمخلوق في معصية الخالق اقنعى خطيبك بكده لان دى حياتكو

وقولى له نطيع ربنا ونعمله اسلامى عشان ربنا يبارك لنا

ومتنسيش ان مش ممكن تقدرى ترضى كل الناس فى وقت واحد ارضي ربنا الاول

ولا يهمك لان ربنا كريم والقلوب بين اصابع الرحمن يقلبها كيف يشاء

ومتنسيش الدعاء عشان ربنا يوفقك دايما لما فيه الخير.......انا اسفه ع التطويل

[NaNo0o0o]

بصي يا قمر انتى ممكن تأجرى فيلا في الهرم

هما في المريوطيه وغالبا كده ايجارها 1500

من غير اكل

انتى ممكن تجيبي دى جى وتقوليله يشغل اغانى هاديه بحيث ترضي الناس

وترقصي انتى وجوزك مستقبلا سلووو واى كابلز برضو ممكن يرقصو معاكم

ومنها انك مش تتكسفي ومتخافيش الرقص السلو سهل قوى

وغير كده الفستان هيبقي واسع ومش هيبان خطوات رجليكي

ارجو انى اكون افدتك

[شموسة]

اولا الف مبروك يا سكسكه
انا مقتنعه جدا برأى (حياء مسلمه)
بس عايزه اضيف _انه من ترك شيئا لله ابدله الله خيرا منه
وربنا يتمملك بخير

[kotkot]

بصوا يا قمر انا هقولك حاجة حستها بجد فعلا مهما كان الفرح تحفة برده بيبقى فيه ناس مش راضية عنه يبقى تعملى ايه ؟؟؟؟
طبعا ترضى ربك
وصدقينى مش هتندمى انا حضرت افراح كتير احلاهم كانت الافراح الاسلامية
ده حتى فى الافراح العادية احلى حاجة بتبقى الحنة عشان بتبقى بنات بس

ربنا يوفقك ويتمملك على خير

[بسنــت]

فكرة الفرح ف مكان مفتوح جميله فعلا

[eman of allah]

الف مبروك يا عروسه وان شاء الله المشكله تتحل
عقبال كل الناس