[فرحــــــــــة]

بسم الله الرحمن الرحيم
اختى العزيزة جمانة
انا هاجيب من الاخر
لنفترض انك توفيت ماذا سيكون حاله ؟؟؟؟
انسان متزوج وعابش حياته واهى واحدة كان يعرفها ودمتم
هايزعل عليكى يوم ولا اتنين وخلاص هابنسى
انتى استفدتى ايه ؟؟
خسرتى حياتك ودينك وناسك وشبابك
ليس من مات فاستراح بميت انما الميت ميت الاحياء
انما الميت من يعيش كئيبا كاسفا باله قليل الرجاء
فيامن ضاق صدره
بامر من امور الدنيا
تذكر الموت وسكرته
والقبر وظلمته
والحساب وشدته
والصراط وحدته
والنار وجحيمها
والجنة ونعيمها
يهن لديك كل شئ
اختى فى الله اتركى هذا الموضوع وتعالى لما هو افضل
الى الصبر والرضا بقضاء الله
والله المستعان

[omyaser]

طبعا كلنا حاسين فيكي ومقدرين العزاب اللي بتتعزبي بس الحل انك ترجعي لربنا بجد
وقوليله انك ارتبطتي بانسان تاني وانك مش عاوزه تتكلمي معاه تاني
لان اللي بتعمليه ده حرام بحق نفسك وحق المسكينه مراته
حطي حالك مكان مراته ترضي الكلام ده لنفسك او لاختك؟؟
بعدين حبيبتي ما حدش بموت من غير حد
الواحد لو مامته وباباه ماتوا ما بيموتش وراهم اللي هما اغلى حاجه بالدنيا
عاوزه اسألك لو انتي اتجوزتي واحد تاني غيره وبعد ما اتجوزتوا عرفتي انه بكلم واحده تانيه اللي هي حبيبته قبل الجواز حتعملي ايه؟؟؟؟ما تخليش عواطفك تسيطر عليكي

[نيللي]

بصي يا جومانة الموضوع دة ملهوش غير حلين
الأول : انكم تتجوزوا وده طبعا الحل اللي انتي عايزاه بس والله مش هتجني من وراه الا الندم والحسرة انا عندي واحدة صاحبتي اتجوزت واحد متجوز من 5 سنين ومخلفين بنتين توأم ولحد النهاردة ما بيتش معاها 10 ايام منفصلين في 5 سنين
ودة طبعا لانه ما قدرش يقول لمراته واهله اما صاحبتي بتلعن اليوم اللي فكرت تتجوزه فيه وطبعا اللي ما قدر يصارحهم في الأول هيصارحهم بعد كام سنة خلاص
الحل الثاني : وده طبعا مخالف لهواكي وهو انك تسبيه والله كلنا بنقولك كدة لمصلحتك انتي ولعلمك معظمنا مروا بظروف مشابهة حب وهجر والم قصة مكررة
وادينا عايشين والحمد لله بنحب اجوزنا وولادنا عندنا بالدنيا
بصي بدل ما تقولي تعبانة وهموت ويمكن كمان تفكري في الانتحار
ما انا بقولك قصة مكررة
استعيني بالله وبالصلاة والصبر وبالله عليكي يا جومانة عايزاكي تزوري معهد الأورام او اي مستشفي وتشوفي هناك الألم والدموع والفراق اللي بجد
معلش انا طولت عليكي بس انا وباقي الأخوات بننصحك لوجه الله تعالى

[رغدودة]

بصى هم ربنا يكرمهم قاولك اللى نفسى فيه وزيادة بس اعرفى انك لو لقدر الله مطبقتيش الكلام الجميل ده ورجعتى لاول حب فى حياتنا كلنا (الله عزوجل) هتندمى طول عمرك عايزة تضحى بصحتك علشان مين لو نفرض ان ظروفه ديه عصب عنه خلاص يشيلها لوحده وانتى تشوفى حياتك الصح

[مصراويه]

الأخوات كلهم قالوا أللى فى ضميرى وزياده كتر خيرهم وأنا معاهم أتوكلى على الله وبصى لمستقبلك وربنا يوفقك .

