[سوسو المروشه]

السلام عليكم ورحمة الله وبركاته

مساء الورد والفل والياسمين عليكوا يا فتكوات
بصوا بقا ده اول موضوع ليا وان شاء الله يكون مقبول بالنسبلكم
طبعا كلنا بنات وفى المخطوبين وفى المتجوزين وكلنا بنحتاج للمكياج
بس كم مرة عملتى لنفسك مكياج مميز اللى يشوفه ميصدقش انك انتى اللى عملتيه
ويكون خالى من الاخطاء
كم مرة نزلتى علشان تشترى مكياج واهتميتى بماركة المكياج نفسه مش الالوان بس
وحاجات اوى كتيرة نجهلها عن المكياج وطرق استخدامه
وطبعا منكرش ان عضوات المنتدى هنا فعلا عاملين شغل جامد وانا استفدت منه
بس بصراحة وبدون زعل منى واحترامى لكل عضوة اغلبية المواضيع بتكون صور ومنقولة او دورات عن المكياج ومنقول وقليل لما الاقى عضوة كتبت موضوع هى فعلا جربته فى المكياج
لكن فى منتديات تانية الاعضاء بينزلوا تجاربهم بالصور يعنى قصدى ادوات المكياج بتعتهم والماركات واسعارها واماكنها اللى هما اشتروا منها وصدقونى بتكون مفيدة جداا
والمشكلةانهم مش بيكونوا بمصر يعنى طبعا بدول خليجية ومعظم منتجاتهم مش موجودة بمصر وده شئ بيحسر بجد هههههه
علشان كده ايه رايكوا يا فتكوات نحط ادينا با ايد بعض ونعرض منتجات المكياج اللى عندنا اللى احنا فعلا جربنها وطلعت كويسة وسعرها
وياريت خبيرات التجميل واللى عندهم خبرة كويسة بالمجال ده يفدونا
وان شاء الله فى الموضوع التانى هعرضلكوا مشاكلى مع المكياج

اذا اعجبك الموضوع و اردت نشره في المنتديات الاخرى فاستخدمي هذا الرابط:
مكياجنا
http://forums.fatakat.com/thread36136

[nosha_ali2010]

بالتوفيق يا قمر وانا متاكدة انى هستفيد منك بس انا مش هقدر افيدك فى سوالك دا عشان عمرى ما حطيت مكياج

[ALZAHRAA]

مشكوره ياقمر

[سوسو المروشه]

دلوقتى بقا نيجى للجد طبعا يا فتكوات ولا واحدة فيكوا شجعت وحاولت تروينا مكياجها

بس بما انى صاحبة الموضوع قالت مش مشكلة ابتدى انا وانزل المكياج اللى بستخدمه
انا طبعا منزلتش كل الميكب اللى عندى لان بعيد عنكم من كتر الاستخدام مش عايزة اوصفلكم المنظر ههههههه

نبتدى >>>>>>>>>>>>>>>>


ده منتج من ايفون اسمه 3*1
ده ب 7 ج
ده تونر وتونيك وكريم مرطب
ده بستخدمه مرتين باليوم بس حلو اوووى
بينعم البشرة وبيعلاج الحبوب شوية ممكن تحطيه قبل الميكب ككريم مرطب
بيخلى بشرتك وانت بتحطى الميكب ناعمة وشكلها رايق مش مرهقة


ده كريم لتفتيح البشرة اسمه مون لايت
من اى صيدليه ب 42ج
انا بستخدمه بعد مغسل بشرتى وبستخدمه تحت الميكب كمرطب


ده كريم اساس هو جايلى تبع علبة ميكب كاملة بس هتشوفها تحت
ده درجتان 1\2
بس حلو على بشرتى ومش بيسبب اى حبوب


ده البودر اللى بستخدمها
اللى فوق اسمها لوف جابتها ب 12 ج
هى كومبكت بودر 3*1
درجة رقم 1
هى ناعمة على البشرة وكانك مش مش حطة كانه لون بشرتك
اللى تحت بقا ديه دوف بس مش فاكرة سعرها
درجة رقم 3
هى لما بتتحط بتدى درجة بينك شوية على البشرة


ده ايشادو بس بتكون فى لمعة ب 5ج العلبة الواحدة وهى بتكون فيها لونين
انا جايبة اللون ده ولون الازرق ومعه لون ازرق افتح وعلبة تالتة اسود واللون التانى ابيض


ده ماسكرا وايلينر من جادور بس مش فاكرة سعرها
هى الماسكرا بتاعتها حلوة لانها مش بتسيح
بس انا بجيب ايلينر قلم علشان اقدر ارسم بيه العين ويكون بردوا ضد الميه


ده الرجوجو انا جبته ب 3.5ج
بس حلو لان لون بيظهر على البشرة وفى لمعة بسيطة
وعندى كذا نوع تانى رجوجو بس ده احلى نوع جربته


