[tosysaden]

حتربى عيالك زى ماانتى اتربيتى سؤال فعلا محيرنى لكن علي قد مافيه ايجابيات كتييييرة فى تربيتى والكل يشهد بكدة لكن كان فيه سلبيات برضه من ضمنها التفريق فى المعاملة بين الولد والبنت بمعنى ان الولد له حق يبدى اراءه فى اى شئ يرفض اي شئ هو مش عايزه بدون نقاش لكن انا كنت باخد حقي في ابداء ارائى بالعافيه بذات مع ماما مع ان انا الكبيره لكن اخى صوته هو المسموع ودة كان بيسبب لى الم اما والدى الله يرحمه كان بيسمعنى كتير ويفهمنى انافعلا مفتقداه دلوقتى انا بقيت ام لبنت وولد ساعات بتخيل شكل الحياه حتبقى ازاى فى تربيتهم انا مش عارفة بس الشئ المتاكده منه انا مش حفرق بين عيالي سواء بنت ولا ولد وربنا يقدرنى


انتى بقي يافتوكة اية الشئ اللى كان في تربيتك سلبي ومش عايزاه يحصل فى تربية اولادك

[برتقال سكرى]

إزيك يا جميل
موضوعك مهم أوى
الحمد لله إحنا 3 بنات يعنى مفيش تفريق ولا حاجة
بس المشكلة إن إحنا إتدلعنا أوى وما كناش بنتصرف فى أى حاجة لوحدنا
وعلشان كده اول جواز كل واحدة فينا ما كناش قادرين نواجه المشاكل مهما كانت بسيطة وده طبعا سبب لنا مشاكل كتير
إن شاء الله هربى ولادى على الإعتماد على نفسهم بس طبعا بمتابعة منى أنا وباباهم
ومفيش مانع طبعا من الدلع بس من غير زيادة
وربنا يوفقنا ونربيهم تربية إسلامية صحيحة

[mshamesho]

موضوعك رائع وهايل بجد ومهم جدا لان اكيد في كل واحده فينا حتي لو اتربت احسن تربيه اكيد عندها بعض السلبيات انا بالنسبه لي هكون قريبه قوي من ولادي واحاول اشجعهم قوي ومش اكسر مقادفهم هههههههههههههه زي ماما ما بتعمل بتقولي دايما انتي مش بتعملي حاجه بس ممكن يكون ده اسلوب ليها عشان اعمل احسن من الاول بس بالنسبه ليها بيكسر مقديفي ههههههههههههه