[hala_2007]

بصي حبيبتي هي براون حلوة طبعا وبتشيل كويس وكمان سهلة
بس هي السويت حلاوتها انها بتزيل طبقة الجلد الميتة مع الشعر وعشان كدا البشرة بتبقي نظيفة وحلوة
بس دة ميمنعش ان سلك ابيل ممتازة

[اخت فى الله_LM]

هالة حبيبتى
مواضيعك مميزه اوى وجميله اوى اوى
ربنا يكرمك
بس انا بايظه خالص
يعنى مثلا عندى بشره دهنيه نفسى الاقى ماسكات مناسبه ليها
وشعرى حلو اوووى بس خفيف وبيقع مع انى باكل كويس جدا
ونفسى فى حاجه تمنع ظهور الشعر او تخففه مش لاقيه
ياريت تفيدينى ياسكره
وليكى الف شكر ياقمر

[ninou]

من فضلك أريد ماسكات وجه مفيدة وبسيطة
وكذلك للشعر
وشكرا

[bes_bes]

هي عيزاه تدخله في منتجات تجميل هي بتعملها بتجيب مكونتها من مواقع اجنبيه
و هي بتعملها بايديها فلقت ان اكتر الزيوت فيها جيرانيوم
لو عندك بديل قولي
و لو تعرفي زيت الجوجوبا او تعرفي بيتباع فين يريت تقوليلي

[hala_2007]

بصي حبيبتي بسبس زيت الجوجوبا موجود في الصيدليات الكبيرة دة متوفر
اما عن زين الجرانيوم ممكن تسال صيدلية كبيرة علية هما ممكن يقوللها

[sandod]

شكرا يا جميل بس انا اصلي بسأل عشان ياهاله المناطق الحساسه احسن السويت وله السلك بيل اصلي خيفه من السويت ومش جربته وانا فرحي قرب وناس كتيره عماله تنصحني بكذا حاجه بس السويت اولا انا مش بعرف اعمل وهاكسف لو حد عملي فا مش عرفه اعمل اه ونبي ياهاله تفيديني لحسن انا محتاره اوي

[hala_2007]

حبيبتي لازم السويت
وانا قلت ليكي استعملي مخدر قبل متعمليها

[nefertety]

شكرا حبيبتي وتسلمي 00

[sama emad]

تسلمي يا هاله علي موضوعك الجميل بس انتي بجد اجمل..ممكن لفات طرح للخطوبة

[R@A]

ازيكم يا جماعة اولا انا مبسوطة لاشتراكي في المنتدي الجميل ده و محتاجة مساعدتكم دلوقتي
انا ان شاء الله هاتجوز علي اخر السنة يعني في الشتا و كنت نزلت الازهر عشان اشتري لحاف و عجبني لحاف هناك ناحية مشجر بالورود و الناحية التانية بطانية بس بطانية بجد مش حاجة خفيفة تشبه و ناعمة زي البطانية المهم للاسف مش اشتريته و لما جيت انزل اشتريه لاقيته اتباع و مش لاقيه حد تاني بيبعه لفيت الازهر و للاسف صاحب المحل رفض يقول لي جابوه منين انا عايزة اشتري اللحاف ده لانه عجبني انا و خطيبي قوي و انا مش حابة اشتري اي لحاف فيه تطرير او شغل كتير لانه مش عملي فممكن اي حدد يقول لي ممكن الاقي النوعية دي فين او لو حد كان شافه في اي مكان تاني يقول لي فين
علي العلم ان انا نزلت الازهر و نزلت كمان الوكالة
يا ريت تساعدوني و يا ريت بسرعة لان الحاجات دي سعرها في الصيف اقل من الشتا

[sandod]

ازيكوا يا بنات وسلام خاص لهاله حبيبتي انا سؤالي المرة دي علي شهر العسل يا تره حد فيكوا يعرف عروض كويسه لشركات اصلي انا عيزه اسافر في شرم الشيخ لو حد فيكوا راح او يعرف اسعارها وبرنامج بتاعهم ياريت يبعت ويقولي يا بنات و الشكر للجميع

[زمرده]

السلام عليكم
أنا

[زمرده]

السلام عليكم
أنا فرحي بإذن الله بعد رمضان علي الطول حجزت فستان الفرح بس مش عاجب خطيبي عشان الفستان مش محجبات وهضطر ألبس تحتيه بادي عشان هكون محجبه ان شاء الله فنفسي الاقي فستان محجبات متقفل كله من نفس القماشه وجزاكم الله خيرا

[hala_2007]

