[زمرده]

السلام عليكم
أزيكم جميعا كل سنه وكل الفتوكات طيبات أزيك ياولاء وشكرا علي الرد بس في مشكله مش عارفه أشوف صور الفستان مش عارفه ممكن تبعتيهولي بأي طريقه تانيه عشان أعرف أشوفه متشكره ليكي جداااااااا وربنا يسعدك دايما

[امه الرؤف]

مشششششكورة

[زمرده]

السلام عليكم
أزيكم جميعا وأزيك ياولاء فينك يابنتي ولا حس ولا خبر أنا مستنيه ردك عليا ياجميله

[نونا الصغنونه]

[ولاء محمود]

حبيبة قلبى زمردة سامحينى كنت مشغولة جدا الفترة الى فاتت وكنت مش بدخل كتير على النت , كل سنة وانت طيبة والناس كلها بخير
شوفى يا ستى انا هحاول اخلى اختى تلبسه واصورها عشان يكون واضح ليكى او انا ساكنة فى المعادى لو تحبى تكلمينى وتشوفيه برده معنديش مشكلة على فكرة انا لوحدى زوجى سافر من 4 أيام
شوفى الى يريحك وردى عليا

[زمرده]

أزيك ياولاء عامله ايه وحشتيني بجد وكويس انك طمنتيني عليكي بس أنا آسفه بجد يالؤلؤ أنا لما كنت مستنيه ردك عليا في الفتره اللي فاتت دي بالصدفه وأخيرا لقيت فستان زفاف محجبات أنا كان نفسي أشوفك وابقي طمنيني عليكي علي طول وبوسيلي بنوتك القمر ربنا يخليهالك يارب وتفرحي بيها دايما

[MaiiMoon]

الموضوع جميل جدا فعلا وانا ليه طلب بس متعب جدا بس اتمني انكو تساعدوني

انا عروسه فاشله جدا ومش بعرف اعمل اي حاجه خالص بس ماما هي اللي بتجهز حاجات المطبخ وبما اني البنت الوحيده فهي ناسيه حاجات كتير من اداوت المطبخ فياريت حد يعملي قايمه بالحاجات بتاعه المطبخ غير الحاجات الاساسيه الحاجات اللي ممكن انساها في جهاز العروسه خايفه اصحي بعد الفرح بيوم يقولي اعملي شاي ولا حاجه الاقي نفسي نسيت اجيب براد مثلا ياريت حد يساعدني بجد علي فكره انا جبت البراد لما افتكرت الموقف دا

معلش بقي حد يساعدني لو سمحتم

[firemoon]

بصي ياهاله ياست الكل انا قربت اتجوز
بس عندي شويه حاجات عاوزاكي تساعديني فيها
اولا:-شعري ناعم بس مجعدوعاوزه حاجه تفرده ومش لاقيه
ثانيا:-انا محتارة اووووووووي في الوان الشقه ومش عارفه اختار الوان ايه
ردي علي دول لحد مااجيبلك اسئله تانيه

[nona dala3]

انا يا بنات فرحي اخر شهر 12 الجاي ده وعاوزه صور لشنيونات حلوه بس متكنش تقليديه فياريت تساعدوني
وعاوزه كمان الاحلى الطرحه الخليجي ولا التاج احلى ولو ممكن صور لاشكال التيجان
وميرسي يا هاله هتعبك يا قلبي

[hala_2007]

اسفة لتاخر في الرد يا قمرات
بصي يا فير
شعرك استعملي مرة كل اسبوع حمام كريم مكون من (قشطة+زيت زيتون+زيت جوز هند) وشوفي النتيجة تجنن
الوان الشقة دي بتبقي حسب ارتياحك انتي
يعني لو عملتي الرسبشن اصفر كناري وختي حيطة ظاهرة اخضر زرعي بتبقي حلوة
كمان السيمون الفاتح مع الدرجة الاغمق تجنن
غرفة النوم الون البينك فيها جميل
كمان في الون البوستاج مع الاخضر خلو

يعني انتي ممكن تنسقي كذا لون مع بعض
لان الون الواحد التقليدي خلاص مبقاش موضة

[دينا الحصري]

هلولة الاموووووورة والله انتي عسسسسللل
تسلم ايديكي يا عسل
والله فكرة حلوووة
بصي يا هلولة
انا عندي مشكلة غمقان في ركبتي وفي وش رجلي مكان الصلاه
وفي فخذي في غمقان
وجربت حاجات كتير وكمان زيت الزيتون والملح والليمونة
دي جربتها في ركبتي ما نفعتش خالص
ممكن تساعديني يا قمراية
وجزاكي الله عنا كل خير

[إبتســـــــــــــامه]

