[undonelife]

بصو يافتكوات انا مخطوبه ولو قعدت اقولكم من هنا للصبح مش هنخلص.. كل ده في الخطوبه امال بعد الجواز هيعمل ايه
أولا: مش بيسمع رأي حد غير نفسه .. اللي في دماغه في دماغه
تانيا: لو حد قاله معلومه عن موضوع هو مش فاهم فيه .. مثلا زي نوعية الأخشاب المصنوع منها غرف النوم .. يحفظها مش يفهمها ويفضل بأه واحنا بنشتري.. لأ أصل هما قالولي لازم الخشب يبقى نوعه كذا فالغرفة دي هتنفع
تالتا: الشك الأعمى.. لو تلفوني فصل شحن يبقى انا قفلته عشان اكيد كنت بعمل حاجه غلط.. البيه جاله مزاج يتخانق معايا وانا في عربية الشغل يعني مش هعرف اتخانق قدام الناس.. يبقى أكيد كان في رجل قاعد جمبه فمش عايزه اتكلم قدامه
ثالثا: انا لو نزلت اشتري باكو ملح (مثلا) من البقال اللي تحت البيت من غير ما آخد إذنه تبقى مصيبة.. لكن هو ممكن ينزل مع صحابه ويبات معاهم ويرجع تاني يوم من غير مايقوللي عادي جدا
رابعا: بيسمح لنفسه يتطاول بالألفاظ لما يتنرفز ويقول انتي مش متربية.. انتي مش محترمه (كل ده عشان مثلا اتصل بيا عالموبايل ومسمعتش الجرس) ودماغه تودي وتجيب.. أنا بأه لو قلتله مجرد كلمة احترم نفسك يبقى كده اتعديت حدودي وابقى برضه مش متربية
خامسا: لو احنا طالعين مول مثلا وهو عايز يطلع عالسلم وانا مش قادره وعايزه الأسانسير.. يبقى انا كده (في رأيه) بمشي كلامي عليه.. وعايزه ابقى متسلطة.. ومش مطيعة وحاجات تانية كتير
سادسا: معندهوش طموح في شغله .. ولو قلتله يبقى طموح يبقى انا كده مستقلية بيه وهو مش مالي عيني.. يا إما انا (شايفالي شوفه تانيه) .. يا إما انا طماعة بقى

يمكن اكون ذكرت العيوب ومذكرتش المزايا عشان انا متنرررررررفزه جدا منه
ارجوكم قولولي كده ل فسخت الخطوبة ابقى ظلمته؟

[ريتا ميشيل]

منصحكيش انك تكملى معاه سامحينى انا صحبتى كانت زيك كده وبعد الجواز كل شويه مغضبها فى بيت اهلها لانه من الاول معرفش يقدرها ولا يحترمها

[undonelife]

شكرا ياريتا بصراحه انا لسه متردده وعملت استخارة بس مفهمتش حاجه

[باربى girl]

الصراحه انا مليش فى الحاجات لانى مش مخطوبه!!!!!!!!!
بس اللى انا اعرفه من تعاملاتى مع الناس ان معظم الرجاله لما بتتقلى عليهم بيعرفوا قيمتك

[undonelife]

هو مش دي مشكلته .. أنا لو تقلت عليه بيشك ان في حد تاني في حياتي.. هو شكاك في البنات بصفة عامة مش عارفه أفهمه ازاي

[sadrose]

بصى انتى لو كملتى معاة هتتعبى قوى فى حياتك وخصوصا بعد الجواز وانتى غلطتى فى حاجة اوعى تسمحى لخطيبك يهينك او يشتمك حتوصل لحاجات تانية انتى مش هتحبيها

[ريتا ميشيل]

كلامك مظبوط وبعدين وانت خطيبته بعيد عن ايده لكن لما تتجوزى تبقى الاهانات على كيفك وممكن توصل لمد اليد صدقينى انا بكلم من الى شيفاه من اصحابى

[undonelife]

هو مشكلته في التطاول والدماغ الناشفه ومش بيفكر في ظروف اللي قدامه

[toto s]

