[قطرات الندى 2]

بصى حببتى انا طبعا عايزاكى تسيبه
انا كنت مخطوبه فتره طويله وعن حب كمان وخطيبى كان قمة الاحترام وباباى كان مبهدله اوى اوى يعينى وكان جوازنا كانه انتصار فى حرب وبعد الجواز كان واخد موقف من باباى فتره لكن عمرى ما سمعت منه كلمه وحشه عن اهلى او عنى ومعايا عمره ما غلط فيا بكلمه واحده مهما صعبت الظروف علينا واحنا مخطوبين ومكنش بيسمح لحد من اهله يقولى اى كلمه مش تعجبنى ولحد دلوقتى بعد الجواز بس ميمنعش ان احنا بتحصل بنا مشاكل زى اى اتنين بعد الجواز تخيلى انتى بقى شكل خطيبك ده هيبقى علمل معاكى ايه بعد الجواز وهيبقى موقفه ايه من عيلتك ولا لما تيجوا تتشاكلوا هتقولوا ايه
ويابنتى الجواز ده رحله صعبه اوى وبلاش تعزبى نفسك فيه على الاققل خدى واحد تقدرى تعديله وقت نرفزته لانك فكره زكره جميله او كلمه جميله لكن مش عشان جابلك حاجه بالشىء الفلانى فى يوم من الايام
ودلوقتى انتى مطلقه على الورق وبنت
عايزه تبقى مطلقه بجد ولا اييييييييييه ؟؟؟؟؟؟؟؟؟؟؟؟؟؟

[أميرة الرومانسيه]

ياريت ياقمر تطمنينا عليكى عملتى ايه مع خطيبك

[miss_dody]

الصراحه ربنا يهديه شفت خطيبي جمبه ملاك بس لانه مره قلي مااريدك تشتغلي زعلت وكنت خلاص كارهاه رغم انه طيب وواثق اما على عيوب خطيبك بجد ربنا يعينك شوفي اهم شي ياحببتي الثقه اذا على كلامك كذا خطيبك مايوثق فيك وبيشكك دي اخص حاجه لازم تفهميه نصيحتي ليكي انك تفاتحيه بالموضوع يعني حاولي تناقشيه بلسبياته بهدوء طبعا وحاولي تكوني هاديه وطلعي كل الي بقلبك ليه لاتخبي بقلبك شي انا لما بزعل من خطيبي بحاجه على طول بقوله مااحب اخبي بقلبي لاني بتعذب كثير وبعدين هذا اليوم خطيبك بكرا انتي وياه بتعيشو ببيت واحد يعني لازم تكونو متفاهمين .......... هيه دي نصيحتي انك تناقشيه وتقولي ليه الي بقلبك يمكن يتغير وابقى قولي لنا ايش حصل معاكي وبجد بدعي لك ربنا يعينك ويهدي بالك

[undonelife]

انا بجد مش عارفه اشكركم اد ايه على اهتمامكم بإسداء النصح لي
هو المشكله انه بيحكم رأيو أوي يعني مثلا امبارح راح كتب كتاب واحد صاحبه فجأه منغير مايقوللي ولا يعرض عليا اجي معاه اتصلت بيه بالصدفه عرفت.. المهم انا كنت بتصل بيه عشان عندي انترفيو مهم عشان اشتغل مقدمة (مذيعه) في مهرجان الاسكندرية السينمائي.. طبعا هو رفض مع اني كنت على استعداد انه يرافقني في الانترفيو.. بس هو قالي لأ انا عندي كتب كتاب (مع ان صاحبه ده لسه متعرف عليه من 4 ايام فقط يعني مش صديق عمره) .. قلتله طيب انا هنزل اغير بعض الملابس اشتريتها وطلع المقاس مش مضبوط.. برضه رفض مع ان تبديل الملابس بيكون لمدة 24 ساعه فقط.. بس هو طبعا خايف يكون بقوله كده عشان انزل اروح الانترفيو

عموما احنا اتخانقنا كتير وحاولت افهمه كتير لكن الظاهر انه مستحيل اغيره.. عشان كده بطلب منكم تدعولي ان ربنا يهديه ويشيل الشك من جواه. آمين. ويعمل اللي فيه الخير. انا اتوكلت على ربنا

وبجد متعرفوش انا فرحانه اد ايه انكم وقفتوا جمبي كلكم.

[قطرات الندى 2]

يعنى انتى هتسبيه ولا هتستمرى معاه ؟؟؟؟؟؟؟؟؟؟؟؟

[undonelife]

أنا استخرت ربنا وهو أكيد هيعمل حاجه هيخليني اسيبه او أكمل

[ريتا ميشيل]

يعنى عمتلى ايه

انا عايزه اقولك انت لو حتستمرى يبقى انت الجانيه على نفسك

[undonelife]

ياااااااااااااااه هو للدرجادي اللي انا حكيته مصيبه؟

[smsmah]

كرامتك ف الاول وبعدين كل حاجه
وبعدين ده لو كان دي صفاته بجد بعد متفكري وتهدي يعني
ده انتي علي راي اللي قال هتشوفي ايام سودا متلحوسه ببني غامق
وبعدين خلي عندك بقي ثقه ف نفسك ونفضي لموضوع الطلاق ده
ومتخلهوش يتطاول عليكي خدي موقف حازم وصارم وربنا معاكي يابنتي

[shiko]

هو خطيبك صعيدى ولا ايه ؟
لو صعيدى و دماغه ناشفه انا عندى الواصفه

[undonelife]

[صانعة الرجال]