السلام عليكم
ازيك ياهاله
معلش انا هتقل عليكى شويه
1)انا عايزه اعرف الحمام المغربى بيتعمل ازاى
2)عايزه اعمل او اشترى بوكيه ورد انا عندى صور كتير بس مش عارفه انفذها ازاى يعنى اعمله طبيعى ولا صناعى ولو صناعى اجيبه منين ولو طبيعى ابدء اشتغل فيه من امته انا هحطلك صورته عشان تدينى رايك
3)بيقولوا الموس لإزاله الشعر احسن من السويت بس عايزه اعرف ليها فوم ولا لأ
4)انت قلتى على البينج الموضعى هل ليه اسم معين ..يعنى اقول للصيدلى ايه
5)انا مش هعمل فرح فى الغالب وعايزه بس زفه من المسجد للعربيه اقف بتاع نص ساعه حلو قوى متعرفيش فرقه تكون سعرها كويس وهل اقدر اخليهم ميجيبوش ناى علشان انا مستحرماه كفايه عليا الطبله واللى شكل الدف ده
6)انا مش بعرف الف شعرى بطريقه تخليه شكله حلو عندك فكره لحاجه تفردوا هوا انا بعرف اعمل بفضل الله سشوار لنفسى بس مشهعمله يعنى كل يوم وبعدين مع الوقت همل لانى بعمله اصلا نادر جدا يعنى بعرف ومش متعوده على الاستمراريه


انا عارفه زهقتك جدا بس معلش حقك عليا
اعذرينى انا بعد ما عينى غفلت قمت من النوم ودماغى بتلف ناقصنى حاجات كتير
وعندى اسئله كتير انا الكبيره ومعنديش اصحاب اتجوزوا ينفعونى...

وجزاكى الله خيرا

[انتصار قاسم]

اللهم اجعلنا من اللذين يقولون فيعملون... ويعملون فيخلصون... ويخلصون فيقبلون

[hala_2007]

طيب نبتدي بدينا
الغمقان بين الافخاد دة تجيبي بيتادين وتفضية في علبة وتحطي علية معلقتين عسل نحل ومعلقتين زيت زيتون
وتدهني كل يوم قبل النوم

الغمقان الي في قورتك من الصلاة دة يااااااااااا بختك دة هيشهدلك يوم القيامة خلية طبعا وعقبالنا زيك يا رب
في الركبة ادهني برضوا من البيتادين وقوليلي

[hala_2007]

ابتسامة يا قمر ولا يهمك اسالي
الحمام المغربي
يا ريت تدخلي علي موضوعي في الطامحات للجمال هتلاقي حجات حلوة قوي هتنفعك دة في اناقة وموضة

متهيالي
البوكية الصناعي احلي
ودة الكوفير هو الي ممكن يفيدك
او من عند بتوع فساتين الافراح
لا طبعا الموس مش احلي من السويت والخدر اسمة لوكادين

لا والله معرفش ادلك علي فرقة
بس شوفي في اول باب الشعرية قبل العتبة الناس دي موجودة وليهم محلات ممكن تنزلي وتسالي
شعرك بقي لو ناعم يبقي قشطة وزيت حبة البركة وزيت زيتون حمام كل ابوع
لو خشن طبعا مش هينفع
لازم يتعمل
لاني منصحكيش بالفرد

[دينا الحصري]

يا حبيبت قلبي يا هالة
ربنا يكرمك ويجعل مجهودك واهتمامك بيا وبالبنات في ميزان حسناتك يااااااارب
ماتحرمش منك ابدا يا حبيبتي
واكيد ان شاء الله هاجرب الوصفة دي وهاقولك على النتيجة
تسلميلي يا هلولة
طيب معلش ممكن اعرف المدة التقريبية لبدء مفعول الوصفة دي تاخد قد ايه على ما المناطق دي تبقى فاتحة؟؟؟
عشان احتمال اتجوز في شهر 12 اللي جاي بأذن الله بس لسه ما حجزتش قاعة
ادعيلي يا هلولة بالله عليكي عشان حسيت بخنقة من الخطوبة بقى
نفسي في تجديد وحياه جديدة...مش عندي حق ولا اييييه؟؟
انتي ايه رأيك؟؟

[hala_2007]

لا دة من اول اسبوع ان شاء الله هتبان النتيجة

والله كل مرحلة وليها حلاوتها

[إبتســـــــــــــامه]

هاله ربنا يكرمك انا تعبتك معايا قوى
جزاك الله خيرا
ان بس عندى استفسار
انت قلتى
((بقي لو ناعم يبقي قشطة وزيت حبة البركة وزيت زيتون حمام كل اسبوع))
انا فتله شعرى ناعمه لكن ناشف شويه او جاف بمعنى اصح
صحيح اتحسن شويه مع استخدامى للوسيون اسمه تيتان
وحمام زيت النخاع
بس انا عايزه اتخلص من الموجه اللى فيه لانه اولا مموج والمشكله انى قصيت شعرى عشان احاول اهتم بيه لانى لما كان طويل مكنتش باجى جمبه بيخنقنى
فاعمل ايه خصوصا انى هطر اطوله لان اكتشفت ان خطيبى بيحب الشعر الطويل وانا عماله اقص فيه وكمان مدرجاه يعنى بقى خفيف مع مشكله تساقط الشعر ماولكيش
اعمل ايه هل يعتبر كده ناعم
والوصفه دى هتفرده
وهل استخدم الباكر واتعود عليها ولا كفايه انى ابروموا مره على اليمين ومره ع الشمال
وجزاك الله خيرا
وربنا ميحرمناش منك ياقمر

[hala_2007]

ايوة كدة بقي استعملي حمام القشطة دة ممتاز
واعملي الطاقية العادية الي هي مرة يمين ومرة شمال
هيتفرد

وبلاش البكر عشان بيقصفة

[دينا الحصري]

شكرا ليكي يا هالة يا قمر
ماتحرم منك ابدا يا رب