[جنةكو]

النهارده جبت لكم طريقه عمل الكريب

شكلي هسيب الطب في الاخر وافتح محل كريب

طريقته سهله جدا وممكن نعمله في ربع ساعه بالظبط

اولا المقادير:

2 بيضات
كوب لبن
كوب دقيق
نص معلقه ملح
ربع معلقه فلفل اسود

الطريقه:

نضرب البيض كويس في الخلاط او بالمضرب
نضيف عليه اللبن مع الخلط المستمر
بعدها نزود الدقيق لحد ما تبقى العجينه متجانسه
ونزود الملح والفلفل الاسود

ملاحظه: العجين هتبقى سايله

نسيب العجين مده عشر دقايق

ونجيب بعدها طاسه ونسخنها قوي
ونمسحها بالزبده او السمن باستخدام فرشاه
لما تسخن ..نحط العجين في الطاسه ونخليه يتفرد على كل الطاسه
ونسيبه على النار دقيقه وبعدها نقلبه على الوش التاني
ممكن اول واحده تبوط منكم
عادي مش تقلقوا ده طبيعي
وممكن نستعمل الكريب ده باي حشو حلو او حادق
ولو مفيش عيش في يوم دي اسهل حاجه ممكن نعملها

يارب تعجبكم
واللي يجربها ياريت يرد عليا

[ام سعيد]

تسلمى يا جمييل انا بسميها الكانيلونى نفس العجينة بالظبط.
وبتطلع معايا حلوة أوى

[yostina]

جنةكو ما هو الفرق بين هذة الطريقة 2 والطريقة السابقة التى كتبتيها
عموما انا بحب اعمل الكريب لكن دايما يبوظ اول ثلاثة او اكثر وهذا يجعلنى اشعر بالفشل يادكتورة
وشكرا على الوصفة

[reham10]

تسلم ايديكى يا قمراية