[اسماء ام عمر]

ازيك يا وفاء عامله ايه وازي القناويه علي حسك. بصي يا ستي أنا كنت في الأول لابسه نقاب اسود (السعودي) لأني بفضله وكمان شجعني اني رايحه مع زوجي دوله عربيه. والسواد طبعا هو أفضل الألوان... لكن الشيخ محمود المصري قبل كده قال ان مش شرط الأسود ايه المانع من الألوان الأخرى الوقوره زي الكحلي والبني والرصاصي والزيتي الى غير ذلك، وفعلا لما شق عليه لبس الأسود في مصر اتجهت للكحلي والبني بجانب الأسود، وفيه منه الوان أخرى
ومش بس كده أنا كمان سألت المحل اللي بشتري منه على ألوان فاتحه قالتلي اه بنجيب بس بالطلب تجيبلنا اللون المطلوب وبنجيبلك طلبك انتي بس وده شجعني ان شاء الله الأجازه دي لما أنزل مصر هجيب الوان بس طبعا يتوفر فيها شروط الحجاب انها ما تكونش زينه ولا ضيقه تصف ولا تشف . كده يعني
انت بس انوي وهتلاقي ربنا يسرهالك من كل ناحيه. ربنا يوفقك

[ريري]

جزاك لله عنا خيرا..

ونفع بك المسلمات..امين

[اسماء ام عمر]

تعرفو يا جماعه أنا أول ما لبست النقاب لبسته امتى؟؟؟؟؟؟؟؟
اول ما اتجوزت على طول وسافرنا يومين كده مرسى مطروح وامي قالتلي يابنتي كنت استنيتي لما ترجعي من المصيف. الصراحه فكرت في كلامها بس قلت أكيد ربنا هداني للنقاب قبل السفر لحكمه لا يعلمها الا هو... فعلا ما شفتش حد منتقب غيري بس الحمد لله كنت سعيده بكده. ادعولي بالثبات وربنا يهدينا جميعا لمافيه رضاه عنا
صحيح ليه عندكم طلب: ياريت اللي ربنا يكرمها وترتدي النقاب تقول عشان كلنا ندعيلها ونفرح بيها

[أم مانو]

جزاكى الله عنا خيرا ادعوا الله ان يهدينا جميعا لما يحبه ويرضاه وان يثبتك ويزيدك

[رغدودة]

السلام عليكم بجد مش قدرة اقولكم حجم فرحتى بيكو ربنا يثبت جميع المسلمين على طريق الهدى انا عايزاه من 6 سنين وفى يوم وبدون اى مقدمات اللى كان السبب فى الرفض ربنا هداه وبقى فرحان بيه احساس عمرى محسيته قبل كده و يوم ملبسته كنت حسة ان الناس كلها حسة بفرحتى وان انا اول يوم ليه فيه

[وفاء ام صغنونة]

اختي اسماء
بارك الله فيكي
بفضل الله ارتديت النقاب
الحمد لله علي هذه النعمة

[ام اربعه واربعين]

بارك الله فيكى

[اسماء ام عمر]

السلام عليكم ورحمة الله وبركاته
أخواتي في الله بارك الله فيكن جميعا على هذه الردود الجميله أنا كنت عارفة ان نساء المسلمين قلوبهم عامرة بالخير وحب الله ورسوله والإمتثال لأوامره
وعايزين كلنا نقول ألف مليون مبروووووووووووووووووووك لأختنا في الله وفاء ان ربنا أكرمها ووفقها لإرتداء النقاب.... وياريت كلنا ندعيلها اللهم ثبت قلبها على طاعتك وارزقها حبك وحب رسولك صلى الله عليه وسلم ووفقها دائما لما تحبه وترضاه وبارك لها في زوجهاوذريتها وقر عين زوجها بها وقر عينها به وبذريتها واجمعها وأهلها وزوجها وذريتها وكل من تحب في جنتك ومستقر رحمتك آآآآآآآآآآآمين

[وفاء ام صغنونة]

بارك الله فيكي اختي اسماء
والله دي احلي دعوة سمعتها في حياتي
ربنا يكرمك يارب

[دند]

بجد موضوع لوقيمناه هنديله اكتر من امتياز مع مرتبة الشرف انا بقرأ الموضوع والردود وحاسه ان قلبى متاخد انا فكرت قبل كده انى اتنقب مرة واتنين وتلاته وبعدين رجعت فى كلامى لانه الكل بيقولى انتى لسه طالبه وبتاع فازاى وكمان مفيش حد من اللى فى سنى لابس نقاب كان شجاعنى واخدت منه نقاب كمان البسه اجربه وبعدين قلت طب خلاص مدام فى اعتراض على النقاب وهحس نفسى مميزة قلت البس اسدال وحاليا بفكر انى اتدرج فى الموضوع يعنى انا كنت البس الطرحة وانا فى الثانوية وشعرى كان بيبقا باين من شويه وبعدين دخلت الجامعه بقيت بجيب الطرحة على اخر قورتى يعنى مفيش ولا شعرة باينة منى وكانت طرحة صغيرة دلوقت كبرتها بفكر ان شاء الله البس الاسدال الفترة الجاية بس مترددة

هتقولوا مترددة ليه عشان مقلعهوش تانى وابقى فى نظر نفسى ونظر الناس وحشه لانى مكمليتش اللى ابدتيته هتقولوا ازاى دى مش متدينة ودى ودى ... لا ياجماعة انا اعرف ناس كويس قوووى لبسوا الخمار وقعدوا يدعوا الناس ليه وكده وبعدين هما اللى قلعوه

