[واحدة من الناس]

بسم الله الرحمن الرحيم

يا جماعة انا عندى مشكلة كبيرة اوى ومش عارفة اعمل ايه؟
انا و جوزى مقيمين فى الرياض و موجودين فى مصر حاليا فى اجازة
المشكلة اننا لما نزلنا مصر المرة دى و شوفنا ظروف البلد الأقتصادية السيئة جدا جدا حسينا ان وجودنا فى الغربة بقى مالوش لازمة...واننا بالشكل ده هنفضل طول عمرنا برة بلدنا.
احنا كنا عاملين حسابنا اننا نفضل فترة معينة لحد ما يكون معانا مبلغ يسمح لنا نعمل مشروعنا الخاص اللى يضمن لنا بأدن الله حياة كريم جوه بلدنا...و مع انى كارهه الغربة جدا لكن قلت استحمل كام سنة لحد ما نحقق هدفنا.
الهدف ده انا حسيت انه تحول الى شيئ وهمى و امل بعيد جدا ونفس الأحساس حس بيه جوزى كمان...لكن هو بقى شايف ان البديل هو اننا نهاجر استراليا او كندا عشان نقدر نحقق طموحنا و نعيش فى مجتمع محترم ونقدر ننجح و نتقدم فيه و نبعد عن مصر و ظروفها السيئة قبل ما نكرهها...انا بقى مش متقبلة الفكرة ابدا و شايفة ان مش ممكن يكون هو ده البديل الوحيد وان اكيد فية بدائل تانية عشان مانبعدش عن بلدنا الفترة دى كلها وخصوصا ان بالنسبة لى اي حاجة فى الغربة مالهاش اى طعم.
اختلافنا فى وجهات النظر ده عمل مشكلة بيننا وانا مش عارفة اعمل ايه؟مش عايزة اكون السبب فى حرمانه من حلمه وطموحه بس فى نفس الوقت مش مقتنعة ابدا بفكرة الهجرة.
جوزى شايف انها غربة بغربة واننا كدا كدا بعيد عن بلدنا واننا مش هنبعد اوى زى المهاجرين اللى مش بيشوفوا مصر غير كل 20 سنة...هو شايف انادنا ممكن ننزل كل سنتين مثلا ولمل الظروف تتحسن ننزل نستقر فى مصر.
انا مش عارفة اعمل ايه؟قولولى رأيكم و لا تنسونى من دعائكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
يا فتكوات....حد يرد علىيييييييييييييييييييييي
http://forums.fatakat.com/thread36236

[ام ريهام]

والله يا حبيبتى احنا هنا عايشين فى غربه برضه وحرب مع الغلاء اللى مافيش حاجة قادرة عليه اسمعى كلام جوزك وابنى مستقبلك انتى وهو وخصوصا لو كانوا اولادكم لسه صغار لان فى وقت حييجى لازم ترجعوا علشان خاطر الاولاد لازم يعيشوا فى مصر بس تكونوا عملتم حاجة ولان العيب مش فى مصر لااااااااااازم ترجعوا اكييييييييييييييييييد حتكون حاجات كتيييييييييييييييييييييييير اتغيرت والمهم انك تكونى مع زوجك وفقكم الله وايانا

[نانا 33]

والله انا اؤيد كلام زوجك انا مهاجرها من اربع سنوات و نزلت مرة واحدة

وحزينت على الحالة هناك صديقنى حبيبتى اسمعى كلام زوجك و خليكى

مشتاقة لبلدك احسن وانزلى كل سنتين وابنى مستقبلكم و مستقبل اولادك

وربنا معاكم ويوفقكم باذن الله

[ماجي2008]

كل واحد فينا بيبقى عنده حلم بيحب ويسعى لتحقيقه انت بتحب بلدك اه بس ده ما يمنعش انك تأمني مستقبل اولادك وبعدين ازاي تتأقلم مع عادات الغرب هتستحملى بصي قياسها وادرسيها من كل الجوانب الفلوس مش كل حاجة
واطمنى رزقك محدش هيخده غيرك لازم تخليها فى دماغك ولا اية ياقمر

[واحدة من الناس]

