.اخواتى الفتوكات اريد اخذ ارائكم اليوم فى موضوع شغلنى كثير ولا اجد له اجابة
لماذا لا يرضى اى انسان بما هو عليه
هى ربنا رزقها باحلى بنوتة وبدل ماتحمد ربنا تقول مش كان ربنا رزقنى بولد احسن
هى اخرى ربنا كرمها بالولد وبرضه تحدث نفسها انها ياريت كانت بنت
هى اخرى ربنا وهبلها زوج تتمناه كثيرات اما هى لا يعجبها شئ وجالسة تلوم الحظ والقسمة
هى ربنا سترها معاها هى وعائلتها وصحتهم كويسة ودخلهم قليل شوية لكن عندهم راحة وهنا مش عند جارتها التى تتمنى ان تكون مكانها بس لانها اغنى منها
هو ربنا وهبه عقل ممكن يستغله فى عمل كويس لكن يجلس يردد ان عليه ان ينتظر لكى يتعين بشهادته لانه مينفعش يشتغل زى اللى ممعهوش شهادة
هو ربناكرمه بزوجة صالحة واولاد يتباهى باخلاقهم امام الناس لكن برضه مش راضى وبص على واحدة تانية غير زوجته
هو رزقه قليل بس حلال وسعيد هو واهله وبرضه مش راضى واتمدت ايده على الحرام بحجة تامين مستقبل الاولاد
امانة ياخواتى الامثلة كثيرة ولو حبينا نحصرها مش حنقدر لانها كثيرة اوى فى زمن يملاؤه الطمع والجشع والكراهية وتمنى زوال النعمة للغير
انا افتكر زمان اما كنا بنروح عند بيت جدى فى القرية فى الصيف كنت اشاهد الجيران يعملوا الاكل مع بعض وفى الاخر كل واحدة تاخذ من الاكل وتذهب الى بيتها
الجارة بتسال على جارتها ولو تعبانة تساعدها فى البيت لحد اما تسترد صحتها
الجار يقف جنب جاره فى كل المواقف يساعدة بداية من الحقل ونهاية فى الافراح والمناسبات
انا عن نفسى بشوف ناس اغنى منى بمراحل كبيرة ولكن للاسف مش سعدا لان الفلوس مش هيا اللى بتسعد
اللى بيسعد بجد هو شئ واحد اسمه
الرررررررررررررررررررررررررررررررررررررررررررررررر رررررررررررررررررررررررررررررررر ضى
اتمنى مكنش ازعجتكوا بس بصراحة انا متغاظة لان لو الواحد فكر شوية حيلاقى ان سعادته فى ايديه وان عمر ربنا ماظلم انسان دى قسم ربنا مقسمها لحكمة لا يعلمها الاهو
لكل الفتوكات ارجو منكم التقييم
.
ولكم جزيل الشكر 