انا مع ساد روز مش لازم تخلي يهينك او يشتمك يعني اسمحيلي لو بهينك وانتو لسه بفتره الخطوبه لكان شو رح يساوي لما تتجوز
انا بنصحك تفكري بالموضوع مره تانيه
وربنا يوفقك

[ريتا ميشيل]

ممكن افهم يعنى ايه انت معاه علشان تكفرى عن ذنبك يا بنتى ربنا غفور رحيم يبقى انت اش تكونى علشان تقوليله كده سامحينى بس انت غيظتينى
بصى يا ماما انت مش حتعيشى طول عمرك وحسه ان الذل الى انت فيه والاهانه دى علشان تكفير ذنبك
انت لسه على البر وهو بيعمل كده امال لما تبقى فى بيته وملكه ولا مخلفالك عيل ولا اتنين مش حتقدرى يا اما بقى تموتى نقصه عمر

فكرى كويس

[sadrose]

انتى قلتى حاجتين دلوقتى غاظونى قوى اولا اية المشكلة انك مطلقة حتى لو انتى لسة بنت مش نهاية الكون وثانيا ان كنتى ظلمتى حد فالاولى انك ترجعى لربنا واطلبى منة يسامحك لكن تظلمى نفسك عشان تكفرى عن ذنب تفكيرك غلط واما خطيبك يعرف كدة هيعاملك اسوأ كمان لا فكرى بعقلك الاول

[ام حودة]

ايه يا بنتى هو مامتك داعية عليكى ولا ايه
محدش بيروح للهم برجلية على راى مامتى الجواز مش اعارة محددة المهلة وحترجعى منها على بيت والدك لا زم تتاكدى من الشخص الذى سيكون سكن ليكى وانت سكن ليه
ده انتى قولتى اسباب اقل حاجة فيها تخرب البيوت العمرانة وهو الشك
توكلى على الله وتاكدى ان الله سيدخر لكى الخير كله

[الزوجة الاولى]

والله مش عارفه اقولك ايه بس انتى ضحكتينى بصى لازم تاخدى موقف
وتعرفيه ان مش هينفع العيشة معاه بالاسلوب ده ليتغير لكل واحد يروح لحاله
وطبعا دلوقتى احسن من بعد كده ومش هترمى نفسك فى هم علشان ظلمتى حد
لا حرام عليكى الحياة هتعشيها مرة واحده بس اختارى صح من الاول وربنا معاكى

[كوتى]

بصى يا حبيبتى انا مريت بنفس التجربة انا كنت مخطوبة قبل كده لواحد فيه نفس الصفات اللى انتى قلتى عليها بالضبط والناس اللى زى دول بيبقوا كده لانهم معندهمش ثقة بنفسهم خالص ودا بجد صعب انك تتعملى معاه والله انا كنت تعبانه كده زيك وكنت بسامحه كتير بس كل ماتسمحى كل مايزيد يفتكره ضعف منك وطبعا مميزاته ايا كانت متمحيه عيوبه لانها كبيرة ونصحتى اوعى تفرطى فى كرامتك مهما كانت التنايج واتوكلى على الله وباذن الله يرزقك باحسن منه لان الواحد بيعيش مرة واحدة

[katkootaya]

لاااااااااااااااااااااااا والف لا ده هيوريكي ايام سوده بعد الجواز

ديه الخلاصه

[فرحــــــــــة]

بسم الله الرحمن الرحيم
اختى الغالية undonelife
ارى ان الانسان يعيش حياته مرة واحدة
فمن الافضل ان يعيشها فى سلام واستقرار نفسى
فالزواح سكن ومودة ورحمة
لم يقل الله الزواج شكل وسيم وعربية وفلوس
لان كل هذه الاشياء زائلة فكما قيل فاظفر بذات الدين
فبالاحرى ان تظفرى بمن ترضين دينه
فان احبك اكرمك وان كرهك لم يظلمك
وفقك الله لما فيه الخير والرشاد
والله المستعان

[مونى88]