احنا متجوزين من ثلاث سنوات و لسه ربنا مارزقناش بالأولاد
المشكلة كمان انه مش شايف اى مشكلة ان ولادنا يتربوا فى بلد اجنبى...لأنه مقتنع ان البلاد دى فيها جاليات اسلامية كبيرة وده هيخلينا نعرف نربى ة ولادنا كويس على الدين و الاخلاق لما ربنا يرزقنا ان شاء الله
على فكرة جوزى له 2 او 3 من قرايبه بقالهم حوالى 48 سنة مهاجرين

[واحدة من الناس]

شكرا على اهتمامكم بالرد على....انا برضه لسه محتارة واحب اسمع اراء اكتر

[سوسو المروشه]

وانا مع رائ جوزك انكم تهاجروا
لان فعلا ظروف مصر مبقتش مشجعة ولا على مستقبل ولا دراسة ولا شغل ولا جواز حتى والامور كل مدى فى تدهور والله يستر عالينا من الفترة اللى جاية
لكن انت فعلا ممكن تنزلى مصر كل سنتين بس المهم انكم تامنوا مستقبلكم كويس
وان شاء الله لما ربنا يديكوا اولاد تقدروا تربيهم هناك زى هنا لانكوا انتوا اللى هتربوا اولادكم مش البلد اللى انتوا موجودين فيها
ولو على الخطر من ثقافة الغرب واى شئ ممكن يقلقك على تربية اولادك فصدقينى فى مصطفى احلام الشباب بتنهدم ونفسيتهم بتحبط بسبب الظروف فهنا خطر وهناك خطر
بس المستقبل مضمون برة اكتر من مصر وهيبقا على اد تعبكوا
وان شاء الله الامور تستقر ونشوفك على خير فى بلدك مصر

[رانيـــا الشقية]

أنا برضه رأيى زى الفتكوات ماقالوا
جوزك عنده حق فى مصر الحال بقى سئ جدااااااااااااااااا
يعنى لو عندك طموح فى تحقيق احلام هنا انسى تماما
الايام دى المستقبل بقى بره مصر
ولو هاجرتى مش لازم تقعدوا فترة طويلة اوى زى قريب زوجك 48 سنة
ممكن تبقوا تنزلوا كل سنتين ولما تحسوا انكم عملتوا حاجة وتعيشوا فى مصر
ابقى انزلوا واستقروا وربنا يوفقك فى حياتك

[moheyeldin]

ايه ياجماعه هومافيش حد عجباه البلد
اكيد زى مافى عندنا مشاكل اكيد باقى البلاد كده كمان لان مشكله الغلاء والبطاله اصبحت مشكله عالميه ولكن نسبتها تختلف من بلد للاخر
فيه ناس عايشين هنا واستطاعو تكوين مستقبلهم بطريقه مشرفه
انا مش بقولك ما تسمعيش كلام زوجك
بس زى مامصر اصبح فيها عيوب كتيييييييييييييييييييييييييييييييييييييير
اكيد اى بلد اخر فيه بردو عيوب بس احنا مش شايفنها
ربنا يوفقكم لما فيه الخير لكم
اللهم اميييييييييييييييييييييييييييييييين

[dall3 ya dall3]

اوعى تترددى يابنتى انت برة عايشه ميت فل وعشرة مصر مبقتش زى الاول الغلا بقى وحش ارجوكى تسمعى كلام جوزك وخليكم هناك وتيجوا تزوروا مصر من فترة لتانيه حد يطول انه يهاجر ابنى مستقبل عيالك والله جوز خالتى كان برة ورجع اقولك ايه ندمان ندم وهيموت ويرجع تانى اسمعى الكلام

[دكتوره نفسيه]

عزيزتي : وحدهـ من النـاس


في البدايه .. أحب أقولج إسمعي فعلا كلام زوجك.. لانه كلام العقل

وبعدين الغاليه تقريبا كثير من الناس هاجروا.. وأكيد لهم أسباب

وحتى الرسول (صلى الله عليه وسلم) هاجر.. عسى يشوف

مكان أكثر طمأنينه ومكان يقدروا فيه المسلمين يشغلو تجارتهم..

وإنتي زوجج الحمد لله رايح لسبب .. بل لطموح وهدف معين..

