[كوتى]

انا صوت وبقول لالالالالالالالالالالالالالالالالالالا

[soura]

شكرا لتصويت كل البنات
احنا كدة نقدر ندخل مجلس الشعب

[فرحــــــــــة]

بسم الله الرحمن الرحيم
اولا انا مش موافقة على الختان
يقال انه عفة للبنت
انا شايفة ان التربية والاخلاق والدين اهم للبنت من قطع جزء حيوى من جسمها
قد يؤدى الى تقويض حياتها الزوجية
والله المستعان

[rodi4882]

لا اوافق طبعاً
اولاً دي عادة مش سنة
وعادة سيئة كمان يرجع اصلها للفراعنة و القدماء
و الإسلام قننها حتي اختفت من كل العالم تقريباً إلا مصر لإنه من التقاليد العمياء

[rodi4882]

كمان الماَسي اللي بشوفها من اللي بعرفهم تحزن
دي بتدمر العلاقة الزوجية
و بتقضي علي الإستمتاع ..
و تشويه لجزء حساس و مفيد وهبهلنا ربنا

[انتكة]

انا طبعا مش موافقه على ختان البنات وحرام كمان ده رائى

[انتكة]

على فكره انا كمان صوت خلاص

[هبه مجدى]

اجمع الفقهاء على راى ان زيادة العضو الحق المراه بالحيوان وتقليله بشكل ملفت وجائر الحقها بالجماد

[سكسكة]

الموضوع فعلا مهم لان فيه ناس وخداها كده بالوراثة وياريت بيعملوها بطريقة سليمة بمعنى ان البنت تروح لطبيبة وتقولها اه محتاجين نعمل جراحة لكنن للاسف بيتنفذ بطريقة جائرة تفقد المراة بعد كده استمتاعها بعلاقتها مع جوزها انا اوافق على راي فرحة ورودي وفعلا انا اعرف ستات والعياذ بالله اتطلقت بسبب برودها الشديد مع جوزها اكيد انا ضده الا في حالة ان تكون البنت محتاجه الجراحة ده

[nana_ay]

انا خلاص صوت و معه اذا الطبيبه هى الى قالت ان البنت تحتاج له

[القطه]

الله عليكى يا هبه يا مجدى
الله عليكوا كلكم
شفتى يا سارسوره
التصويت على الرفض عالى ازاى
كرمكم الله بالعفاف والحياء من عنده

[soura]

ايوة شفت يا قطتي الشامية (على راي نزار القباني)
اغلبية كبيرة
يلا بنات الي مصوتش يصوت (مش بالبلدي طبعا)

[مروة الدميري]

انا صوتت بالرفض طبعا ختان اية انا مش مع الموضوع ده خالص لانه بيسبب مشاكل كتير للبنت

[راجيةعفوالرحمن]

السلام عليكم
انا قمت بالتصويت بالموافقة
لكن لا ننسى انه ينبغي ان تقوم الطبيبة بعملية الختان

[soura]

نحترم راي الجميع الي صوتو بالموافقة بردو كلامهم منطقي والا صوتو بالرفض عندهم اكتر من حجة
الشكر للجميع والاختلاف لا يفسد للود قضية
احبكن جميعا في الله

[soura]

فين الباقي؟؟؟؟

[soso111]

انا صوت بنعم لان ده طهاره وبنات الرسول (صلى الله عليه وسلم)كانوا بيعملوه وكمان بيقلل من الشهوات . اما بالنسبه لاضراره التي تنتج من استخدام ادوات حاده غير مطهره او دون تخدير او شخص ليس متخصص كل ده يسبب العدوى بالامراض والعقم والاحتباس البولي والتهاب الحوضي المزمن وانفصال المشيمه والتاثير سلبي عند الزواج والظاهره منتشره في الارياف وطبعا نسبة البنات الي بيموتوا فيها كتيره علشان الاساليب الخاطئه في اجراءات الختان .المهم في الموضوع ده ان الاسلام حللها للرجال والنساء واكن تحت مسئولية طبيب متخصص. انا آسفه طولت عليكم لكن دي مجرد وجهة نظر

[بيلندة]

وانا كمان صوت
اكيد لالالالالالالالالالالالالالالالالالالالالالالالالا لا

[أمولة]

لالالالالالالالالالالالالالالالالالالا اوافق لانوا ظلم ظلم والله يحفظنا ويحفظ بناتنا -----

[EMO]

انا صوت الآن بالموافقه على الختان
يا جماعه ما احنا كلنا اتعمل لنا ختان وكل الاجيال السابقه لنا
ولم نسمع عن رفض الختان الا من قريب ومع ذلك فأنا أحترم
رأى اللآخرين