ذات الرداء الاحمر

برتقال سكرى · #1 1-7-2008

السلام عليكم ورحمة الله و بركاته
أنا النهاردة هتكلم معاكم عن حدوتةكلنا عارفينها وحبيناها اوى
" ذات الرداء الأحمر"
ياترى آمنتى لحد أوى وحسيتى إنه ملاك وفى الآخر طلع التعلب المكار
البنت إللى فى القصة صدقت التعلب وحسبته جدتها.
يا ترى الحكاية دى حصلتلك؟
وسؤال تانى عارفة إنه صعب تجاوبو عليه
ياترى حد كان مآآمن لك اوى بس انتى ما كنتيش اد الثقة دى؟
ولو رجع بيكى الزمان هتعملى نفس إللى عملتيه تانى؟
ولا هتحاولى تكونى اد الثقة؟
مستنية ردودكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
ذات الرداء الاحمر
http://forums.fatakat.com/thread35775

nefertety · #2 1-7-2008

موضوعك حلو اكيد اكيد ناس في حيا تنا بنفتكرهم ملاك وياخساره
بيكونوا غير كدا خالص للاسف مش عارفه ليه 00
ياتري دا سوء تربيه مش عارفه ليه الخيانه موجوده والاحترام انعدم 00

بصراحه في مره اتصرفت بشكل معين وصاحبتي زعلت مني لانها قالتلي
اناكنت متعشمه فيكي اكتر من كدا بس الحمدلله اهه كله بيعدي 00

ولو الانسان بايده يرجع ويغير حاجات لكنت غيرت حاجات كتيره اوي 00
بس المكتوب مفيش منه هروب 000

برتقال سكرى · #3 1-7-2008

ميرسى يا نفرتيتى على مشاركتك
وربنا يبعد عنك الخاينين
وما تندميش أبدا

كادبورى 81 · #4 2-7-2008

ايوه فعلا انا بقع فى الموقف دا كتيييييييييييير مش مره واحده بس، بس الوقت بينسى كل حاجه واكيد لو الزمن رجع بينا هنغير حاجات كتيييييييييييييييييييير

toto s · #5 2-7-2008

الحمدلله ولا مره آمنت لانسان بشكل كبير وطلع خساره فيه المانه اللي عطيتو اياها
وبنفس الوقت ولا مره حدا امني ومطلعتش قد الثقه
هو صحيح في ناس كتير بهالايام مش قد الثقه بس الحمدلله بعدني مقابلتهاش بحياتي

برتقال سكرى · #6 2-7-2008

ميرسى يا كادبورى
وربنا ما يكتب عليك ندم ابدا
وانتى يا توتو
ربنا يوفقك دايما وتكونى أد الثقة

سوسو المروشه · #7 2-7-2008

اه فعلا المواقف ديه حصلتلى مع ناس كتير

وكان منهم اقرب ناس فى اهلى خانونى وديه كانت اول ضربة

وتانى ضربة بعدها بفترة وكانت مع اصحابى اللى كانوا بيعتبروا فعلا اخواتى

زى ما بيقولوا لما تقع سوسو المروشه تكتر سكاكينها هههه

اينعم انا فقدت الثقة فى كل اللى حواليا بعدها بس الحمد لله على كل شئ

والضربة اللى مش بتموت بتقوى

ومنكرش ان مرة زعلت صحبتى منى بس الموضوع عدى ومن ساعتها محاولتش انى اظلم حد مهما كان لانى جربت طعم الظلم الله يبعدوا عنكم يفتكاوات

ولو الماضى يرجع بيا كنت اكيد هتغير بس ده شئ مكتوب على كل انسان

برتقال سكرى · #8 2-7-2008

ما تزعليش نفسك يا سوسو
دى حاجات حصلت لينا كلنا
ميرسى على مشاركتك

temoon.pompa · #9 2-7-2008

حبيبتي برتقانايه طبعاااااااااااااااا كالعاده موضوعك حلووووو اوى
انا بصراحه مش هقول انه طلع تعلب مكار بس انا اديت الامان بس اتصدمت فى الاخر مش عارفه العيب فى مين بس انا الحمد لله واثقه من نفسى ولو كنت غلطت كنت هقول انى غلطت لانى اتعلمت اعترف بغلطتى الحمد لله
بس صعب انك بعد كده تأمنى لحد بالساهل لانك اتصدمتى واتعلمتى .....
شكرااااااااااااا حبيبتي عالموضوع