[pinky]

انا جديدة معاكواا وجتلي فكرة حلوة اوووي هترجعنا كلنا لايام زمااان
وعلي رأي تامر حسني في اغنيته ايام زمان

كلنا اكيد بنتمني ترجع بينا ايام زمان
طب اية رايكوا لو نرجع ايام زمان دي احنا مع بعضنا

طبعاا محدش فاهم حاجة
اقولكوا كل واحدة فينا تدخل تحكي عن ايام طفولتها كانت بتعمل اية وكانت بتعشها ازاي
ومش بس كدة لا
احنا كمان عاوزين نعرف كل واحدة لو مكنش عندها الامكانيات انها تعيش طفولتها
كانت بتعمل اية وتستمع بطفولتها ازاي

ياارب تكون الفكرة بقت واضحة
وعلشان تبقي واضحة اكتر انا هبدا بنفسي

وانا صغيرة كنت بحب اركب عجلة اوووي بس ماما مكنتش عاوزة تشتريلي علشان
كانت خايفه عليا من ركوبها فكنت بروح ااجر العجلة واستمتع بيها

يلا مسنية ردودكوا ومواقف كل فتوكة في طفولتها
ويارب الموضوع يعجبكواا علشان ميجليش احباط من اولهاا هههههههههههه

اذا اعجبك الموضوع و اردت نشره في المنتديات الاخرى فاستخدمي هذا الرابط:
تعالوا نرجع ايام زمااان .....
http://forums.fatakat.com/thread35708

[اسكندرانى]

نورتينا يا بينكى.....اسمك حلو اوى......جايز عشان انا بحب اللون البينك

انا ايام طفولتى شبهك شويه فى حتة العجل دى
كنت بحب العجله جدااااا وخصوصا ان ليا اخ ولد وكان دايما يركب عجل وماما بردو كانت تقولى انتى مش ولد وبعدين دى للصبيان لما تروحى المصيف ابقى أجريلك واحده...... بس تقولى لمين كنت اعيط لبابا يأجرلى وأعيش حياتى بالعجله بس لازم كنت أرجع رجلى متخرشمه ومتبهدله شحم ههههههه

كنت شقيه أوى أوى وبحب التنطيط والعفرته والمراجيح وكل يوم لازم اعيط لماما عشان تخرجنى لانى مش بحب قعدة البيت لحد الان

شكرا على موضوعك اللذيذ.......خلانى أعمل ريفرش لذكرياتى

[أم مهند الطيوبة]

موضوعك حلو بس عايز دماغ رايقة هحاول اروقها وارجعلك

[pinky]

ميرسي ياقمراية علي ذوقك
كويس اني لاقيت حد زيي في طفولتي بس بجد كانت ايام مش هتتعوض تاني خصوصا حكاية الخرشمة دي ههههههههههه

شكراا لردك الجميل دا يا اسكندراني ياقمراية
ولو افتكرتي اي موقف من ايام طفولتك تاني تعالي واحكي

[pinky]

منورانا يا ام مهند بمرورك علي الموضوع
ومستنياكي تروقي وتيجي تحكلنا ياقمراية

[أم مهند الطيوبة]

ماشى ياستى روقت وجتلك
كنت زمان انا وبنات خالتى عندنا لعبة معظم البنات كانو بيلعبوها كنا بنلبس جزم خالتنا الصغيرة ذو الكعب العالى ونسيب شعرنا ونحط روج وكل واحدة تاخد جزء من الاوضة وتعمل نفسها مدرسة وتزعأ وقال اية العيال مطلعين عينيها تخيلى باة اربعة بيزعأوا وتدخل خالتى علينا وترننا العالقة

[نيللي]

انا كنت عفريتة اوي وانا صغيرة تقريبا انا اكتر واحدة كنت مغلبة ماما الله يرحمها وكنت بحب ركوب العجل وخليت بابا اشترالي عجلة وكنت افضل دايما العب مع الصبيان لان البنات كانت هادية كدة ودي حاجة ما كانتش بتعجبني فيهم وكنت بحب جدا نسافر البلد في الاجازة كنت بفضلها على المصيف وعلى فكرة انا كنت شاطرة اوي في المدرسة وكنت من الاوائل وكنت بحب الرسم وكل رسوماتي كانت المدرسة بتاعت الرسم تاخدها في اوضة النشاط تقريبا هو دة اللي فكراه الولاد قضوا على كل حاجة والحمد لله حتى الذاكرة اصابها العطب هههههههههههههههههههههههههههههه

[sarasemsem]