انا من راى العضوات فكرى كويس ميفكريش بقلبك
فين عقلك وفين احترامك اللى هو بالطريقة دى مش
هيخلى منها حاجة فكرى كويس وربنا يهديكى للطريق الصح
وربنا معاكى ويوفقك ياااااااااااااااااااااااارب

[tosysaden]

يا بنتى ****** والانسان الشكاك بيبقى عامل حاجة غلط فى حياته وخايف ربنا ينتقم منه فى حد يعرفه بمعنى الانسان الخائن بيخاف حد يخونه وهكذا انا عندى صديقتى استحملت من خطيبها البلاوى اللى بتقوليها بعد الجواز اضربت وهى عروسة وكمان حامل وقعد مدة ماشفش فيها بنته المولودة ولما رجعت له ضربها وطردها وبنتها عمرها شهرين ومن غير متغير هدومها انا عمرى ما انسي دعى عليها بالموت هى وبنته
علي فكرة انا كتييييير نصحتها انها تسيبه ايام الخطوبة ولكن هى ندمانه اشد الندم
انا اعرف اللى بيحب حد يخاف عليه من الهوا الطاير ولايسئ له ويعمل كل حاجة بيحبها حبيبه ويخاف على زعله انا اما جوزى ميلقنيش برد على الموبايل يحاول مرات كتيرة خوف عليه مش فيه وفى نفس الوقت غيور

[أميرة الرومانسيه]

بصى حبيبتى واضح اوى اوى انك بتكتبى وانتى متنرفزه عشان اكيد لسه دبه خناقه معاه دلوأت انا من رأيي
انك تصبرى لحد ماتهدى
وادى لنفسك فرصه
يومين تلاته اسبوع متاخديش قرار فى حالتك دى ابدا
وانا عارفه اد ايه هو استفزك ودايقك
بس انتى فعلا قلتى عيوبه بس مقلتيش مميزاته
اكيد عنده مميزات اكيد بيحبك خايف عليكى بيغير عليكى
طيب حنين كل الحاجات دى ممكن تشفعله
وانتى حبيبتى لازم تكونى عارفه شخصيته وتقدرى تتأقلمى معاها
وعلى فكره والله العظيم الرجاله دول اطفااااااال تعرفى تضحكى عليهم بكلمتين
وتخليهم عجينه فى ايدك حتى لو هو نااااار انتى تقدرى تبردى النار دى
بكلمه حلوة ودايما الرجل ميحبش الى يحاسبه
وشايف نفسه دايما مش غلطان ده حقيقى
انا بقولك كده لان الصفات الى قلتيها فى الرجاله كلهم بس على درجات صدقينى
متخربيش حياتك بايدك
اقعدى معاه وقوليله
حبيبى انا محتاجه اتكلم معاك فى حاجات هتتوقف حياتنا عليها اذا كنا هنكون اسعد زوجين ولا هنبأه اتعس زوجين
حبيبى احنا عدينا مرحله فيها فتور وتوتر ومعاملتنا كانت وحشه اوى مع بعض
انا نفسى انى اسعدك احنا هنتجوز مش داخلين حرب
انا عايزاك تقول كل الى عندك الاول وايه الى بيدايقك منى وانا بعدها اقولك
وتصفى قلوبنا ونتفق على حاجات لو رجع حد فيها
سواء انا او انت يبأه ساعتها كل شئ نصيب
اتكلمى معاه بهدوء كده حبيبتى متخربيش على نفسك بقولهالك لتانى مره
وافهمى ان كلهم زى بعض والله
بس عايزه اقولك على حاجه كل الى بقولهولك يتوقف على
حاجه واحده
انتى بتحبيييييييييييييييييييه ولا لأ؟؟؟؟؟؟؟؟؟؟؟؟؟؟؟؟؟؟
لان الى يحب بيسامح ويقدر يستحمل ومبيفكرش فى الكرامه دى خالص
حبيبتى ربنا يهيألك الخير وبدعيلك ان ربنا يهديهولك
وكله بايدك بعد ربنا طبعا
حاولى تفهمى كلامى كويس وابقى طمنينى ارجوكى عليكى حبيبتى
وصلى صلاة استخاره
اسفه لو طولت عليكى بس عشان انا حسه بيكى