[dall3 ya dall3]

بسم الله الرحمن الرحيم

انا والله بكلمكم وانا حاسه انى هموت من القلق ياجماعه انا اصل خطوبتى 23/7

اوكى وخايفه موووووووووت مطلعش حلوة من الكوافير يعنى بالنسبه لبشرتى والميكب وكل دة

اولا بشرتى الحمد لله مفهاش حبوب بس حاسه انها مسمرة كدة وحوالين عينى اسمر مش عارفه دة من القلق والسهر ولا ايه ونفسى تبقى تحت الميكب فى الخطوبه حلوة وصافيه كدة

ياريت اى حد عنده ماسات تفيد فى فترة قصيرة يكتبهالى ياريت اى حد عنده نصيحه ليا يقولى عليها انا خايفه اوى والله بحلم حتى احلام وحشه ان الميكب وحش ان شكلى وحش اول مرة اقلق كدة ياجماعه

ياريت لو تساعدونى وانا مش عارفه بجد هشكركم ازاى ارجوكم اللى تدخل متترددش تقول اى نصيحه لانى حالتى زفت بجد والله

وتسلموا يارب كلكم

[nosha_ali2010]

الف الف مبروك يا قمر يا دلع بصى انا زيك كدة خطوبتى قربت بس مش قلقانة خالص اية لازومة القلق بصى الترمس المطحون حلو اوى لصفاء البشرة والخيار مفيش احسن منة هقولك على وصفة حلوة اوى انتى تجيبى الخيار وشوية لبن بودر وليمون واضربيهم فى الخلاط وحطيهم على وشك وهتبقى زى القمر بس اهم حاجة انك تستمرى مرتين ف الاسبوع او تلاتة والف مبروك

[عاشقة الامل]

الف الف مبروك يا قمر ومتقلقيش وان شاء الله هتطلعي حلوه في الميكب
ومتقلقيش نفسك عشان متحلميش احلام وحشه ولو في سواد تحت العين اعملي كمدات شاي مرتين في اليوم
والف الف الف مبروووووووووووك

[omyaser]

اول حاجه الف الف الف مليون مبروك
تاني حاجه انا بشوف ان المكياج البسيط بيدي للوحده نعومه وبراءه وانا ما بحبش المكياج التقيل قوي دي نصيحتي ليكي ابقي قولي للكوافيره انك عايزه ميك اب هادي وناعم
واهم حاجه نامي كويس وابقي جيبي ماسك بزرالعنب كويس قوي قوي للبشره اعمليه مرتين في الاسبوع واهم حاجه تجيبي مستحضرات تنظيف البشره الخاصه ونظفي بشرتك قبل وبعد الماسك
اما بالنسبه لعيونك ابقي اعملي زي ما قالولك كمادات شاي بارد

[جين صبرى]

مبرووووووووووووووووووك
والله زيت اللوز الحلو يوميا قبل النوم حتى عالجفون رائع

[dall3 ya dall3]

شكرا ليكم يااخواتى ربنا يخليكم ليا يارب انا من غيركم مش عارفه ممكن اعمل ايه طب ترشحولى لون ايه للشادو بصوا انا عيونى خضرا وفستانى ان شاء المولى هيبقى احمر ايه رايكم اعمل الشادو ايه