[سوسو المروشه]

السلام عليكم ورحمة الله وبركاته

عدنا مع موضوعى التانى ومشاكلى مع المكياج واكيد المشاكل ديه بتقابل ناس فيكوا
يجماعة انا بموووت فى شئ اسمه ميكب لكن مشاكلى بقا
مش بعرف اشترى ميكب كويس بمعنى ان ممكن انزل اشترى ميكب ومكنش محتاجة
او اشترى ماركات مش بتناسب بشرتى ولانى طبعا مش بفهم فيهم وبالتالى البيعة اللى بتبيع مش بتنصحك النصيحة الصح بتقولك اه كويس عليكى فبشتريه
وطبعا ده بياثر فى نهاية المكياج لانى بعد مخلص ميكب لازم الاقى شئ مش مظبوط بالعلم ان بعرف احط مكياج كويس
وابتديت الف فى المنتديات علشان اعرف ايه اكتر ماركات كويس وازاى اعرف اششتريها بس بصراحة تاهت اووى لان بكل منتدى تلاقى كلام شكل
مرة تلاقى واحدة تقول مثلا كريم الاساس من فور ايفر كويس والتانية تقول لا ماك انضف واحسن
مع العلم انى لفيت معظم المحلات على ميكب فور ايفر بمصر مش موجود وناس كتير مش سامعه عنه هههههه
والعلم انى بشوف بنات حطة الميكب بجد بيجنن عليهم لدرجة انى بقف اطنح وبتكسف اسالهم ايه هى الماركات اللى بيستخدموها
فانا جمعت معظم الماركات المعروفة والمشهورة
فورايفر
ماك
جيرلان
شانيل
كريستيان ديور
كريولاين
لانكوم
استي لودر
كانيبو
جفنشي
ماكس فاكتور
ريميل
بوبا
بي ناي
نوبا
برجوا
المشكلة دلوقتى عندى انى لازم انزل اشترى ميكب علشان عندى افراح ومش عارفة اتصرف ازاى
ولان الماركات ديه غالية يعنى لازم اجيب الشئ اللى يناسبنى من المكياج مش اروح اجيب ميكب وتانى يوم الاقى مش مناسب معايا
بصوا بقا يا فتكوات ويا احلى خبيرات بالمنتدى المفروض منكوا انكوا تساهلوا علينا المهمة ديه
يعنى تكتبوا مثلا البيس يتجاب من اى ماركة انضف وكريم الاساس والللللللخ الى نهاية كل ادوات الميكب
وشكرررررررررا

اذا اعجبك الموضوع و اردت نشره في المنتديات الاخرى فاستخدمي هذا الرابط:
مشاكلى مع المكياج
http://forums.fatakat.com/thread36138

[ALZAHRAA]

والله والله انا عندى نفس المشكله وعندى افراح ومش عرفه لا اشترى ولا احطه يارتنى كنت اقدر اسعدك

[سوسو المروشه]

ربى يخليكى يا زهورة وربنا يصبرنا انا وانتى
وان شاء الله الفتكوات الجامدين هيساعدونا

[dall3 ya dall3]

ههههههههههههههههههههه انت زيى بقى انا بعشق الميكب ياسوسو هوايه عندى بص ياستى انا عن نفسى بستخدم البودرة المائيه كبيس هتقوليلى اازاى

لو انتى سمرا يبقى تستخدمى اغمق درجه فى البودرة المائيه لونها برتقالى كدة

اما لو انتى بيضه اوى وخدى بالك اوى تبقى تستخدمى افتح درجه الدرجه بتاعه اللبناينات بتبقى فاتحه اوى

اما لو انتى مش بيضه اوى يعنى مثلا قمحيه مايله للبياض استخدمى تانى درجه لونها روز كدة

وبعدها تحطى اى نوع بودرة نضيفه مثلا xxl or dove وتوزعيها كويس بالفرشاه اوكى

وبعد كدة حطى الميكب بتاعك عادى ولايهمك

ونصيحه منى فى اى شادو جديد مدور كدة اسمه لامور او فى اسم تانى بريتى وومن

دة تحفه جربيه وفى سر هقولك عليه فى الشادو دة عشان يثبت فور يفر بصى طبعا انتى بتحطى فرشاه شادو بللى بقى الفرشاه وخدى منه وحطى وادعى لى انا جربته فى قرايه فتحتى وكان تحفه وعلى فكرة انا شايفه الطريقه دى فى الكوافير
واى سؤال تانى انا تحت امرك ويارب اكون افدتك

[سوسو المروشه]

