[سندريلا 18]

اكييييييييييييييييييييد لا
انا انصحك متكمليش معاه خالص الاكرامتك
والا الشتيمه
لكن برضه اعملي صلاه استخاره
وهو برضه اكيد فيه مميزات لو انتي قدرتي تتحملي عيوبه كملي معاه
زي ما قولتلك اعملي صلاه استخاره
و ربنا يوفقك باللي في صالحك واللي فيه الخير ليكي

[كنده]

حبيبتي
والله تبقى اجرمتي بحق نفسك لو تجوزتيه

الراجل دة نسخه عن بابا
وربنا ما يدوقك

ابعدي عنه ارميه

اوعي تتجوزيه
ده دلوقتى امال لما يطولك
حيعيشك وولادك جحيم جحييييييييييييييييييييييييييييييييييييم

[اسكندرانى]

انتو فى فترة الخطوبه يعنى احلى فتره ممكن تعيشيها معاه
بس بكلامك ده واضح انها سيئه جدا وبعد الجوازالنكد االلى بجد هيبدأ

انتى بتقولى صليتى استخاره بس مفهمتيش حاجه
اومال الشكوى دى معناها ايه ؟....وخنقتك دى معناها ايه؟
ماهو كل ده من صلاة الاستخاره

الاستخاره مش حلم تحلمى بيه
الاستخاره احساس ربنا بيهديكى ليه وارتياح نفسى او ضيق تجاه الموقف اللى استخرتى ربنا عليه

وواضح انك مش مرتاحه والا مكنتيش اشتكيتى

طب فين رأى مامتك وباباكى؟؟ هما شايفينه ازاى؟؟

انا عارفه ان اللى مخليكى تيجى على نفسك هو لقب مطلقه
بس والله العظيم نصيبك هيجيلك واللى ربنا كاتبه هو اللى هيتم حتى لو كنتى مطلقه وعندك 10 عيال

مجرد انه يقولك انتى مش متربيه دى مصيبه
يعنى انا اسفه لاهو محترمك ولامحترم اهلك
وده مش معناه انك كده لاء ده معناه انه فى خلل فى شخصيته واخلاقه

الشك هيدمر نفسيتك وعلاقتك معاه وبيتك لو اتجوزتيه
ده معندوش ثقه بنفسه اصلا يبقا هيثق فيكى ازاى

صدقينى الفلوس والغنى كلها حاجات بتهون
يعنى ترضى تعيشى احسن عيشه وتلبسى احسن لبس وتاكلى احسن اكل
بس عايشه فى نكد وهم وشكوك وشتيمه

عشان متظلميهوش اقعدى معاه وكلميه بصراحه وجرأه وثقه وقوليله على رأيك فيه اللى انتى قولتيلنا عليه بس بكل احترام وشوفى رده ايه
استخيرى ربنا تانى وتالت عشان تطمنى اكتر
بس هو شخصيه صعبه الصراحه
وصعب تكملى معاها

ربنا يقربلك الخير ويبعد عنك الشر
وينور بصيرتك

[ريتا ميشيل]

لاحظتى ان اكتر العضوات الى رضو عليكى قالولك لا تهدرى كرامتك
فكرى كوس
انت مش داخله حرب

[lol5]

لاااااااااااااااااااااااا والف لا ده هيوريكي ايام سوده بعد الجواز

ديه الخلاصه

يعني جابتها لك من الآخر.. وأنا معاها والله

أنا كمان بقول لا.. ومش معنى إنك ظلمتي تبقي تعيشي حياتك كلها مظلومة.. كلنا بنغلط.. استغفري ربك وادعي انه يسامحك

بعدين مش نهاية العالم إنك مطلقة قبل الدخول.. يااااااااااما في كتير والله ومش مرة مرتين وتلاتة أحيانا... والحمدلله ربنا كرمهم

فكري كويس.. الزواج مش يوم وليلة.. الزواج حيااااااااااااااااااااااااااااااة مش يوم وليلة ولا مشوار رايحة وراجعة منه

لما انتوا لسه مخطوبين بيعمل هيك.. يعني الفترة اللي مفروض يكون فيها الدلع والغنج والدلال هيك تصرفاته.. كيف لقدام؟؟؟؟

بعدين تعالي اقول لك.. الشك لوحده مصيبة!!!!! كيف ح تعيشي حياتك مع واحد أقل شي بتعمليه ح يعمل لك عليه قصة؟

