[جمانه الحب]

انا عضوه جديده معاكم اما لاقيت تفاعلكم فى حل مشاكل الاعضاء قلت احط مشكلتى هنا

يمكن حد يجاوبنى عليها ويتفاعل فيها

مشكلتى ححاول اختصر فيها ع قد ما اقدر عشان مضايقش حد من الاطاله فيها

المهم انا بنت وعندى 22 سنه ومن تلت سنين اتعرفت على شاب وحبيته اوى وهو كمان حبنى اوى

هو الفرق بينا تلت سنين يعنى هو عنده 26 سنه دلوقت المهم انا وهو ارتبطنا عاطفيا اوى

وحسينا انو بجد صعب اننا نفترق

بقينا بنحس ببعض من غير ما نتكلم

بعد فتره سنتين ونص حصلت مشكله جامده

هو قال لآهله عليا وانه حابب يتجوزنى وكدا

بس للاسف القدر خلى عمه يموت واما مات والده صمم انه مش هيتجوز غير بنت عمه

عشان يشيل حملها ويبقى عمه مسابش بنته كدا

وحلف عليه انه لازم يتجوزها ومع اصرار العايله كلها

كان فى يومين متجوز وانا مكنتش اعرف دا

الا اما تعبت اوى حسيت انى بموت فى اليوم ده

جيت اكلمه قالى ان مبقاش فاضل ليكى غير اهلك

وناسك بلاش تزعلى مع اى حد عشان هما اللى جمبك

قعد يوصينى كأنه بيموت بعد الشر عنه

بس انا قولتله


خيررر ايه بس اللى حصل وعرفت بعدها انه ارتبط

مبقتش بقدر مطمنش عليه وكنت برن بس عليه عشان حتى اعرف انه بخير

لكن بعد وقت حسيت انه مش عايزنى اتصل

مبقتش برن ولا اى حاجه

وبعد 9 شهور كان بيكلمنى

قالى انه عمر حبه ما انتهى من ناحيتى

وهو بجد صادق اوى فى كلامه بجد هو انسان جميل اوى وقلبه طيب اوى


وفعلا مكانش بيتسلى ولا اى حاجه لانه حتى يوم ما عرفنى

عمره ما كان زى بقيت الشباب لا دايما كنت بحسه بيحبنى

وخايف عليا .. حتى اما كنت بتعب كان اول حد بيتصرف ويطمن عليا

برغم بعد المسافات بينا لكنه بجد عمره ما اتأخر عليا

بس دلوقت هو متجوز وعنده طفل من زوجته وبيحبنى وانا بموت فيه

ومبقتش قادره استحمل وجع الضمير اللى جوايا

بقيت بدعى ربنا ليل نهار انى اموت عشان ابعد عنه وساعتها متعذبش فى بعده

اقسم بالله ان بجد حاسه بتعب قرب يقتلنى

ويوم ما فكرت ابعد عنه كنت فى المستشفى

وهو تعب اوى ساعتها وكانت صاحبتى شافته وقالتلى ده بيموت

قولولى اعمل ايه

انا خلاص مبقتش عارفه بجد حاسه انى بتدمر

وحاسه انه هو كمان كدا

مشكلتنا اننا طيبين اوى وحتى يوم ما بنفكر نأذى اول حد بنأذيه نفسنا

عشان منعذبش غيرنا

انا اسفه انى طولت

بس بالله عليكم اعتبرونى اختكم

وردوا

[nona79]

يا حبيبتي ربنا معاكي
بس سامحيني انا باتكلم معاكي بصراحة
انتي ايه استفدتي كده هو كون بيت وعنده زوجة وابن وما تقوليش ما يحبهاش
عشان هو اهو عايش معاها وخلف منها
انما انتي بتضيعي عمرك علي وهم ولا استقرتي وعشتي مع الي بتحبيه
ولا سابك تعيشي حياتك يمكن ربنا يرزقك بابن الحلال الي يعوضك خير
ده وغير ان الي بتعمليه غلط لانه دلوقتي انسان متجوز يمكن لما تخرجي من حياته
يرجع لزوجته وابنه اتوكلي علي ربنا وابعدي عنه وان شاء الله ربنا يعوضك خير
ما تزعليش مني لو كنتي صريحة بس انا كلمتك كاني باكلم اختي