ربى يخليكى يدلع يا مدلعانا هههههههههههههه
انا فعلا بستخدم البودر المائى روزيتا بس انا قالت اغير واتجه شوية لكريم الاساس والبودر لان بصراحة بشوف الخليجيات اللى بيجوا يزوار مصر بيبقا يجنن على بشرتهم ومحدش بيستخدم طبعا البودر المائى
وعندك حق بالنسبة للشادو انا بعمل كده فعلا وكمان بيخلى لون الشادو واضح اكتر وثابت
ومعلومة ليكى يا دلوعتى بعد كل خطوة بتعمليها او فى نهاية وضع الميكب امشى على بشرتك بحطة تلجة انا بعمل كده بعى بيثبت الميكب
وهقولك على سر كمان لان فى الحر ده عقبال متخلصى المكيب ورسمة عنيكى بتحسى ان لون البودر اللى انتى حطه راح شوية ولا كانك كنتى حاطة فلازم تحطى مرة تانية
انا بقا الاول بحط كريم الاساس وبعديه الكونسيلر على العين بس واكمل رسمة عينى ولما اخلصها وقبل مرسم الحاجب اروح حطه على البشرة كلها الكريم والبودر

[برتقال سكرى]

يا سوسو
يا سوسو
انتى حلوة من غير حاجة
يا رب حد يفيدك

[الزوجة الوفية]

يارب حد يفيدك
مشكووووووووووووووورة

[سوسو المروشه]

ربنا يخليكوا ليا يا فتكاوات كفاية واقفتكم جنبى

[أم الصبيان]

على فكرة يا سوسو يا قمرنا..انا عايشةالان فى الكويت..واللى نصحتنى استعمل

البودرة المائية هى واحدة كويتية..وكتيرجدا بيستعملوها هناك..بالرغم من وجود

الماركات العالمية النظيفة..ولكنى أنا للآن شايفاها كويسةجدا..بس أفضل فقط أن

أضعها فى المناسبات وطبقة خفيفة..ولازم قبلها كريم..وهى مناسبة أكترللبشرة
الدهنية.وعموما الأمريرجع للتجربة..أنا مثلا جربت كريم أساس وبودرة ماركة"بوبا"أنا شايفة ان كريم الأساس سيء جدا..لأن بشرتى دهنية ,فبعد شوية بيسيح ومش بلاقيله أثر..وكمان انا يبدو انى اخترت لون خطأ..مع انى باحط طبقة خفيفة..بس باحس ان لونى وخاصة من عندالجبهة بيميل الى الرمادى!!وماكس فاكتور كانت حلوة.كنت جايبة البودرة والفاوينديشن فى علبة وادة"2+1"يعنى.واناعموما مش باحط ماكياج لأنى متزوجة..بس الصبح لما أروح الشغل باحط بودرة قليلة عشان تعطي لى حياة وبلاشر خفيف جداوماسكرا على أطراف الرموش مش من الجذور..وبعد ساعة تقريبا مش بلاقي أي حاجة من اللى انا حاطااااااااه!!!!أنا رغيت كتير..؟معلش أصل العيال ناموا أخيرا .. . .وشكرا جدا لمواضيعك الحلوة

[سوسو المروشه]

على فكرة يا سوسو يا قمرنا..انا عايشةالان فى الكويت..واللى نصحتنى استعمل

البودرة المائية هى واحدة كويتية..وكتيرجدا بيستعملوها هناك..بالرغم من وجود الماركات العالمية النظيفة..ولكنى أنا للآن شايفاها كويسةجدا..بس أفضل فقط أن أضعها فى المناسبات وطبقة خفيفة..ولازم قبلها كريم..وهى مناسبة أكترللبشرة الدهنية.وعموما الأمريرجع للتجربة..أنا مثلا جربت كريم أساس وبودرة ماركة"بوبا"أنا شايفة ان كريم الأساس سيء جدا..لأن بشرتى دهنية ,فبعد شوية بيسيح ومش بلاقيله أثر..وكمان انا يبدو انى اخترت لون خطأ..مع انى باحط طبقة خفيفة..بس باحس ان لونى وخاصة من عندالجبهة بيميل الى الرمادى!!وماكس فاكتور كانت حلوة.كنت جايبة البودرة والفاوينديشن فى علبة وادة"2+1"يعنى.واناعموما مش باحط ماكياج لأنى متزوجة..بس الصبح لما أروح الشغل باحط بودرة قليلة عشان تعطي لى حياة وبلاشر خفيف جداوماسكرا على أطراف الرموش مش من الجذور..وبعد ساعة تقريبا مش بلاقي أي حاجة من اللى انا حاطااااااااه!!!!أنا رغيت كتير..؟معلش أصل العيال ناموا أخيرا .. . .وشكرا جدا لمواضيعك الحلوة

تسلمى على معلوماتك ومرروك اللى زود الموضوع بنورك

الواحد لازم يجرب كذا نوع علشان يعرف الحلو من الوحش وادينا بنتعلم

وربنا يخليلك الاولاد يجميل