لا حرام عليكي نفسك

فكري كويس واستخيري مرة واتنين وعشرة ومليووووون كمان.. إنتي قدام قرار مصيري

فكري كتيييييييييييييييييير منييييييييييييييييح

وربنا يوفقك

[lobna9]

راى انك تسيبيه انا كان خطيبى بردو بيعمل معايا كده و خللى بالك التطاول بالالفاظ حيزيد يعنى دلوقتى بيقول مش محترمة مثلا بعد كده حتسمعى كلام عمرك ما سمعتيه فى حياتك لانك سمحتيله من الاول انه يقول كده و بعدين هو لو بيحبك مش حيستحمل اساسا ان يزعلك اسمعى كلامى انا قعدت مع خطيبى اللى قبل كده 4 سنين فى الهم ده و كنت كل يوم اعيط منه و بعدين ما تخفيش انك تسيبيه ان شاء الله ربنا يرزقك احسن منه

و اهم حاجة انه لازم يحترمك و ان ماكنش يحترمك دلوقتى حيحترمك امتى بصى هما اول ما بيلاقوا الواحدة منا اتنازلت شوية عن كرامتها عشان الحب بيعملوا عمايل

ربنا يوفقك و كمان ما اظنش ان انسان زى ده يكون له مميزات انتى بردو صلى استخارة و اللى تحسى انه فيه خير ليكى اعمليه و ربنا يوفقك

[لولو النحاس]

يا حبيبتى كل انسان بياخد نصيبه لكن انا لو مكانك مش هكمل معاه
لان الحياه كده تكون صعبه جدا وهيحصل اكتر من كده
لان اللى فيه طبع مش بيغيره

[ام سيف الدين]

حبيبتى راجل زى دة مينفعش مينفعش من هنا للسنة اللى جاية
الخطوبة حاجة و الجواز حاجة تانية
و الجواز مبنى على الاحترام و على الثقة و هو واضح انو مبيثقش فى حد حتى نفسة
انصحك متموتيش نفسك مع راجل بالمواصفات دى لانك مش حتقدرى تكملى معاه بالمواصفات دى
انا نصحتك و انتى صاحبة القرار

[القمر الاسكندراني]

انا بعد ما قريت كل الردود ومن غير حتى ما قراها
انا كان ذيك كده بالظبط وسبته وحب يرجعلى انا مردتش مع اني لسه بحبه لحد دلوقتي
بس بجد انا مرتاحه جدا من غيره نفسيا

بجد فكري لو مش هيتغير
يبقا بلاش احسن

[ماجي2008]

صلى على النبى انا مع معظم الاخوات فى اللى قولو هم صح وفى اكيد فيهم الخبرة اللى مرت بالتجربة وعانت " الأمرين " اي الويل يعنى
انا مع الاخت فرحة فى اللى قلته صح من احبك يكرمك واذ كرهك لم يظلمك ولم يهنك
صلى صلاة استخارة يوميا لحد ما يظهر ليكي حاجة الشخص اللى ما بيسمعش اللى صوته عقله ودماغه فكرها صح لاه ابعدي عنه وربنا يعوض عليلكي عوض الصابرين المحتسبين لان الاهانة وحشه قوي هل هتقدري تتحملى اهاناته ليك وسورئ لاهلك بعد الجواز لاه يا ماما اللى على البر عوام على رأي المثل انت ماظلمتهوش فى حاجات مقبولة وفى حاجات تدوسي عليها بجزمتك وماتزعليش عليها الا قهر الرجال

[hdhd]

مساء الخير اختى
بختصار اضم صوتى لصوت الاخت فرحه
الدين حب ومعامله

[أم مريم]

بصى بقى
انتى لازم تحطى معاه حدود لتعاملاته معاكى دى و اهاناته المستمرة
ولازم موقفك يكون حازم جداً معاه انتى بنت ناس و مش وش بهدله

و الله اتعظ و اتغير كان بها بس برضه تحطيه تحت فترة اختبار طويله مروراً بظروف مختلفة عشان تتاكدى انه فعلاً اتغير

وان ما تغيرش يبقى ملوش لازمة
دى عشرة عمر و حياتك الجايه كلها على ايه تقضيها فى البهدلة دى الواحده ان مكانتش تتجوز راجل بمعنى الكلمة يحميها و يحفظها و يصونها يبقى بلاش من الجواز اصلاً
و سيبك من كلام الناس مش هينفعك
و لا حد منهم هينفعك لما تقعى فى مشكله او لو ضربك مثلاً
خليكى فى مصلحتك و ربنا يوفقك