[nona.ezzo]

انا يااختى مع كلام نونه
انتى بتضيعى وقتك وعمرك على اوهام من الماضى
وهو الان انسان متزوج وعنده ولد وزوجته بنت عمه يعنى قريبه منه جدا
حاولى ان تنسى وتعيشى حياتك وربنا يرزقك بابن الحلال اللى يعوضك ويسترك

[dall3 ya dall3]

حبيبتى انا عارفه معنى الحب وانه فعلا صعب عليكى تشوفيه مع حد تانى
بس دة قدرك ولازم ترضى بيه حالوى تنسيه واحدة واحدة الاول خدى وعد على نفسك انك متكلمهوش تانى مهما حصل واشغلى نفسك باى حاجه خروج نت شغل اى حاجه وادعى ربنا فى الاول وفى الاخر انه يصبرك وان شاء الله ربنا هيعوضك بالاحسن والله انت قطعتى قلبى ومتندميش انك حبيتى فرص الحب غاليه ومتتعوض المهم متخسريش فيها وربنا يسعدك وامانه عليكى تطمنينى عليكى ان شاء الله ياستى على الخاص بليز

[اريج ونور وندى الجنة]

كلامك كله صح يا نونة
بس اكيد برده يا جمانة هتقولى ان التنفيذ صعب
بصى يا جمانة اى حاجة ممكن تهون وتبقى سهلة لما تتوكلى على ربنا وبس
ماتقوليش هاتعب تعب الدنيا اهون بكتيييييييييييييييييير من عذاب الاخرة
ماتزعليش كلام كبير ايوة بس صدقينى انا هاكلمك كاخت ليه اول حاجة تعمليها روحى لربنا بالليل والناس كلها نايمة فى وقت الاجابة اتوضى كويس صلى ركعتين بنية قضاء الحاجة وادعى ربنا احكيله بس بشرط انك تكونى موجهة كل مشاعرك لله بسسسسسسسسسس لوجه الله اتكلمى ربنا هو اللى بايده كل القلوب يقلبها كيف يشاء
احكى وعيطى واتوسلى بحرققة عشان تقدرى تطلعى من اللى انتى فيه لازم لازم لازم تبعدى عن الشخص ده باى وسيلة مفيش اى وسيلة تانية لانه متجوز وعنده ابن وكلامه معاكى او حبكم زى ما بتسميه مالوش غير نهاية واحدة الاعدام
معلش كلامى صعب بيوجع معلش الوجع الاكبر لما تندمى على كل وقت بتضيعيه فى حاجة حرام وغلط لانه ببساطة مش من حقك صدقينى يا جمانة كررى الصلاة وادعى وانتى ساجدة والحى فى الدعاء وفى نفس الوقت اوعى اوعى تكلميه اقطعى طريق الشيطان انوى من قلبك توبة نصوحة وربنا وحده اللى يقدر يساعدك وانا اضمنلك انك لما هاتدعى ربنا يرزقك بالانسان الصالح اللى يستاهلك ويبعدك عن الطربق ده ان ربنا هايكرمك اوى اوى لانك اتوجهتى ليه هو بس واعتمدى عليه وبكرة تفتكرى كلامى ده وتندمى على سنين عمرك اللى ضيعتيها من عمرك
حب الله الحقيقى بس اللى هينورلك طريقك وحيلتك ياجمانة ومعلش انا طولت عليكى اوى ولكن والله لانى حبيتك فى الله وحسيت انى ممكن اساعدك وربنا يهديكى للخير يارب

[خشوع]

السلام عليكم ورحمة الله وبركاته
بصى حبيبتى هو تزوج خلاص وعنده طفل واصبح له حياه كان المفروض اول ماعرفتى انه تزوج كنتى بعدتى عنه لان زوجته مليهاش ذنب فى حاجه اتركيه يعيش حياته وعيشى انت كمان حياتك لان هذا الحب لن ينتهى بالزواج بل بالعكس بالدمار دمار حياتك وحياته لان ممكن زوجته تحس استعيذى بالله من الشيطان الرجيم وفكرى فى مستقبلك واشغلى نفسك فبل ماتفوقى تلاقى عمرك اتسرب من مابين ايدك من غير ان تحققى اى شىء غيرى نمرة موبايلك ولاتحولى ان تتصلى به كل شىء فى اوله صعب بس بالتدريج حتنسيه و ربنا معاكى ويهديكى لما يحب ويرضى

