[tosysaden]

هل حياتك اختلفت بعد الجواز وبتالى اثر علي قرارتك وارائك
بمعنى انتى وجهة نظرك اختلفت فى امور الحياة بعد ماتجوزتى واثر قد ايه على علاقتك بالاهل والصحاب
ارجو لاتبخلو بردودكم

[أم مريم]

طبعاً
دى حياة ليها مسؤلياتها و بالذات بعد وجود اولاد
بالتأكيد زيارة الاهل و الاصحاب قلت
نظريتى للحياة بقى ليها شكل تانى ببص دايماً على اللى يسعد جوزى و بنتى و بالتالى هيسعدنى ما داموا هما سعداء
الاول كان الواحد بدماغه و اللى عايزه بيعمله براحته دلوقتى فيه زوج لازم تاخدى رأيه و يوافق و بنت لازم تشوفى اللى انتى عايزاه ده هيتعارض مع راحتها و اللا لا
كده يعنى المسئوليه بتفقرق

[nona79]

اه اكيد عشان المراءة بعد الزواج بتنضج اكتر

وبتكون نظرتها للحياة اكبر من لما كانت بنوتة

ااكيد است والراجل بيتغيرو بعد الجواز

شكرا ليكي يا قمر تسلمي

[برتقال سكرى]

موضوعك جميل
طبعا الجواز بيغير كل حاجة
بتقع عليكى مسؤليات جديدة وبالتالى بتحاولى تكونى أدها
بتحاولى ترضى جوزك واهله
ممكن تيجى على حساب نفسك فى حاجات كتيرة علشان تسعدى إللى حواليكى
وأهلك بيبقو مقدرين ده وبرضه بتيجى عليهم شوية
ربنا يوفق الكل

[جميزة]

لو بجد الواحدة بتتغير بعد الجواز قولوا لي عشان اقول لاخويا لحسن مشكلته محيراني مشكلته هنا
http://forums.fatakat.com/showthread...d=1#post429960

[MISS LOKA]

انا شايفة اني نضجت اوي وساعات كتير احس اني مش ديه انا
واني اكبر من سني000000وبصراحة انا عندي شفافية عالية اوي او اقدر اقول انا عندي الحاسة التامنة

[نيللي]

طبعا الواحدة بتختلف
يعني قبل الجواز بتكوني انتي وبس وبعد الجواز بتكوني انتي وجوزك وولادك
ممكن تيجي على نفسك عشان جوزك او اولادك
ممكن تحبي حاجات ما كنتيش بتحبيها علشنهم والعكس تسيبي حاجات بتحبيها علشنهم على فكرة بجد الست هي عمود البيت
انا عن نفسي اصبحت اهدى وارزن واثبت للجميع اني بفضل الله اد المسؤلية

[جالاكسى2006]

انا بعد االجواز اتغيرت كتير حسيت بمسؤوليه كبيره قوى والله انا كانت اكتلى حاجه مخوفانى من الجواز هيه المسؤوليه ودى حاجه خلتنى عصبيه قوى لانى عايزه كل حاجه بالساعه بضغط على اعصابى عشان ماغلطش ولا غلطه واكون مقصره
بس عموما الحياه بعد الجواز حاجه تانيه اهتماماتك بتزيد مشاكل بتزيد دنيا اكبر من اللى كنتى فيها ولما يكون فى اطفال الدايره بتكبر اكتر والجواز عايز صبر يالا ربنا يعينا بقى

[roro-myzo]

اكيد انا مكنش حد مدلع قدى بس طبعا بعد الجواز عقلت وحسيت بالمسؤلية ولما افتكر نفسى قبل كدة اضحك واقول ياريت الزمن يرجع بيه وعمرى ماكنت حتجوز

[Marwa Esmael]

نضجت وهديت كنت عصبيه وعنديه حاولت اهدى شويه علشان جوزي وبنتي لكن علاقتي بأهلي لم تتأثر والحمد لله حتي الغربه لم تبعدني عنهم والحمد لله وكل ما بقدم في الجواز بحس اني بنضج وافكاري بتتغير لما يضيفه الزواج عليا من مسئوليات في معاملت زوجي واهله وتربيت بنتي وشئون بيتي

[rodi4882]

اكيد كتير
وساعدني علي كدة كمان اني سافرت برا بعد الجواز