[undonelife]

هقولك كام فكره كده لو مشيتي عليهم هتلاقي نفسك خسيتي (من غير ماتاخدي بالك) ومن غير ريجيمات ولا دياولو

- اولا متفكريش في الاكل خالص يعني خلي الاكل آخر موضوع ممكن يشغل بالك.. ساعتها مش هتاكلي الا لو جعتي ومش هتهتمي اوي بموضوع الأكل

- تانيا دايما اشغلي نفسك بأي حاجه ولتكن مثلا الشوبينج وبالذات شوبينج الملابس ده بينسي اي واحده الاكل وينسيها ابوها وامها (ههههههه بهزر)

- تالثا حاولي تشربي ميا كتيييييييير ااوي بس خلي بالك مش اثناء الأكل عشان ده بيعمل كرش ، واختلاط المياه بالملح اللي بتاكليه مع الاكل بينفخ الجسم

- رابعا متدبيهاش مره واحده، يعني احسن لو قسمتي وجباتك لعدة وجبات صغيره يعني مثلا لو انتي هتاكلي سندويتش عالفطار كلي نصفه بس وبعد ساعتين مثلا كلي باقيته ده هيساعد على زيادة سرعة التمثيل الغذائي ويحرق الاكل بسرعه (وده برضه اعمليه وكانك مش قاصده)

- اوعي تحسسي نفسك انك بتعملي ريجيم او انك قاصده تخسي .. دي اكتر حاجه بتبوظ الريجيم خلي الموضوع ييجي تلقائي يعني اكانك مش واخده بالك

- خلي قدام عينك دايما صور لبنات رشيقة جدا عشان تغيري منهم ويبقى عندك حافز، أو على الاقل حطي قدامك دايما هدومك اللي بتحبيها وصغرت عليكي

- كلي فاكهه وخضار على اد ماتقدري

- اي أكل تعرفي انه بيتخن أوي زي الليه مثلا أو الاكلات الدسمه اوي.. اقنعي نفسك انك مش بتحبيه او ان طعمه منفر

- البسي دايما ملابس ضيقه وانتي في البيت عشان متنسيش نفسك ويبقى في حافز انك تخسي

- اهم حاجه على الاطلاق انك تبقي مشغوله بصفه دايمه عشان الفراغ هو اللي بيخليكي تاكلي وانتي شبعانه .. اشغلي نفسك بشات فتكات.. بتنظيف البيت.. الشغل .. الصداقات,, العيال, الاهتمام بالبشره .. الرياضة .. الخروج ....
واخيرا الكلام سهل والتنفيذ أصعب

اذا اعجبك الموضوع و اردت نشره في المنتديات الاخرى فاستخدمي هذا الرابط:
خسي من غير ماتاخدي بالك (جربتها بنفسي)
http://forums.fatakat.com/thread35903

[برتقال سكرى]

والله كلامك صح
بس اهم حاجة الإرادة

[اموله المنفله]

شكرا وبارك الله فيكى وربنا يقوينا

[رانيـــا الشقية]

بارك الله فيكى ياحبيبتى

[oooushao]

كلام جميل وكلام معقول مقدرش اقول حاجه عنه
لكن تعالي بقي للتنفيذ
شكرا تسلميييييييي

[أم مريم]

دى وصفة سهلة
دى وصفة هايلة

[تناهيد بنوتة مصرية]

كلامك صح مليون فى المية تسلمى يارب

[غاده الصايغ]

مشكوره يا قمر

[samraelbalad@hotmail.com]

الف شكر علي النصائح

[misskarmen]

- خلي قدام عينك دايما صور لبنات رشيقة جدا عشان تغيري منهم ويبقى عندك حافز، أو على الاقل حطي قدامك دايما هدومك اللي بتحبيها وصغرت عليكي

حلوه قوى الفكره دى

[cattycatty]

[Marwa Esmael]

[Om Hassan]

ههههههههههه اسلوبك يجنن
مشكورة

[بنت الدبركى]

شكرا يا قطقوطه على الموضوع الجميل ده
بس المشكله عندى انا جسمى كويس بس عندى بطن ودى اكتر حاجه مديئانى لو تعرفيلى حل

[salwasoula]

بارك الله فيكي..افكار هايله

[yoyo]

thank uuuuuuuuuuuu

[smsmah]

لعلمك بينفع اوي اننا نعمل كده

[undonelife]

لعلمك بينفع اوي اننا نعمل كده

منا عارفه وفعلا عملت كده وخسيت منغير ماخد بالي والناس لاحظوا اني خسيت

[سنابل_2007]

كلام جميل وكلام معقول تسلمى

وجزاك الله خيرا