ده المانكير بس اكتر لون بحطه ودايمة فيه هو الاسود


بصوا يا فتكاوات ده علبة ميكب بس انا شايلها فى جهازى عقبالكم
انا هنزلكوا كل دور فيها لوحده


ده اول دور فيه الفرش
والوان شادو
ورجوجو
وبودر


ده تانى درج فيه شادو
وروج


ده تالت درج فيه رجوجو
وبودر


وده رابع درج بردوا فيه رجوجو
وبودر
خلوووووووووووووويص

طبعا ناقص الكحل والروج والقلوس
لانهم كتير مش هعرف اعرضهم

يارب يكون مكياجى عجبكوا
ويااااااااااااريت يا فتكوات كل واحدة منكم تنزل الميكب بتاعها وتشرحلنا تفاصيله
لان اكيد مفيش بنت مش معندهاش ميكب
انتوا صوره على الموبيل ونزلوا على الكمبيوتر وبعدين على احلى منتدى
مـــــنــــــتــــدى فـــــتـــــــكـــــــــــات

[سوسو المروشه]

يؤ يؤ يؤ مـــــــــــــــــــــــــــــــــعـــــــــــــــ ــــــــــقولة
كل ديه مشاهدات ومفيش زلا فتوكة مشاركة بالموضوع
بيه يجماعة انتوا بطلتوا تشتروا ميك اب
اهـــــــــــــــــــــــــــــئ اهـــــــــــــــــــــــــــــــــــــــــئ

[لولي الامورة]

مشكرة ياقمر
انتى شكلك كدة عسل
والله انا حبيتك من قبل ماشوفك


وعلى فكرة موضوعك اكتر من راع
وفكرتة جديدة خالص

[Mora]

انا بشجعك على فكرتك الحلوة دى يا سوسو وعلى مبادرتك انتى فى الموضوع وانك تكونى اول واحدة تبدأ تنزل ادوات مكياجها وتشرح استخداماتها، انتى عارفة لو كذا فتوكة عملت كده كلنا اكيد هنستفيد من بعض ومن افكار بعض.
وكمان ادواتك ما شاء الله جميلة يا سوسو، ومبرك على علبة المكياج الجميلة دى ان شاء الله ربنا يوفقك عن قريب وتستخدميها فى بيتك يا حبيبتى.
بصى انا نفسى اشارك انا كمان فى الموضوع ده بس هحاول والله يا سوسو لأنى مشكلتى انى وقتى ضيق جدا جدا هحاول ولو قدرت هتلاقينى نزلت ادواتى انا كمان.
وشكرا كتير ليكى يا سوسو.

[undonelife]

مكن يا سوسو تقوليلي الباودر اللي فوق نوعها ايه
خلوا بالكم يابنات بيقولو الايام دي في ميكآب مضروب كتير في مصر ومقلد مضر جدا للبشرة

[أم الصبيان]

أفكرك حلوة قوي يا سوسو..وأنا مستغربة ان ماحدش اهتم..وعموما انا عن نفسي ,من أحسن الحاجات اللى جبته وكانت حلوة جدا(البودرة والفاوينديشن 2+1 بتاع ماكس فاكتور..رائع بجد..ولما خلصت جبت بوبا..كريم أساس مضغوط كريمى شوية..بس ماكنش لايق على بشرتى..يمكن اللون غلط لأنى باحس ان لونى مش طبيعى وبيبان انى حاطة ماكياج..وانا ما بحبش ان الماكياج يكون واضح..فاهمانى؟!
وأنن بأه متغاظة لانى رحت للبياعة وقلت لها أنا عاوزة بودرة مضغوطة أحطها فوق الأساس بتاع بوبا!!!فأقنعتنى بشراء" بوبا" الباودر!!!أنا متأكدة ان اللون كان غير مناسبنى..وأنا بصراحة مش عارفة أعمل بيهم ايه..مش لاقية حل مقنع..
بس واحدة صاحبتى قالت لى على "السمر كيك"عن تجربة:هى أفضل شيء للآن..مش بتسيح..أعتقد انها مناسبة فقط للبشرة الدهنية..وأنا لا استخدمها الا فى المناسبات..وطبقة خفيفة جدا جدا..
شكرا يا سوسو..ابقى أكمل بعدين..
باقولك ايه..عندك فكرة ازاي أقدر أغير اسمى المسجل؟

[الزهره الحزينه]

[سوسو المروشه]

مشكرة ياقمر
انتى شكلك كدة عسل
والله انا حبيتك من قبل ماشوفك


وعلى فكرة موضوعك اكتر من راع
وفكرتة جديدة خالص

تسلمى حبيبتى على ردك الزووق زيك

[سوسو المروشه]

انا بشجعك على فكرتك الحلوة دى يا سوسو وعلى مبادرتك انتى فى الموضوع وانك تكونى اول واحدة تبدأ تنزل ادوات مكياجها وتشرح استخداماتها، انتى عارفة لو كذا فتوكة عملت كده كلنا اكيد هنستفيد من بعض ومن افكار بعض.
وكمان ادواتك ما شاء الله جميلة يا سوسو، ومبرك على علبة المكياج الجميلة دى ان شاء الله ربنا يوفقك عن قريب وتستخدميها فى بيتك يا حبيبتى.
بصى انا نفسى اشارك انا كمان فى الموضوع ده بس هحاول والله يا سوسو لأنى مشكلتى انى وقتى ضيق جدا جدا هحاول ولو قدرت هتلاقينى نزلت ادواتى انا كمان.
وشكرا كتير ليكى يا سوسو.