[ام مؤمنه]

شوفى حبيبتى انا قرات كل اللى ردو عليكى بس انا رايى من الاول انك فعلا تسيبيه لانه مهما كان فيه مميزات لن تغطى على العيوب اللى قلتيها وطلما انها خطوبة بس تبقى سهل الانفصال الا اذا كنت حضرتك واقعة فى غرامه وهو ده اللى مخليكى تستشيرى لانها لو متفرقش معاك كان زمانك سبتيه

[أاأهات ودموع]

اختى حاولى تعرفيه العيوب الى فيه مثلا وممكن يستجاب ليكى او اذا ما حصل واتفق معاكى فالانفصال اريح بكتير وبالتوفيق

[سوسو المروشه]

انا فعلا مع الاخوات اللى قالولك اتركيه

لان كل شئ ممكن علاجه الا ان انسان مهما كان يتطاول على كرامتك باى صورة

وكمان البنت تتجوز علشان تحس بالامان وان جوزها بيحافظ على كرامتها

وان الاتنين شخص واحد وحياة واحدة ومستقبل واحد

مش بتتجوز علشان تتهان وتعيش بيبت مفهوش امان ولا احترام ولا حب الا فى المناسبات

وفعلا هتتعبى اوى بعد الجواز لان انتى لسه فى بيت اهلك وبيحصل معاكى كده امال لما تكونى بعصمته وفى بيته هيحصل معاكى ايه

متستعجليش على نصيبك بالجواز ربنا هيعوضك بواحد تحسى معاه بلامان والحنيه وحتى لو غلط فيكى عمره مهيجرح كرامتك ولا مشاعرك

[drnahla]

لازم يحترمك
وغير كدا
يبقى حياتك هتبقى جحيم

[ayoush4]

مرحبا
انا اكيد مقدرة وضعك وبنصحك انك تتركي وما تكملي معو لانك انت ما بتستاهلى غير واحد يقدرك وعلى الاقل يحترمك
صدقيني لمصلحتك ولمصلحة اولادك اتركي وما تكملي وان شاء الله بعوضك خير

[بيوتي جيرل]

بصي يا قمر طبعا انا مش هقول اكتر ولا احسن منهم
بس انا اللي اعرفه ان ممكن الواحده فينا تستحمل اي حاجه في الدنيا لو كانت بتحب جوزها الا حاجتين الشك والاهانه ياستحاله هتعرفي تعيشي مع حد فيه الصفتين دول هيخلي حياتك جحيم ولو بتحيبه مره في مره حبك هينقص لحد ماهتبقو مجرد اتنين عايشين في بيت واحد مافيش بينهم اي تواصل او حياه
وسيبك من موضوع انك مطلقه ده يابنتي موضوع الجواز والطلاق ده قسمه ونصيب
واللي مش بيؤمن بكده ويقول لاء دي مطلقه ماتنفعنيش ده يبقي حد دماغه مريضه
واعرفي ان ربنا مش بيجيب حاجه وحشه يمكن انتي وانتي مطلقه احسن من غيرك كتير عايشين حياه كلها اهانه يكون ربنا رازقها بحيوان مش بني ادم
واوعي ثقتك بنفسك او شخصيتك تتهز ادام حد هي دي الحاجه الوحيده اللي تخليكي تخجلي واعرفي انك لو اتنازلتي مرة هتتنازلي كل مرة
وربنا يهديكي للخير ان شاء الله

[د ايمان]

شوفى يا بنتى انا راى تسيبيه لانه هيفضل كده بل انه هيسوء بعد الزواج انجو بنفسك واولادك فيما بعد لان عمرك ما هتقدرى تغيريه عن تجربة شخصية ومش هتقدرى تحملى لقب مطلقة فيما بعد

[nefrtlove]

هاى ممكن اقول رأيي
بصى ... انا خطيبي كان كده وبحس بكده طول ما انا مضايقة
لكن لما بييجى نعد قعدة حلوة او نخرج خروجة حلوة
وصدقينى احساسك هو اللى يرد عليكى
احنا كلنا بره الموضوع
ويمكن العيون اللى قولتيها مش حاجة بالنسبة لمميزاته
فكـررررررررررررررى كويس
الموضوع بين ايديكي وكلهم بيتعدلوا لما يسمعوا كلمة حلوة
او لحظة اهتمام
شكرا حبيبتي