المفروض تقفين جمبه وتسانديه ويكون لج تضحيات في زواجكم ..

لين مايتحقق ها الهدف وتحققي إلي تبينه..

والتربيه في بلاد أجنبيه.. هذا إلي مخوفج..؟؟؟!

ليه طيب؟ خليج ربة منزل قويه .. واجهي ها الصعوبات

وبكل قوه.. ربي ابنائك على منهج الإسلام.. وحصنيهم زين

عشان لا ينحرفوا لأي طريق.. وصدقيني كل مازاد إهتمامك بهم..

رح تكبري في نظر زوجج .. ورح تدفعيه دايما للامام عشان يواصل تقدمه..

وتذكري إن مهما كان رح ترجعي لبلادج في يوم من الأيام..

يعني خليج مبسوطه.. ومتفائله داااائما وشوفي قدوتنا الحبيب

وسيرته عشان تتأكدي من إلي جالسه أقوله..

وأهم شي من الحين إتفاهمي عدل مع زوجج .. لاتخسريه من الحين..

أدي دور الزوجه.. وإبعدي عن أي شوشره لعلاقتكم.. لأنه الحين

مب الوقت المناسب لأي مشاجرات..

الحين وقت التفاهم بعقلانيه..

وانا متأكده إنج تحبي بلدج كثير..ومعزته في قلبج.. بس في ظروف

لازم أحيانا نستحملها..

بلغيني بجديدك يالغلا..

محبتي..

[omyaser]

اسمعي كلام جوزك وتوكلي على الله

[واحدة من الناس]

شكرا لكل اللى اهتموا بالرد على
ربنا مايحرمنيش منكم يا رب
انتم فعلا و نعم الأخوات
بس يا فتكوات انا شايفة ان اغلب ارائكم بتدور فى فلك انى لازم اسمع كلام جوزى..ودى طبعا حاجة مفروغ منها لأنه اغلى عندى من اى حاجة فى الدنيا.
بس احنا بنتكلم فى اطار ان خطوة زى دى قبل نا نعملها لازم نكون احنا الأتنين مقتنعين بها مئة فى المئة...مش عايزة اقوله اوك ابتدى فى الخطوات و انا من جواية بادعى ربنا ان الموضوع يفشل.
انا جربت الغربة يا جماعة و شايفة ان اي حاجة بعيد عن بلدى واهلى مالهاش اى طعم....وحتى لو كنا فى بلدنا حاسيين اننا مواطنين من الدرجة التانية بس برضه الغربة اقسى بكتير.
وبعدين احنا كدا مش بنتكلم فى سنة ولا اتننين و لا حتى خمسة....دول اكتر من كدا بكتير
اللى جرب الغربة هو اللى يحس بكلامى ده

[سوسو المروشه]

انا معاكى ان الغربة وحشة وبعد اهلك عنك شئ تعبك
لان اموال الدنيا كلها عمرها مهتشترى راحة انسان
بس احنا بنبصلها من ناحية العقل مش من ناحية المشاعر والاحاسيس
افرضى موضوع سفركوا فشل زى مبتدعى واعدوا فى مصر زى ما انتى اتمنيتى
هل الاموال اللى معاكى هتكفى انك تامنى مستقبلكم هنا
ولو جوز اشتغل فى وظيفة كويسة مهما كانت تفتكرى هياخد فى الشهر زى مبياخد هناك
انتى عارفة هنا اكتر مرتب ممكن الشخص يوصله كم وده طبعا متوقف على خبرته ومؤهله والوسايط وكده ومش اى حد ممكن ياخد المبلغ ده 1500ج ده اكبر مرتب انا سمعته فى مصر
وافرضى مع الوقت الظروف ابتدت تكون صعبة عليكوا فى مصر متزعليش منى ربنا يخليلك اهلك بس هما مش هيصرفوا عليكى لو الامور زنقت معاكى لو ادوكى مرة مش هيدوكى التانية
بصى لحياتك مع جوزك ومستقبلك ومتبصيش لمشاعرك واحاسيسك
وربنا يوفقكوا

[واحدة من الناس]

مافيش فتوكة تانية عايزة تقول رأيها ولا ايه؟

[واحدة من الناس]