[ملوكا]

بصراحة مفيش بعد الكلام اللى قاللواكلام يقال اسمعى كلامهم وباذن الله عمرك ماهتندمى

[toto s]

يا الله قصتك مؤثره ربنا يكون في عونك
بس نصيحه انت لازم تبعدي هو متجوز وعنده ولد حرام هاي عيله اكيد انت مش رح تحبي انو جوزك يكون على علاقه مع وحده تانيه
ربنا يوفقك

[اموله المنفله]

بصراحه كلام العضوات كله وخصوصا كلام المهندسه ماجده هو بيكلمك على اى اساس المفروض يبعد عنك ويديلك فرصه تعيش حياتك وتكونى اسره مثله ويبعد عن الانانيه لو مش بيحب مراته ومرتاح معها ماكان انجب واستمر معها انتبهى لنفسك وبلاش ترتبكى ذنوب وتغضبى ربنا

[أم لوجى و ملك]

اختى العزيزه جمانه
حبيبك اصبح زوج واب لازم تبعدى عنه لازم سيبيه لزوجته وابنه وانت كمان دورى على سعادتك افتحى قلبك لحب جديد تكون نهايته الزواج والبيت والاطفال ما تضيعيش عمرك فى الجرى ورا شىء مستحيل انه يحصل
ناس كتير جدا حبوا وانتهى حبهم بالفشل وكانوا وقتها فاكرين ان ده نهاية الدنيا لكن ده احساس وقتى وبيروح وبعد كده بيحبوا وبيتجوزوا وبيجيبوا اطفال هما كل حياتهم وبيرجعوا يضحكوا على مشاعرهم القديمه ويقولوا ازاى كنا بنفكر كده
لازم تبعدى عنه مراته وابنه هما الاحق بيه وانت كمان نصيبك فى انتظارك مع الشخص اللى هيترجم حبه بشكل عملى وهيكون ان شاء الله ليكى زوج واطفال بس انت لازم تساعدى نفسك الاول
ربنا يوفقك ويا ريت تعرفينى اخر الاخبار

[nadita]

عزيزتي
قصتك مؤثرة ، لكن عليك ان تضعي في الحسبان مسألة مهمة جدا ، غالبا مانتعامى عنها ، و هي أن الحياة لا تمنحنا كل ما نريده و نطمح إليه و نحبه ، بل في الكثير من الأحيان تسلبنا ما حصلنا عليه فعلا و ماكان في متناول يدنا .. طب إيه الحل ؟ هل نتوقف عن الحياة ، و نقول يا حياة خلاص كدا أنا مش حستمر في اللعبة دي .. لا يا عزيزتي ، الحل هو أن نتكيف مع ظروفنا الجديدة متسلحين في ذلك بالايمان بالقدر خيره و شره و مسلمين أمرنا لله .. أنا واثق يا أختي أنك لو قررت أن تعيشي حياتك فستفعلين ، و ستجدين أن الحياة أغنى و أكبر بكثير مما نتصور ، فهي لا تقف عند شخص واحد أو حدث معين ، و أنا واثقة أنك ستجدين غدا من يحبه قلبك و يحبك قلبه ، فقط قرري أن تعيشي الحياة ، الحياة لا كما نريدها ، بل الحياة في تقلباتها الكثيرة و الكبيرة ، و أكيد ستجدين فيها ما يسرك و يطمئن قلبك ، و ثقي أنه لا أحد في هذه الحياة وصل إلى كل مبتغاه منها ، فأكيد هناك احباطات و فشل ، لكن الأهم هو كيف نسيطر على احباطاتنا و نحولها إلى رغبة أكيدة في عيش الحياة و تجاوز عقباتها و مطباتها

أتمنى أن أسمع عنك أخبارا سارة

في رعاية الله أختي

[Marwa Esmael]

حبيبتي فكري برضه في مراته بنت عمه اليتيمه اللي مالهاش غيره وابنه ربنا بمشيئته يرزقك بابن الحلال اللي يعوضك بس علشان تعيني نفسك علي النسيان لازم تقطعو اتصالتكم وحاولي تشغلي نفسك دوري علي شغل لو بتشتغلي اشغلي نفسك بعمل اجتماعي في دار ايتام او دار مسنين عما تطوعي يشغل وقتك ويستغل طاقتك اتوجهي لربنا واقري قران استغفري كتير وفرجه قريب

[فته]

بجد حاسه بيكي انا عندي ليكي حلين الاول اتقي الله وابعدي عنه عشان الان اصبح له زوجه وابن وان كانت زوجته لاتهمه فابنه سيكون عنده بالدنيا لانه سنده واعلم انه قرار صعب اما الثاني اذا كان يريدك حقا عليه ان يتقدم ويطلبكي للزواج بعد ان يقنع زوجته فهذا شرع الله فرج الله كربك

[أاأهات ودموع]

انتى بتضيعى وقتك وعمرك على اوهام من الماضى

[سومة & ميرو]

