[بدويه]

السلام عليكم اخواتى اخباركوا ايه
عايزه اقول لكم حاجه
وانا عرفت جوزى ازاى هتصدقوا ولا لا
وانا فى الصف الاول الثانوى الفنى زميله ليه خالها جى يشوفها
وانا داخله على القسم بتاعى من بعيد شوفته من بعيد فقلت يارب اتجوز الشاب ده
طبعا واحده فى سن المراهقه
وتعدى الايام والشهور والسنين وهو لا يعرفنى
وبعد 5سنوات جاءت اختى اللى اكبر منى كانت مخطوبه
وايام ماشفت هذا الشاب قلت ليها
قالت لى اختى فاكره الدعوه اللى انتى دعيتها
قلت ايوه قالت الشاب ده عايز يتقدم ليكى
صدقونى مش هوصف ليكوا مدى الفرحه اللى انا فيها
وتمت الخطبه واتجوزنا وعندنا من الاولاد والبنات
والحمدلله
ايه رايكوا مين هتقول اتعرفت على جوزها او خطبيها
وفى حد زى بدعوه اتجوزت ولا ايه يلا عايزه تفاعل

اذا اعجبك الموضوع و اردت نشره في المنتديات الاخرى فاستخدمي هذا الرابط:
بدعوه اتجوزت انتى عرفتى جوزك ازاى
http://forums.fatakat.com/thread36004

[نيللي]

انا اتعرفت على زوجي عن طريق شاب جارنا كان زوجي صاحب جارنا ولما شافنى على رأي القصري (الكهربا عملت كونتاكت)ههههههههههههه
واتقدملي بعدها بأيام ولكن ارتبطنا بعد 4 سنين واتجوزنا والحمدلله وعندنا 3ولاد
يوسف ويحيي توأم4 سنين ونص وزياد زوزة حبيب قلبي يا رب يكون اخر العنقود
عنده 11شهر

[sadrose]

موضوع حلو قوى انا لسة مخطوبة بس هتجوز ان شاء اللة قريب انا اتعرفت على خطيبى كنا جيران وعرفنا بعض وكنت كل يوم اقول يارب تجمعنا مع بعض على خير والحمد للة هانت ونتجوز ادعولى

[أم مريم]

انا و جوزى كنا زمايل فى الشغل ارتبطنا سنه و نص و اتخطبنا سنتين و اتجوزنا من سنتين ونص و عندنا مريم ربنا يخليهالنا
ويرزقنا

[ام سيف الدين]

انا اتعرفت على جوزى من فوق سقالة فى الموقع و قريت الفاتحة و اتخطبت و اتجوزت فى 4 شهور بس
و دلوقتى معايا سيف الدين
و بعدين ححكيلكم الحكاية فى موضوع خاص بيا انا

[بنوته شيك]

بصو بقا كان جار تيتا كنت كل يوم خميس اشوفو واحلم بى

وبصلى 3سنين وحبينا بعض 5سنين واتخطبنا سنتين وهنتجوز ادعولى بقا

[بدويه]

شكرا نيللى على المرور والمشاركه

[نهال555]

انابئه خطيبي ابن خالتى يعنى متربيين مع بعض بس انااعدت سنتين احبه من طرف واحد وبعدين لقيت انى مش فدماغه فقررت انساه بعدها بسنه لقيته اتقدملى طبعا مش هقلوكو مدى الفرحه للى كنت فيها وبقالنا اهو 3سنين مخطوبين ادعولى بئه اتجوز احسن انازهقت اصل الخطوبه الطويله دى بتعمل مشاكل

[مروة الدميري]

انا بقى يا جماعة اتجوزت جواز صالونات بس انا كنت فاكره ان جواز الصالزنات ده مش بيكون فيه حب بس اللى حصل العكس تماما لان انا وجوزى دلوقت بنحب بعض جدا وعندنا بنت ربنا يخليها لنا

[azza14]

انا جوزي شافني في خطوبه صحبتي يعني انا صاحبه العروسه وهو صاحب العريس واتقدم لي وربنا وفقنا واتجوزنا وعندنا دلوقتي رهف
الغريب ان صحبتي وجوزها ربنا ما اردتش انهم يكملوا مع بعض اتطلقوا وهي اتجوزت وهو كمان اتجوز

[مدام اميره]

