[salwasoula]

.العصبية و النرفزة وحشين جدا خاصة اذا كانوا بياثروا علي اقرب الناس لينا.
لما بتعصب علي اولادي بعدها بحس بتانيب الضمير و اقول لازم يبقي عندي صبر شوية و استحملهم بس برده عند اقرب موقف يحصل بتعصب عليهم غصب عني.ربنا يسامحني علي عصبيتي و ياريت يكون في طريقة تساعدني ابطل نرفزة.

[أم الطيب]

ياريت لما توصلي لحل تقوليلي لاني عصبية وبصوت في الولاد.
ربنا يهديني ويهديهم.

[أميرتى يمنى]

ياريت لما تلاقوا حل ابقوا شوفوا ليا معاكو عشان انا كمان تعبت من العصبيه والنرفزة على العيال
وشكرا جدا ليكم مقدما

[nefrtlove]

كمان الواحد ساعات بيتعصب على مامته وعلى باباه
بردو غصب عنه
ولا على خطيبي ساعات
بس بندم
انا بكره العصبية وانا اساسا مش عصبية
بس الظروف ساعات بتخرج الواحد على طبيعته

[سندسة]

العصبية ديه اظاهر انها مرض العصر و ليس لها علاج اسالوني انا حاولت كثير في معالجة نفسي منها و لكن فشلت

[ALZAHRAA]

انا كمان عندى نفس المشكله والا انا كنت بحسب نفسى الوحيده الى بعمل كده اتارى العيال فى الدنيا كلها بتنرفز اصل والله عليهم حركات مش ممكن اسال الله انو يعناعليهم ويهديهم انا خيفه يحصلى حاجه والله من كتر الشخط والنتر بس اعمل اه يعنى ماهما اربع عيال واربعه على واحد حرام شكرا على الموضوع واسفه على الاطاله

[سوسو المروشه]

iهههههههههه الله يبشركوا بالخير
انا الحق نفسى واروح ادرب على تربية الاطفال قبل الجواز ههههههههه

[shitos_lovely]

ده انا بتخانق مع دبان وشي
يا رب يهدي كل المتنرفزين
والمتعصبين

[الزوجة الوفية]

ياريت لما توصلي لحل تقوليلي لاني عصبية وبصوت في الولاد
يسلمووووووووووووووووو

[ام البنات3]

يا ريت لم توصلوا لحل تقولولى
لانى على طول بصوت للعيال
لم اناتعبت خلاص وزهقت من العصبية

[ماجي2008]

اللهم ماصلى على النبى العصبية دية تقريبا عندنا كلنا عشان طبعا الظروف والضغوط الصعبة اللى عايشينها امهات وجدادتنا ربتنا ازاي الحياة كانت ريلكس خلص ايامهم
والناس دلوقتى مضغوطة ربنا يهدي اطفالكم يارب بس ممكن اقولك ان العصبية والعياذ بالله من الشيطان لما الانسان بيتنرفز ممكن يبص فى المرآيا وشه بيتحول كده بندي فرصة للشيطان والعياذ بالله يتملكنا لانه زي ما انت عارفه انه فى مجري الدم لما تحس انك هتتعصبى لو قاعدة اقفى ، لو واقفه اقعدى المهم غير وضعك لو نايم اومي وربنا يحفظك ويهدي اولادك وعليك بالاذكارت اليومية

وابعدي اولادك عن الحاجات المعلبة عشان بتغير الهرمونات لان الاطفال معظمها بقت شاقية وفعلا انا بشوف العيال شوقتها زايده شوية ربنا يهدينا جميعا

[lou lou]

فعلا يا ماجي العصبيه دي بقت مرض العصر مش بقى في حد بيفكر حتى قبل ما يتعصب
يعني انا اصلا بطبيعتي مش عصبيه بس غصب عني مع الضغوط اللى حوالينا بتعصب وممكن اكسر اي حاجه قدامي
بس بعدها بندم واقعد اعيط بالساعات وابقى مكسوفه من نفسي اوي

[Coco99]

واللة يا جماعة محدش ضاف حاجة جديدة انا خلاص العصبية حتجننى بقيت عاملة زى المجانين فى العيال وابوهم واقعد اقول اصل اليومين دول من الشهر بيبقوا كدة! وعلى كدة الشهر كلة اليومين دول!!!!!!!!

[eman of allah]

بصوا يا جماعه لازم يكون في حل للمشكله احنا كده كلنا بقينا عصبيين
شوفوا حل وقولو لي عليه وربنا يهدينا جميعا

[مروشكا]

ونا كمان يمكن اكتر عصبيه بالعالم البارحه كسرت الطبق على راس ابني
كنت ماسكاه بدي استخدمه وكان بيتخانق مع اخته فصرت أضرب حتى كسرته
وبعدين بعته يجيب تبع الجيراان