انا مع نونة فى كلامها هو خلاص اتجوز وخلف واكيد مع الوقت حبها واكيد برضه هاينساكى فياريت تبعدى عنه عشان انتى كده بتضيعى وقت على الفاضى لانه مستحيل بعد كل دع هايتجوزك
وطبعا مع احترامى لكلامك يا نشوة انا غير متفقة تماما مع كلامك لان كده سورى يعنى هايبقى خراب بيوت وابه او بنته هاتتعب او وهاتتبهد ربنا يوفقك
تقبلو مرورى

[الشمس الدافئه]

احتى الغاليه/ انا اشعربك وافهم واقدر احساسك كويس بس انا هكلمك بوضوح وكل صراحه بس اوعدينى انك ما تزعلى منى ولا تقولى على انى بعيده عن القصه اتفقنا
اول حاجه احب اقولهالك هل ربنا راضى عن تلك العلاقه من الاساس ارضى ربك واعلمى ان مايقدره لكى ربك هو الخير دائما فاالله يعلم وانتم لاتعلمون وعسى ان تحبو شىء وهو شر لكم
تانى حاجه احب اقولهاك ياحبيبتى وانا واثقه منها ان حبيب القلب للاسف لايحبك وهوده اللى كنت عايزه تأزى نفسك علشانه وكنت هتغضبى لرب العالمين منك
ومتقوليش انه واللهى بيحبنى لانه لو كان بيحبك بجد مكنش عمره سابك وراح لحد تانى حتى ولوعلشان اهله بون زعل هو يعنى كان اخر راجل فى العالم منغيره بنت عمه كانت هتعنس بس هو بيحبك حب التملك وهما الرجاله كده عايزين كل حاجه
عايزاكى تنسيه وتفكرى بالموضوع بعقلك وانه كان من المكن يضحى بالدنيا كلها لوكان بيحبك بجد بس هو صدقينى فكر بعقله
حب الله هو الباقى استغفريه وهو اللى هيفرج عنك
ربنا يسعدك ويريح بالك وبالله عليكى متزعليش منى
احبك فى الله

[الشمس الدافئه]

احتى الغاليه/ انا اشعربك وافهم واقدر احساسك كويس بس انا هكلمك بوضوح وكل صراحه بس اوعدينى انك ما تزعلى منى ولا تقولى على انى بعيده عن القصه اتفقنا
اول حاجه احب اقولهالك هل ربنا راضى عن تلك العلاقه من الاساس ارضى ربك واعلمى ان مايقدره لكى ربك هو الخير دائما فاالله يعلم وانتم لاتعلمون وعسى ان تحبو شىء وهو شر لكم
تانى حاجه احب اقولهاك ياحبيبتى وانا واثقه منها ان حبيب القلب للاسف لايحبك وهوده اللى كنت عايزه تأزى نفسك علشانه وكنت هتغضبى لرب العالمين منك
ومتقوليش انه واللهى بيحبنى لانه لو كان بيحبك بجد مكنش عمره سابك وراح لحد تانى حتى ولوعلشان اهله بون زعل هو يعنى كان اخر راجل فى العالم منغيره بنت عمه كانت هتعنس بس هو بيحبك حب التملك وهما الرجاله كده عايزين كل حاجه
عايزاكى تنسيه وتفكرى بالموضوع بعقلك وانه كان من المكن يضحى بالدنيا كلها لوكان بيحبك بجد بس هو صدقينى فكر بعقله
حب الله هو الباقى استغفريه وهو اللى هيفرج عنك
ربنا يسعدك ويريح بالك وبالله عليكى متزعليش منى
احبك فى الله

[bobo]

انا قريت رد الدكتورة النفسية وعجبني اوي عين العقل تحدي نفسك وانسيه وربنا يعوضك ان شاء الله

[sweet & sour]

انا ما اقلك غير قولي اللهم اجرني في مصيبتي واخلفني خيراً منها
الحب صعب بالذات لمن يكون صادق وصعب انو يتنسى بس اقلك اتمشي مع الوضع وحاولي تهتمي ياشي تشغل فكرك صدقني ربنا هوا الرزاق اذا سالتيه بصدق حيعطيكي سؤلك غير لا تقول ما حاحصل حد غير هوا دا احسن شاب في الكون لا الي خلقه خلق غيره .
غيرك كدا حطي نفسك مكان مرراته لو فجئه في يوم اكتشفت انو زوجها له حبيبه ايش راح يكون وضعها حتقدر تثق فيه بعد كدا اذا راحت الثقه صعب ترجع هوا اتزوج مبسوط عنده والد انتي الله يسعدك انتي ما تعرف في المستقبل ايش فيه ممكن الشخص دا يتغير لو كان نصيبك كان اخذتيه ....