[نشوة]

السلام عليكم
مش عارفة انا رايى مخالف لرايكم اذا كان بيحبك بجد وانت كمان بتحبية اتجوزوا وهو يقول لمراتة انة هيتجوز بطريقتة طبعاوتقبلى تكونى الزوجة التانية اهون من بعادكم عن بعض بس طبعا لو مش هتقدرى تستغنى عنة لان المشاكل الى هتقابلكم كتيرولو بيلعب بيكى هيبعد

[dall3 ya dall3]

السلام عليكم
مش عارفة انا رايى مخالف لرايكم اذا كان بيحبك بجد وانت كمان بتحبية اتجوزوا وهو يقول لمراتة انة هيتجوز بطريقتة طبعاوتقبلى تكونى الزوجة التانية اهون من بعادكم عن بعض بس طبعا لو مش هتقدرى تستغنى عنة لان المشاكل الى هتقابلكم كتيرولو بيلعب بيكى هيبعد

لالالالالالالالالالالالا انا مش معاكى خالص يانشوة اللى منرضهوش على نفسنا منرضهوش على حد ازاى بس تقبلى ان جوزك يجى يقولك انا هتجوز عليكى اصل كنت بحب واحدة دة انا كنت اقتله واقتلها حب طب ليه ظلمها من الاول
بصى كل شىء قسمه ونصيب ودة نصيبك حاولى ترضى بيه واشغلى روحك عارفه والله والله انه صعب بس جربى وادعى ربنا يقف جنبك ويساعدك

[سوسو المروشه]

وانا مع رائ باقى العضوات لان كلامهم صح
هستفيدى ايه غير انك بتعذبى روحك وبتعذبيه معاكى
وكمان زوجته وابنه زنبهم ايه مهما كان حبكوا لبعض بس الواقع هو اللى حصل
افرضى قالك هرجعلك واسيب بيتى وابنى هل ده هيعجبك
حطى ابنه وزجته امام عنيكى وحاولى تنسيه وتبدئ حياتك من جديد
واعتبريه ذكرى حلوة بينكوا

[ام القمر]

انا راي تبعدي عنه وتدي لنفسك فرصه تعيشي حياتك وتقبلي نصيبك الحقيقي الي من خلاله تحسي بحب الزوج و البيت والولاد حب الاسره والعش الدافي
انما الي انتي فيه ده حب سلبي يجيب ورا بس انتي بضيعي عمرك علي الفاضي لان النصيب مجمعش بينكم
ارضي بنصيبك وربنا هيعوضك خير

[سمسمه26]

ربنا معاكى يا حبيبتى مش عارفة اقولك كل الفتكوات اللى قبلى قالوا اللى انا عاوزة اقوله وزياده كمان
حاولى تتماسكى واوعى تاذى نفسك حراااااااااااااام انتى لسه صغيرة والعمر قدامك

[برتقال سكرى]

والله إستعينى بالله على نسيانه
وإن شاء الله ربنا يعوض عليكى
ربنا يعينك

[الزوجة الاولى]

انا مع العضوات ورايهم هما صح حب وخلاص انتهى اشغلى وقتك واتقربى من ربنا
وانا مش مع رايىء نشوة لانك ممكن تضيعى بيته وده حرام وانت يانشوة هتقبلى ان
جوزك يجى يقولك انا هتجوز علشان بحب واحده اعتقد انك مش هتقبلى

[همس الحب]

الصراحه مش لاقيه حاجه اقولها احسن من اللى اتقال بس فعلا هو لو بيحبك مكنش خلف منها او على الاقل كان صارح بنت عمه انه مش حاسيس من نحيتها بحاجه وانه بيحب واحده تانيه ساعتها بنت عمه كانت هتقدر شعوروة وكانت استحاله هتتجوزو وهيا عارفه انه بيحب واحده تانيه حبيبتى بجد لو كان بيحبك كان عمل كده
انا اسفه بجد انا عارفه ازاى ان الموضوع صعب بس خلاص الحل اللى كان فاديه هو ضيعه

