[ام ريتاج2000]

.

1. اولا تنظيف المنبارالمتسخ جدا جدا و لم ينظف نهائي

1. قطعي المنبار الي قطع مقاس 30سم اي طول المسطرة حتي تملكيها في يدك
2. امسكي حرف قطعة المنبار و ضعيها في فتحة صنبور المطبخ وافتحي المياة واقلبيها من اسفل الي فوق حتي تتقلب كلها واستمري علي هذا المنوال حتي يتم قلب الكمية كلها
3. هاتي سكينة فاكهة حتي تكون باردة نوعا ما و بظهرها امشي علي المنبار بعد فردة علي سطح متساوي واستمري بالسكينة لازالة الزلال الداخلي حتي تلاحظين بياض المنبار واستمري هكذا حتي تنظفي باقي الكمية
4. بعد تمام العملية السابقة اغسلي كل المنبارجيدا بالماء الجاري ثم كرري عملية قلب المنبار في حنفية المياة التي في رقم 2
5. اخرحاجة هاتي شوية ملح +شوية دقيق وضعيهم علي كمية المنبار واتركيهم لمدة نصف ساعة حتي تتاكدي من تملم تنظيفها وبعدها اشطفيه جيدا بالماء الجاري حتي يصير في بياض الثلج
6. خذي قطعة قطعة واربطيها من جانب واحد بخيط ابيض واتركي الجانب الاخر حتي تتم من خلاله عملي الحشو
7. مقادير الحشو
8. طبعا حسب كمية المنبار وعلي حسب حبك للمنبار يعني لو بتحبي المنبار غليظ الحجم ضاعفي كمية الارز بالنسبة للمنبار ولو بتحبية رفيع يبقي نفس كمية المنبار +2بصلة كبيرة مبشورة+حزمة بقدونس وشبت وكسبرة ونعناع اخضر او ناشف و 4وحدات طماطم كبيرة مقطعة قطع صغيرة+ملعقة كبيرة فلفل اسود ناعم +ملح +2ملعقة كبيرة زيت او سمن حسب رغبتك
9. اخلطي جميع المقادير السابقة وابدئي الحشو باخذ ملعقة ملعقة وضعيها في فتحة المنبار حتي تملئ كل قطعة منبار و بعد ملئ الكمية كلها قومي بمساوة كل قطعة اي ساوي حجم كل قطعة بالاخري ثم اربطي الفتحة بالخيط
10. اصبحت قطعة المنبار محكمة من الجانبين و هذة الحالة عندك خيارين هما
11. تسقطي المنبار بحالتة كما هو في ماء مغلي و بصلة وملح ملعقة مستكة بعد نغزة بابرة للسماح للماء بالدخول له ثم تقطعية بالسكين بعد سلقة
12. تحضري ربطات خيط قصيرة و تربطي المنبار بعد تحديد كل مسافة ترغبيها انت يعني علي حسب ما انتي عايزة طولة منبارية قصيرة طويلة زي ما انت عايزة وبعد ما تخلصي الكمية كلها انغزية بابرة علشان المية توصله
13. احضري حلة كبيرة و ضعي فيها كمية مياة مناسبة +بصلة كبيرة+ملح وفلفل اسود+مستكةوضعيها علي النار و اسقطي المنبار فيها حتي ينضج
14. اختبري نضجه ازاي بص ياجميل اسحبي واحدة واضغطي عليها لو لاحظت ان الارز طري يبقي خلاص استوي المنبار
15. انشيلة من الحلة ثمم شدي الخيط من كل واحدة من كل جانب
16. احضري طاسة تيفال او طاستك العادية ثم ضعي 3ملاعق سمن او زبد واسقطي قطع المنبار وقلبيه بملعقة حتي يصفر لونة و يصبح ذهبيا من جميع الجوانب
17. انشليه من السمن وضعيه يصفي من سمنه ثم جملي طبق التقديم بعروق بقدونس او اي خضرة عندك ثم ضعية في النصف وبالهنا والشفا وامانة ادعولي
18. ملحوظة هامة
19. انا يمكن طولت عليكم شوية بس انا شرحتة لكم بالتفصيل خطوة خطوة و خصوصا ان فية ياما مش بيعرفوا ينظفوه او يعملة مع انه غاية في جمال الطعم
20. وكل طرق التنظيف دي ممكن تختصري نصفها لو انتي نظفتية عند الجزار بعدها ممكن انتي تبدئي بالخطوة رقم 4 علطول وتكملي بقية الخطوات
21. اخر حاجة هو متعب شوية بس طعمة جميل جدا جدا
22. انا في انتظار ردكم والي عايز اي حاجة يقولي و انا تحت امركم يا اخواتي في الله

[.

[توتى]

وصفة حلوة جدا تسلمى انابحبة جدا ومن اسرارة انك قبل ماتحمرية ترشى علية ملعقتين خل وكمان شوية صلصة ها يتحمر بسرعة وكمان الممبار يقضم معاكى مش يشد وجربى فى حبة وها يعجبك جدا ودى من اسرار مامتى واللى بيجربها بتعجبة جدا وتسلم ايدك وبالهنا والشفاء