تسلمى يجميل

واتفضلى علبة الميك اب متغلاش عنك اوديها لحد عندك هههههه

وان شاء الله تلاقى وقت وتنزلنا مكياجك يجميل

[سوسو المروشه]

مكن يا سوسو تقوليلي الباودر اللي فوق نوعها ايه
خلوا بالكم يابنات بيقولو الايام دي في ميكآب مضروب كتير في مصر ومقلد مضر جدا للبشرة

اهلا وسهلا حبيبتى بيكى فى الموضوع

البودر اسمه love هو فى كذا ماركة بنفس شكل العلبة ديه بس جربتها لقت ان النوع ده اكتر نوع ناسب بشرتى

وفعلا فى ميك اب مضروب كتير وبالخصوص من بعد محلات 2.5 والمضروب زاد
بس مدام انتى بتجيبى من محل مضمون يبقا متقلقيش

وخلى بالك الميك اب اللى بيتباع فى محل 2.5 مش بيبقا مضروب لا بتكون فى ماركات مدة صلاحيتها قربت تنهتى فانتى لو اشتريتى شئ منها يستحين تستخدميه بسرعة ومتسبهوش فترة لانه اكيد هيبوز

[سوسو المروشه]

أفكرك حلوة قوي يا سوسو..وأنا مستغربة ان ماحدش اهتم..وعموما انا عن نفسي ,من أحسن الحاجات اللى جبته وكانت حلوة جدا(البودرة والفاوينديشن 2+1 بتاع ماكس فاكتور..رائع بجد..ولما خلصت جبت بوبا..كريم أساس مضغوط كريمى شوية..بس ماكنش لايق على بشرتى..يمكن اللون غلط لأنى باحس ان لونى مش طبيعى وبيبان انى حاطة ماكياج..وانا ما بحبش ان الماكياج يكون واضح..فاهمانى؟! وأنن بأه متغاظة لانى رحت للبياعة وقلت لها أنا عاوزة بودرة مضغوطة أحطها فوق الأساس بتاع بوبا!!!فأقنعتنى بشراء" بوبا" الباودر!!!أنا متأكدة ان اللون كان غير مناسبنى..وأنا بصراحة مش عارفة أعمل بيهم ايه..مش لاقية حل مقنع.. بس واحدة صاحبتى قالت لى على "السمر كيك"عن تجربة:هى أفضل شيء للآن..مش بتسيح..أعتقد انها مناسبة فقط للبشرة الدهنية..وأنا لا استخدمها الا فى المناسبات..وطبقة خفيفة جدا جدا.. شكرا يا سوسو..ابقى أكمل بعدين.. باقولك ايه..عندك فكرة ازاي أقدر أغير اسمى المسجل؟

اهلا وسهلا حبيبتى بيكى وتسلمى على كلامك

وبالنسبة لبوبا انا سمعت انها حلوة بس الاحلى فيها الماسكرا بتاعتها والروج

انا عملت زيك بس من فترة رحت جبت فوندشن مع انه غالى وماركة كويسة بس مكنش مناسب ليا بس بقيت احط فوندشن نوع تانى ولما احس انى بشرتى بقت متشربة وحطة غامقة وحطة فاتحة بقيت اظبطه بالفوندش القديم وبالذات منطقة الخدود لما بحط الفوندشن غير نوع الفوندشن اللى على باقى البشرة بقت تظهرلى الخدود بشكل حلو ويبان فيها البلاشر بشكل احسن

انت جربى كده تستفيدى بيه لان اى شئ فى الميك اب اوعى تستغنى عنه لان هتيجى فترة وهتتعلم شئ وممكن تستفيدى باللى موجود عندك

وبالنسبة للسمر كيك هى فعلا حلوة جداا ومش بتسيح وبتوضح الميك اب احلى واوفر فى الوقت
بس بعد فترة من استخدمها بتجير بالبشرة فحاولى تتعاملى فترة بيها وفترة بالفودنشن والبودر العادى

[سوسو المروشه]

شكرااااا مرورك

[هيصه]

[ام رحاب]

[سوسو المروشه]

يسلملى مررروكوا يا احلى فتكوات

بس مرور من غير وضع المكياج بتاعوا مينفعش ومش لازم يكون مكياج بس

طبعا كل سنة وانتوا طيبين احنا فى الصيف والمشتريات بتكتر دلوقتى اذا كان لابس وطرح واحذية وغيروا

يعنى لو كل فتوكة تحط اخر مشترياتها بالموضوع هيكون حلو والموضوع هيسخن اكتر