اشكرك ياجميل على الموضوع الجميل ده
اما بالنسبه لطفولتى فانا كنت اول مولوده بالنسبه لعائله ماما وعشان كده كنت اول فرحتهم وكانوا مدلعنى يعنى يعتبر انا اكتر طفله ادلعت وكمان كنت قرده وشقيه جدددددددددددا وكنت بحب العب بالمراجيح وكنت بروح مع جدتى المحل ولعب هنا بالمرجيحه الى امام المحل وكنت بعمل مرجيحه انا وصحبتى على السلم بالحبل ولما اشوف جدو جاى اخبيها واروح استخبه علشان ميشفنيش كمان كنت بحب اوى العب بالكره وكنت كمان لمضه ودماغى ناشفه اصلى انا صعديه عارفين كمان انا كنت عايزه ادخل كليه الشرطه وكنت غاويه اتفرج على المسلسلات البوليسيه اما بالنسبه للعجل فانا دائما كنت بقع من عليها ومبعرفش اركب عجل واتعورت منها كتير

[Marwa Esmael]

انا كنت بلعب الاولى او الحجله وصيادين السمك والكلب الحيران ودول بيتلعبو بالكرة مع اخويا محمد وبنات عمتي وكنت بعمل مدرسه ودكتوره واكشف علي اخويا وكنا بنلعب بالمكعبات بس العجل عمري يبقي انجاز لو سقت عجله بتلات عجلات التانيه العاديه كنت بخاف منها ولما جربت اركبها وقعت مره بعد مره وكان شكلي وحش اوي فحرمت

[شرين عمر]

والنبي انتى رايقة واكيد فاضية على العموم حاضر ومالة هااسيب البينت تعيط ولا يهمك شوفى يا سيتىانا كنت طفلة شقية اوى اوى وكنت بلعب مع الصبيان اكتر من البنات لان مكانش فى بنات كتير فى العيالة كلهم ام كبار او صغيرين وكان الصبيان هم اصحابى ومع ذلك عمرى ما ركبت عجلة تصدقى كنت بحب اوى اكسر اللعب كنت عنيفة اوى واضرب العيال من الاخركنت رخامة اوى وهم كمان كفاية على شان العيط اتقلب الى صويت

[ضحي *]

علي فكرة أنتي قلبتي عليا المواجع كانت أيام الحمد لله أنها عدت

[انتكة]

اولا نورتى فتكات ثانيا موضوعك حلو فعلا يااااااااااااااااه على ايام زمان كانت كلها حب ولعب وجرى وانا عن نفسى كانت متوفره ليا الامكانيات علشان اعيش طفولتى لانى كنت اضغر واحده فى اخواتى بس عارفه كنت دايما بلعب لوحدى لاننا كنا مسفرين بره ولما جيت طبعا انطلقت ياااااه كانت ايام حلوه اوى انا دلوقتى ادفع عمرى كله علشان ارجع يوم واحد من ايام زمان ومييييييييييييرسى ليكى اوى

[pinky]

ايوة كدة نورتي الموضوع بذكارياتك يا ام مهند ياقمراية
انا كمان كنت بعمل كدة كان شكلنا تحفه اووي هههههههه

[pinky]

هههههههههههههه لا لا انتي لسة في عز شبابك يا نيللي
وعاملة زي بموت في ركوب العجل

ميرسي علي الذكريات الجميلة دي ومرورك الرائع

[pinky]

الاول نورتي الموضوع يا سارة
وتاني حاجة تعالي اعلمك انا ركوب العجلة بجد متعه تانية خالص
انوي انت بس وقوليلي وملكيش دعوة بحاجة

بس انتي بقا عليكي تعملي مرجيحة ليا وكدة نبقي خالصين ههههههه
شكرا يا حبي علي مرورك الجميل

[pinky]

والله فكرتيني يامروة بالالعاب الجميلة دي
انا كمان كنت بلعبهم
ويلا فكري زي سارة وتعالي نركب عجل سوا كلنا

بشكرك علي مرورك الجميل ياقمري

[pinky]

ههههههههه ليه بس ياشرين اداينا بنرجع ايام حلوة عدت علينا كلنا
بس بجد نورتينا بذكارتك العنيفه دي هههههههههه

ويلا الحقي قبل ما نضرب بقا
ميرسي ياقمراية علي مرورك الجميل

[pinky]

ليه بس ياضحي
عموما نورتي التوبيك بمرورك

[pinky]

ميرسي ليكي انتي ياانتكا علي مرورك الجميل
وفتكات منورة باحلي فتكوات فيها

ومعاكي حق احلي ايام والله واحنا صغنين كدة
ميرسي ياقمري علي مرورك الجميل اللي نور التوبيك