اولا حبيبتي فساتين المجبات موجودة كتير بس دوري انتي بس وان شاء الله هتلاقي

[ولاء محمود]

السلام عليكم أزيكم وحشتونى وأحلى سلام لهالة أصلها وحشانى جدا
بخصوص سؤال sandod بصى يا ستى رحلة شرم الشيخ ممكن تكلفك فى حدود 4000 أو 5000 جنيه فى الأسبوع فلو عايزة بجد ممكن أديكى رقم تليفون الشركة الى طلعت معها رحلة شهر العسل وكانت فى فندق سونستا أحلى فنادق شرم ( كان تحفة ) وكمان لو عايزة ممكن أخلى واحدة أعرفها ليها أسبوع فى فندق جاردينيا بنظام التايم شير ممكن أخليها تأجرلك الشاليه ب2000 جنيه فى الأسبوع بس وبيبقى ليكى فطار وعشا فى الفندق بس المشكلة ان القريه مش فيها شاطىء فيها حمامات سباحة بس وليها شاطىء بعيد شوية فى خليج القرش والفندق بيطلع أتوبيسات للشاطىء ولو بجد عايزة أى مساعدة أنا موجودة وهستنى ردك



ويا جماعة عايزة أقولكم على حاجة أنا ساعة فرحى فصلت فستان فرح بديل 3 متر وعرضه كبير ب 10000 جنيه ودلوقتى هو مركون فى الدولاب مش مستفادة بيه
بس واحدة صاحبتى قالتلى ممكن أعرضه للتأجير أيه رأيكم
هو الفستان مش عريان وينفع محجبات وهو مليان تطريز بس بسيط مش متكلف وديله كله تطريز أيه رأيكم ياريت تقولولى أعمل أيه

[زمرده]

السلام عليكم
أزيك ياهاله بالنسبه لفساتين المحجبات أنا سألت عنها كتير كله كب مفيش محجبات خالص ياريت لو تعرفي تساعديني في الموضوع ده ياقمر وكنت عايزه أطلب طلب من ولاء ياريت لو تبعتيلي صورة للفستان بتاع فرحك وشوية تفاصيل عنه يبقي شكرا ليكي أوي

[ولاء محمود]

من عنيا يا زمردة هصوره وابعتلك بكره صوره كلها من كل الجوانب وكمان بوكيه الورد لأنه كان الماظ مش ورد طبيعى

[ولاء محمود]

السلام عليكم
أزيك ياهاله بالنسبه لفساتين المحجبات أنا سألت عنها كتير كله كب مفيش محجبات خالص ياريت لو تعرفي تساعديني في الموضوع ده ياقمر وكنت عايزه أطلب طلب من ولاء ياريت لو تبعتيلي صورة للفستان بتاع فرحك وشوية تفاصيل عنه يبقي شكرا ليكي أوي منذ 2 يوم 05:13 م
بصى يا زمردة ديه صور فستان فرحى أنا الى صورته وكمان صورته وأنا لبساه عشان تشوفيه على الطبيعة بس هو أنما لما أتجوزت كنت 54 كيلو فهو مش واسع هو تقريبا مقاس 40 أو ممكن 42
بس طبعا الصور الى أنا مصوراها للفستان تحفة وممكن تكون مخليه الفستان شكله وحش أصلا بس ماعرفتش أصوره غير كده والله
وهحاول تانى وأصوره صور تانية
وكمان أنا صورتلك بوكيه الورد كمان أنا كنت عملاه عند إيهاب عمر بتاع الأكسسوارات الى فى أسكندرية
وأنا مستنية ردك

[IMG]http://forums.fatakat.com/[/IMG]

[IMG]http://forums.fatakat.com/[/IMG]

[IMG]http://forums.fatakat.com/[/IMG]

[IMG]http://forums.fatakat.com/[/IMG]
[IMG]http://forums.fatakat.com/[/IMG]

[kenzoflower5]

انا عندى مشكله انى اساسا بفتح عشان اقرا الموضوع ومش بلاقية

[sandod]

مشكور يا ولاء علي المجهود بس انا عيزه حاجه في حدود 2000 بس ومش شرط يكون اسبوع ده في الشغل هايدوني اسبوع بالعفيه لجواز انا لقيت علي نت موقع فيه تأجير الأسبوع 2700 في قريه اسمها صن شين بس اصلي عيزه شركه عشان تعملي برنامج اصل بحب الحاجه المنظمه يعني تكون برنامج لمده كام يوم كده بس بجد شكرا اوووووووووي يا لولو علي تعبك