انا مش عارفه ايه اللى خلينى كتبت الكلام ده كله بس حسيت عايزة افضفض مع حد

بس فى مشكله مين بقا اللى هيدينى فلوس اشترى الاسدال


هههههههه


انا بهزر معاكوا


ادعولى بقا بصلاح الحال وانى اان شاء الله البس الاسدال قريب

[EMO]

بارك الله فيكى يا اسماء وربنا يجعله فى ميزان حسناتك
كل الكلام اللى قلتيه فى الموضوع فعلا بيحصل لأن انا جربت الفرق
قبل ما البس النقاب وبعد ما لبسته على فكره انا لبساه من سنتين وكمان النقاب
لا يعوق فى فعل اى شيئ انتى عايزه تعمليه يعنى مش هيبعدك عن الناس
زى ما بعض النساء بيظنوا بالعكس يضيف لكى ثقه بالنفس 0
أحب أهنئ أختنا وفاء على لبسها النقاب وربنا يثبتها ويهدينا جميعا لما يحبه الله ويرضاه ويعيننا على ذكره وشكره وحسن عبادته 0

[اسماء ام عمر]

بارك الله فيكي يا إيموعلى كلامك وعلى فكره أنا كمان لابسه النقاب من سنتين والموضوع ده وكلامكم وأمنيه ناس كتير انها تلبسه حببني فيه أكتر والحمد لله...
فعلا أجمل دعو لينا ان ربنا يثبتنا عليه آآآآآآآآآمين

[اسماء ام عمر]

السلام عليكم ورحمة الله وبركاته
أختي في الله وبلدياتي : دند، وياريت أعرف اسمك الحقيقيي يعني مثلا أنا اسمي أسماء وممكن تقوليلي أم عمر
بصي ياستي جميل جدا انك عندك الرغبه في قلبك واليقين بإن ده فرض عليكي وموضوع الجماعه في البيت والأهل ده شائع مع ناس كتير وأنا من ضمنهم بابا كان رافض وانا سمعت كلامه وأول ما اتجوزت لبسته على طول نزولا على رغبة زوجي واقتناع مني بانه : إن كان فرضا فقدأديته وان كان فضلا فلست في غني عن فضله
لكن برضه أعرف ناس حطت أهلها قدام الأمر الواقع ولبسته، الأول كان في معارضه ورفض لكن بعد كده بيرضو وبيخافو علي نقابك زيك وأكتروسبحان الله القلوب بيد الله عزوجل وانت اصدقي ربنا وهو بقدرته هيخليهم يرضو ويوافقو ويبقوا سعداء بيكي ... لكن زي ما قلتلك المهم تكوني في يقين تام مش مجرد تجربه تأثمي لو تراجعت عنها وافترضي ان والدك واهلك طلبو منك خلع الحجاب والخروج بشعرك مكشوف ساعتها كنت هتعملي ايه؟؟؟؟؟؟؟؟؟؟ ده هو ده بس ناس كتير فاهمه الحجاب خطأ فاهمه انه مجرد غطاء الرأس والجسم وخلاص وأنا كمان ما كنتش فاهمه حقيقة النقاب الا مؤخرا ... فكري وادعي ربنا يهديكي للصواب ويقويكي ويثبتك عليه وانا كمان بدعيلك ربنا ينور قلبك ويريك الحق حقا ويرزقك اتباعه ويريكي الباطل باطلا ويرزقك اجتنابه ويهدي أهلك لرضا الله وطاعته آآآآآآآآآآآمين

[دند]

امين امين امين


ربنا يخليكى يارب ياام عمر يابلدياتى

كلامك جميل قوووووووووى


ربنا يخليكى ويكرمك

اسمى الحقيقى جهاد

[كلى امل فى الله]

جزاكى الله خير الجزاء ويارب يكون فى ميزان حسناتك
وياااااااااااااارب يسخرنا كلنا لطاعتة اللى يرضها ويصرف عن الدنيا وفتنها الزائلة
اللهم يارب العرش العظيم اسئلك يارب لى ولكل المسلمين ان ترزقنا رزق ونعمة ان نرى الحق حقا وان يرزقنا اتباعة وان تررزقنا نعمة ان نرى الباطل باطلا وان يرزقنا اجتنابة. اللهم امييييييييييييييييييييييين يارب

[دند]

اللهم يارب العرش العظيم اسئلك يارب لى ولكل المسلمين ان ترزقنا رزق ونعمة ان نرى الحق حقا وان يرزقنا اتباعة وان تررزقنا نعمة ان نرى الباطل باطلا وان يرزقنا اجتنابة. اللهم امييييييييييييييييييييييين يارب

[اسماء ام عمر]

السلام عليكم ورحمة الله وبركاته
ازيييييييكم يا أخواتي ... بقالي فتره ما سمعتش منكم كلام جميل زي اللي بتقولوه في كل رد وبيغمرني بالسعاده
أين المشمرات مين هتقول : أنا ارتديت النقاب واحنا كلنا وأنا أولكم ندعيلها أحلي دعاء ... أو مين كانت مش محجبه وتقول : أنا ارتديت الحجاب أومين عاوزه وناويه ع الخير بس محتالجه زقه ودفعة للأمام عشان تنفذ نيتها
مين؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[اسماء ام عمر]

أخواتي في الله ... فلنساعد بعضنا على نشر هذا الرابط، وجعله الله في ميزان حسناتنا وحسناتكم، وجزيم خيراً...

http://www.shbab1.com/2minutes.htm

[امةالرحمن]

جزاكى الله خيرا على الموضوع الجميل
الهم اهدينا واهدى نساء المسلمين