انا بقى عرفت جوزى عن طريق اخته كانت زميلتى واتخطبنا سنه وشويه

[رغدودة]

انا بقى لسه متخطبتش ادعولى ربنا يرزقنى وجميع البنات بازواج صالحين اللهم امين

[اشرقت]

موضوع جميل اوى حبيبتى بدوية وسبحان الله على استجابة الدعوة ولو بعد فترة طويلة
امين يارغدودة
بس سبحان الله على الاقدار اللى عرفتوا بعض بيها يا فتكاوات

[manolla]

انا بقى خطيبي يبقى جارنا وكان زميلي في المدرسة ومامتو ومماتي زمايل في الشغل وكان بيحبني من واحنا في المدرسة فى ابتدائي وانا معرفش ولما دخلنا الجامعة حول من جامعتو لجامعتي وجاء وأعترفلي وأحنا في سنة 2ولما خلصنا خطبني وبقلنا 10 شهور مخطوبين لكن لسة هو في الجيش أدعولنا بقى يخلص ونتجوز على خير

[horas]

انا اتعرفت على زوجى من خلال الشغل وعندما رايتة اعجبنى ادبة واخلاقة فى المعاملة مع الزملاء ودعيت الله ان يكون من نصيبى واكثر من ذلك نذرت ندر لله اذا حدث ذلك وبعدها بشهر وفجاء وجدتة يحدثنى برغبتة بالزواج منى وبعد سنتين تزوجنا وعندنا ملك 3سنوات الان ربنا يخليهلنا

[جنة الروح]

انا مخطوبة من سنة ونص ومكتوب كتابى من اسبوعين وحكايتى محدش هيصدقها بس هو ده اللى حصل والله انا كنت باخد درس عربى عند جوزى من وانا ف 5 ابتدائى كان هو فى الكليه وبالمناسبة فرق السن 12 سنة المهم هو من اول ماشافنى وهو بدأ يحبنى وانا بقى بدأت احبه من تانية اعدادى ومن يوم ماعرفنى وطول مانا عنده فى الدرس عمره ماصرحلى بحبه بس معاملته كانت مختلفة ليا طبعا عن بقيت البنات وكده يعنى المهم هوسافر وانا فى 3 اعدادى وكلم بابا وهو مسافر وخطبنى منه طبعا وافقنا ورجع بعدها ب 3 شهور وقضى معايا شهرين وبعدين سافر ورجع السنه دى وكتب كتابى وهنتجوز ان شاء الله السنه اللى جايه وهكمل الجامعه معاه بالمناسبه انا لسه داخله 3 ثانوى

[حنان ام عمر]

انا تعرفت على جوزي عن طريق الشات على الموبايل
وكلمني لمدة 3 ايام وبعدها قال انه بيحبني وعاوز يخطبني كنا ايامها بنص شهر 4 وقال لي حيخطبني بنهاية شهر 10 بس ما قدرش يصبر لاني رفضت اطلع معاه او ابعتله صورتي واجى طلبني من اهلي وتمت خلال اسبوعين وبقالي متجوزة خمس سنين وانا سعيدة معاه اوي الحمد لله

[sh_moh]

انا بقى هقول اتعرفت على خطيبى ازاى
كان يوم تنجيد اختى وبودى العفش وهو جارها شفنى وانا بزغرط مع انى كنت تعبانة وحالتى صعبة شفتنى بقى اعجب بيه وبعدين تانى يوم شفنى فى كتب الكتاب حطنى فى دماغة وحبنى مش كنت عارفة واول فرصى اتقدملى فى البيت واهه اتخطبنا وفاضل شوية شهور على الخواز ادعولى بقى
موضوعك جميييييييييييييييل

[lolo 2008]

انا كمان مخطوبه
هو يبقى صاحب اخو واحدة صاحبتى (حاولو تجمعوا بئه ههههههه)
انا رحتلها مرة وهو كان عندهم ردة اتعرفت عليه وبقينا اصحاب قوى وبعدين سيبت صحبتى دى عشان ماكنتش كويسه وهو نفس الحكاه مع اخوها وفضلت انا وهو مع بعض وبعدن حبنا بعض ارتبطنا عاطفيا شهرن وجه اتقدملى واتخطبنا وهنتجوز كمان سنه ادعولى بئه
موضووووووووووعك هايل يا عسسسسسسسل

[بدويه]

اسفه على التاخير بالرد عليكم