اى فتكوة تسمعنا صوتها

[أم الطيب]

انا رأيي بلاش يا سكرة..
اللي بيسافر خصوصا البلاد الاجنبية دوامة الشغل بتاخده ومبينزلش بلده في اجازات إلا نادرا.. يعني ممكن تعدي 5 سنوات متشوفوش اهلكم وممكن اكتر.. انا اعرف ناس بقالهم 20 سنة مشافوش اهلهم ومنزلوش.
انت اتفقي مع جوزك انكم تستخيروا وامشوا على الاستخارة لان ممكن تتوجهوا لشيء وهو مش خير لكم ..
ربنا ييسر لكم اللي فيه الخير وينور طريقكم.
انت وحشتيني جدا بجد ونفسي اشوفك.

[cat_cat]

اختى الغالية

انا حاسة ان سبب احساسك بالغربة هو تقربك الشديد للاهل وعلشان كدة انتى حاسة بالغربة ولكن نقف هنا دقائق ونسئل نفسنا اى انتى وزوجك هل لورجعنا نقدر نعيش بالمبلغ الفلانى هل نقدر ان ننزل السوبر ماركت ونشترى مايحلو لنا هل نقدر على مصروف الاولاد من ملبس ومأكل ومدارس ودروس 000ألخ
كل هذه الاسئلة لابد ان تجيبو عليها اولا فعلا انا معاكى ان الحياه فى الغربة صعبة ولكن الاحتياج اصعب فعلا الواحده عاوزه تشوف امها كل يوم وتسمع صوتها ولكن ماذا نفعا لن ولم تكونى الاولى او الاخيرة التى تتمنى ان تعيش فى احضان البلد ولكن مابليد حيلة وعلى رئى المثل مين اللى رماك على المر ؟؟؟؟؟؟؟
المهم ان يكون زوجك بيحترمك فى الغربة ويخاف عليكى ويجعلك تكلمين اهلك بأستمرار وياريت يكونو الاهل عندهم كمبيوتر وكاميرا حتى تتمكنى من رؤيتهم ومحادثتهم بأستمر وهذه الطريق كفيله بأن تجعلك لاتشعرين بالغربة كثيرا
فعلا انا لو مكانك كنت استمريت فى غربتى من اجل زوجى واولادى ونفسى
من اجل ان اعيش حياة كريمه لان (المال والبنون زينة حياة الدنيا) فالمال للاسف لايتحقق هنا فى مصر لان الحياة اصبحت صعبة ليس لشىء انما لقيمة الدخل الذى نحصل علية فعلا فى كل البلدان الحياة اصبحت غالية ولكن بعض الدول تساعد الاسره على هذا الغلاء اما فى مصر فلايحدث هذا بل بيكون العكس

عموما فى النهاية ارجو ان يوفقك الله واللى عاوزه ربنا هو اللى هيكون ومتمنية لك حياه سعيده مع زوجك العاقل المدرك بما يدور حوله من الامور الاقتصادية

ولك تحياتى

[saadelhelaly]

يا حبيبتي الناس قصدهم لما قالو اسمعي كلام جوزك انهم يقولولك انك تسافري معاه و ده نصيحة غالية جدا و المفروض ما تكونيش محتارة في اتخاذ قرارك بسرعة لانك نزلتي و شفتي بعينك الحياة عاملة ايه في مصر
هي مصر طبعا بلدنا و كل حاجة بس العيشة بقت صعبه جدا فيها و ليه تجبري نفسك على كدة طالما قدامك فرصة لتحسين دخلك
و يادوب ال 20 سنه ممكن لما تنزلي لاقي شوية تغيير صغيرين جدا جدا انتي عارفة التغيير عندنا بطئ قد ايه
صدقيني مش هتقدري تعيشي في مصر لما تخلص الفلوس و تبقي زيك زي القاعدين من غير لا شغلة و لا مشغلة
انتي بتقولي كدة عشان فلوسك لسة في جيبك ولما تعملي مشروع و تلاقي حد ينصب عليكم فيه و من اهلكم برضه هتعرفي قيمة كلام الناس اللي قالو لك لازم تسافري !!!!!!!!