[tosysaden]

هل جوزك قبل الجواز هو جوزك بعد الجواز بمعنى حبه زاد ليكى ولا قل
طموحه زاد ولا قل
اختلف معاملته معاكى للاحسن ولا لا-------الخ
لان البنات قبل الجواز بيبقى شايفين الجواز من بعيد المتزوق اللى الحياه حتبقى بمبى فى بمبى
شاركونا باراكم وخبراتكم

[أم مريم]

من ناحية الحب فبيختلف لا بيزيد و لا بيقل بس بيبقاله شكل و طعم تانى
والمعاملة بتبقى فيها احساس زيادة بالمسؤليه ناحيتى و نحية البيت و الاولاد
وبيبقى فيه شويه عسل و شويه مر
زى اى حياة من اى نوع مش هتمشى على وتيرة واحدة علطول

[toto s]

انا بعدني ما تجوزت وفتت عشان اعرف اشوف ردود المتجوزات اللي هنا
انا بسمع كتير انو كل اشي قبل الجواز بنتهي او بتغير كتير يعني الحب والمعامله والاهتمام كل اشي بتغير
رح ارجع مره تانيه عشان اشوف الردود

[برتقال سكرى]

والله أنتى إللى تقدرى تخلي حبه يزيد أو العكس
أنتى وشطارتك وذكائك
بس أكيد التعبير عن الحب بيتغير،ما تخافيش للأحسن
ربنا يوفق الكل

[tosysaden]

شكرااااا ياام مريم وتوتو والبرتقال الغالي علي الردود
الهدف ان انا منزلة المواضيع دى مش للدردشة لكن اخواتنا الانسات علشان ممكن تكون احلامها وردية زيادة عن اللزوم وتصدم بواقع ان جوزها اتغير لازم يتغير لانه بقي مسئول ومبقاش الشخص اللى كل يوم بيغازلها بكلامه ونلاقي بعد كدة نسبة الطلاق زادت اكيد بيكون في قلبه الحب لكن محتاج لحظات ليتنفس فيها الله يعينهم انا عايزة من المتزوجات ينقلوا خبراتهم لاخواتهم

[MISS LOKA]

انتي صح والله وده انا اكتشفته بس متاخر شوية
كنت تعبانة اوي من الاختلاف اللي حصل ولكن دلوقتي بدأت اتقلم ع كده
وشكرا ع مواضيعك الحارررررررررررررررررررررررررررررررررة

[سوسو المروشه]

يا فتكاوات الزوجة هى اللى با اديها تخلى جوزها يتغير ناحيتها او لا
لازم تحطوا فى بالكوا زى ما انتوا موجودين فى البيت وبتتعرضوا لضغوط زى الاولاد وشغل البيت وصراخ الاطفال وتحضير الغدا وتنضيف البيت وفجاءة تحسى انك بقيتى مضغوطة فى حياتك ومش عارفة تتصرفى
بردوا جوزك بيكون كده بيكون متعرض لضغوط فى شغله ضغوط من الحياة علشان يامن مستقبلكم لان هو اساس البيت اللى موجودين تحت حمايته وامانه وانتوا عارفين ظروف بلدنا تخلى اللى مش متجوز يكره نفسه فبالكوا باللى عنده بيت واسرة واطفال
تخيلوا لما يكون جوزك راجع ومبيصدق يكون فى البيت علشان يستريح ويسمع منك كلمة تطيب خطرة وتصبره على ظروف الحياة وتعدى وتسمعيله وتسمعى المشاكل اللى بيقابلها وهو برة البيت ويرجع يلاقى مرراته مكشرة فى وشه على مصروف البيت ومكشرة علشان تعبت من شغل البيت وتربية العيال وتقفله بقائمة طلبات للبيت
تفتكروا هيكون ايه رد فعله اكيد هيفضل يعد فى الشغل ويكره ميعاد مروح البيت
بس يا فتكاوات انتوا فى ايدكوا تخلى حياتكم سعيدة بالكلمة الطيبة لجوزك واحساسه بخوفك عليه وصحته وان هو عندك اهم من روحك وانك مقدرة انه بيتعب عشانك انت واطفالك
صدقونى بشوية حنية على جوزك لو هيشتغل فى النار علشان انت واولادك مش هيتاخر
وربنا يسعدكوا ويهدى النفوس

[@@خبيرة تجميل متخصصة@@]

بصراحة انا زوجي بعد الزوج كان احسن
بس اول سنة في جوازنا كنت عصبية بس دلوقتي الحمد لله
احسن بكتييييييييييييير ربنا يديم علينا السعادة
انا اتعودت علي طباعة وهو كمان اتعود علي طبيعتي والامور اصبحت احسن
ربنا يسعد كل الناس ويجعل حياتهم افضل علي طول

[Marwa Esmael]

هو مش بيبقى تغير لكن ده وضع طبيعي الخطوبه حاجه والجواز حاجه يعني الاول كان فيه شوق ولهفه وحرمان بعدين بتبقى مراته ملكه حلاله اكيد لازم يكون فيه تغير مش هيفضل المتيم الولاهان اللي بيتصل ويبعت رسايل على طول وطبعا وجود الاطفال بيغير اكتر مش هنقول انه تغير للاسوء لكن ديه طبيعة الحياه دوام الحال من المحال ولازم نتاقلم ونتكيف معاها بكل ظروفها بس لازم نخلق لنفسنا اوقاتنا الحميمه الخاصه اللي نسعد فيها بعض في وسط المسؤليات

[أم مهند]

والله ماناعارفة اقول لكم اية بس اهو الحياة ماشية بس طبعا قبل الجواز ياااااااااااه كان حاجة تانية
هو فى حاجات بصراحة اتغيرت للاسوا وحاجات للاحسن بس بالنسبة للمشاعر قبل الجواز بيبقى ليها طعم تانى خالص

[rodi4882]

الحمد لله هوه هوه بعد الجواز بس مشكلته انه فعلا طموحه قل ومش عارفة اتصرف معاه ازاي

[حزينه الى اخر عمرى]

اكيد طبعا بعد الجواز مش زى قبل الجواز

[شاهي]

اهم حاجة فى الموضوع انك تفهمى طبعه كويس بيحب ايه بيكره ايه الحياة هاتبقى سهلة وده ميخلاش من بعض الخلاف فى وجهات النظر الطبيعى يعنى حبة كده حب وحبة زعل وبتمشى الحياة ولكن فى المجمل الزواج راحة واستقلالية ومسؤلية