السلام عليكم اولا استخيرى ربنا ازاى تسمحيلة انة يهينك وانت لسة فى الخطوبة امال اما تتجوزى هيعمل اية على فكرة انا كان ليا واحدة صحبتى كانت ذيك كدة واول ما دخل الموضوع فى الجد وقالت انها عايزة تسيبة غير من طبغة كتير ولكنها خافت انة يرجع تانى بعد الجواز فسبتة وربنا يقدر ليكى الخير

[ام سراج]

حبيبه قلبي

كان نفسي الحق اكلمك قبل ماتاخدي قرار بس ثقتيفي ربنا انه وفقك للي فيه الخير
بس فيه حاجات من وجهه نظري ثابته في اي موضوع ارتباط
-صلاه الاستخاره..صلاه الاستخاره من اول يوم يبتدي فيه موضوع لغايه يوم الفرح لأن ممكن تكون فيه حاجات مستخبيه ولما تستخيري ربنا يكشفها
-مهما كان التقارب الاجتماعي والثقافي لازم حتبقوا انت وخطيبك مختلفين لأن انت مش هوه، وهوه مش انتي
-حاجه لازم تتأكدي من وجودها في زوج المستقبل:ياترى عنده اخلاق ولا لأ؟مش بس متدين لأن للأسف فيه كتير شبان متدينين بالشكل الخارجي وناسيين ان روح الدين هي المعامله والاخلاق
-حتعرفي تعيشي معاه ولا لأ؟لأن مش كل راجل كويس نقدر نعيش معاه....المشكله مش في عيوب الراجل أد ماهي مشكلتك أنتي هل ياترى أقدر اعيش مع العيوب دي؟ مثلاً في ست منطلقه واجتماعيه وواحده تاني منغلقه وتحب قعده البيت ومش عاوزه تشتغل لو هما الاتنين اتقدملهم راجل بيحب عدم الخروج وقعده البيت وعايز مراته ماتشتغلش تفتكري مين فيهم اللي حتعتبر طبعه ده مشكله؟
-حطي في بالك حاجه ان الراجل راجل والست ست، مهما حصل لازم تخليه يحس انه راجل وكلمته مسموعه في حاجات بسيطه ممكن تتنازلي عنهاعلشان ترضيه،اكيد بيبق الموضوع صعب وخصوصا على الشخصيات القويه والمستقله بس صدقينيحيجي يوم تلاقي راجل تحبيه لدرجه انك تعملي علشانه اي حاجه
-الرجاله ساعات لما يقفلوا بيبقوا وحشين وغير قابلين للتفاهم علشان كده ماتناقشيش راجلك في قرار وهوه غضبان ،لأن اغلبهم بيعند زياده وتتعقد الامور الاحسن اسكتي وابعدي لحد مايهدا وبعدين عاتبي وصلحي واياك تاخدي قرار وانت متنرفزه او تسمحي للأمور انها تتطور في لحظه غضب مابينكم بحيث انها تخليه ياخد قرار مصيري وهوه غضبان خليك انت الكبيره انت الام لأن هيه دي طبيعه الست وماتقلقيش ح ييجي يوم هوه يهدا ويدلعك
-الصراحه هيه اهم حاجه خليكي صريحه وماتتكسفيش قولي له في قعده صفا بتحبي ايه فيه وبتزعلي من ايه وقولي عيوبك برده بصراحه ونظموا اموركم بصراحه دايما انا عارفه ان ده صعب وتقيل ومش اي ست تقدر تعمله بس الصراحه مفيش احسن منها في الاول والاخر
-اخيراً اوعي تفقدي احترامك بأي شكل من الاشكال اوعي توصلي الامور لمرحله الغلط والجرح بالكلام لان ده عمره مابيتداوى وهو لو اتعود على كده مش حيبطل لو زعلتي مع خطيبك ووصلت الامور لمرحله التجريح والاهانات ابعدي عنه اما بأه لو هوه من النوع اللي اول مايزعل يغلط ويجرح يبقى ده مالوش حل ..ياتستحملي ياتبعدي ...وفي الحالتين ماتندميش لأنك فكرت واخترت وهوه ده اختيارك
....اسفه عارفه ان كلامي كتير بس انا حبيت اكتب لك كل اللي اعرفه واللي مريت بيه يمكن يفيد
على فكره خطيبي -اللي هوه جوزي حالياً- كان في الاول عصبي ومتحكم وغيور وشكاك وكنا بتخانق كتير وكان بيقولي كلام صعب جداً بس للأمانه عمره ماغلط فيا او في اهلي او قاللي حاجه مش محترمه
كل الخير والحب للجميع السلام عليكم

[@@خبيرة تجميل متخصصة@@]

عارفه ياااااااااااااااقمر انا كنت في نفس مشكلتك من كام سنة
بس بصراحة بابا صمم اني اسيب خطيبي الاول وقالي استحالة اسيبك
ترمي نفسك في النار وانا كنت عبيطة بحبه وبقول قال ايه حيتغير بعد الجواز
وربنا قدر مش حصل نصيب واتجوزت انسان صالح
وبالصدفة من فترة صغيرة شفت خطيبي الاول هو ومراته
وكان بيزهق في الشارع وبيشتمها
وهي بتعيط ومش قادرة تبص في وش الناس في الشارع
لما روحت عند ماما سالتها وقلتالها الي حصل
قالتلي ده ياعيني البنت غلبانة جدااااااااااااا معاه
وهو بقي وحش اكتر من الاول
رحت علي طول علي بابا وبست ايده
وحمدت ربنا وصليت صلاة شكر
انا لو منك اهرب بجلدي ده جواز اوعي تقولي امكانيات
وفلوس
ربنا يرزقك بانسان احسن منه دي حياتك ومش حتعيشيها مرة تانية وبعدين بعد الجواز لو حصل طلاق حتكوني مطلقة بجد والوضع طبعا مختلف
ربنا يبعد عنك اي حاجة وحشة ويسعدك ياقمر