[جمانه الحب]

تسلموا يارب يا بنات ع مشاركتكم الطيبه فى المشكله

وادعولى بجد


انا تعبانه اوى والله

حاسه بألم بجد رهيب

انا عارفه انكم كلكم صح

بس فعلا التنفيذ صعب اوى

حاسه انى بموت


بس هسمع كلامكم

بس ارجوكم

ادعولى

محتاجه دعواتكم بجد

اعتبرونى اختكم

[دكتوره نفسيه]

عزيزتي : جمانهـ




إسمعيني ..هدي في البدايه.. المشكله ماتبالها كل الدموع الغاليه منج..

والعضوات ماقصروا معاك .. بس أنا رح اقولج إلي في بالي

وإنتي قرري وإحكمي بعقلك,,..

جمـانهـ :

إنتي غارقه في بحر الحــب .. إلي نهايته ألم وندم وتدمر..

الحمد لله إنج ماتدمرتي أكثر من جي.. إلحقي نفسج قبل لاتغرقي ..

عزيزتي :

كثييير من إلي أعرفهم عاشوا نفس تجربتج.. بس كلهم ندموا .. صدقيني

تدرين ليش.. ؟؟ لانج منحتي قلبج للي مايستحقه..!!

أيوه.. الإنسان الوحيد إلي يستحق قلبج هو الزوج إلي تزوجيه..

جمانهـ :

الإنسان إلي حبيتيه .. تزوج.. كون أسره.. صار عنده ولد..

أعتقد صار دورج إنتي كمان يكون لج تقدم في ها الموضوع..!

المفروض ( تنسيه ) .. صعب نسيان من تحبي.. بس خلي عزيمتج قويه..

خليج واثقه من إن الي غاعده تسويه صح وألف صح..

جمانهـ :

انا مو حابه أفتح ها الموضوع من البدايه.. لكن..,

أيـــن الله في قلبــــك ؟؟

نسيتيه..؟؟

إنزين يالغلا إنتي علاقتج مع الشاب من البدايه كانت خاطئه..

وإستمريتي فيها لين ماتحطم قلبج..

شو بعد تبين يصير.؟؟؟

نصيحه مني.. : إرجعي لربك .. وإدعيله في آناء الليل..

إستغفري الله.. وإدعي ها الدعاء..

(( لا إله إلا إنت سبحانك إني كنت من الظالمين ))

إرجعي لمـــــــالك القلوب..

ومفرج الكروب.

الله هو الوحييييد القادر على حل مشكلتج.. صدقيني أختي

توبي من أي ذنب .. وأخلصي لله.. وبإذنه رح تقدري تنسيه..

كوني قويــــه

ورح تشوفي يوم الله سبحانه يرزقج بزوج تتمناه كل البنات..

بس إعرفي هذا الكنز مارح يجي إلا للبنت الصالحه..

فكوني منهم .. وبااادري حتى تصبحي منهم..

ومــآ أجمل من الحب بعد الزواج ..

رح تكوني مطمنه من هذا الحب الحلال..

لأنه حب دائم..

إنسيه.. مثل ماإتفقنا..

ولو تبين أي مساعده اخرى إعتبريني أختج..

محبتي..

[مهندسة ماجدة محمود]

انا عاوزة اعرف حاجة هو بيصل بيك على اساس ايه؟؟؟؟؟؟؟؟ طيب عاوز ايه؟؟؟؟؟؟؟؟ايه غرضه هل هو بس كلام ؟؟؟؟؟؟؟؟؟ولا علشان يرجع الجرح ينزف تانى؟؟؟؟اذا كان مش قادر يعيش من غيرك يبقى مفيش غير الجواز لان الكلام ده لايجوز علشان لاتضعوا انفسكم فى ذنوب لاتقدروا ان تحتملوها وتذكرى حديث الرسول صلى الله عليه وسلم (ان العين تزنى وزناها ...والاذن تزنى ...
لاتزعلى منى انا اكبر منك واكلمك مثل امك ويصعب عليا اشوفك عاملة فى نفسك كده وانت فى عمر الزهور

[واحدة من الناس]

استعينى بالله يا بنتى و ابعدى عنه و كفاية تضييع لسنين عمرك و صحتك