ازيكم يا جماعة عاملين ايه يا رب تكونوا كويسين انا عاوزة اخذ رايكم في مشكلة اخويا مع خطيبته هو اخويا الكبير وبيقوللي اعمل ايه معاها وهو عاوز يفسخ وانا مش عارفة ارد عليه
اصل انا وماما اللي اخترناها له زي ما هو عاوز
هي بيتهم محافظ جدا وهي متدينة ومطيعة لمامتها واخوها الكبير لان باباها متوفي المهم هو شافها في البيت ووافق عليها بس هو دلوقتي بيقوللي اعمل ايه معاها لاقاها بعد ما خطبها وخلاص قرب يكتب الكتاب لاقاها عندية جدا معاه كل لما يقوللها حاجة تقولله اقنعني وهو اصلا خلقه ضيق بس بيقعد ويحاول يقنعها وفي الاخر تقولله انا عارفة ان كلامك صح بس انا مش مقتنعة وتعمل اللي هي عاوزاه بالرغم من ان لما اخوها بيقوللها حاجة بتنفذها من سكات كمان قاللي انه شايفها مهتمة جدا بشغلها ولما قاللها تقعدي بعد ماتخلفي قالتله لا هو اهم حاجة في الدنيا الجواز والخلفة هي الواحدة مالهاش نفس تعمل حاجة تانية فأنا قولتله انت واخدها وعارف انها بتشتغل قاللي بس ماكنتش فاكر ان شغلها هيبقى اهم من بيتها دي بتقوللي _هو اللي بيقول- انا لو خلفت هاخذ اجازة سنة وخلاص على كده مع ان اخويا مرتبه كويس ومش محتاج انها تساعده - كمان بيقوللي انها مش بتقوله اي كلمة حلوة ولمل بيزعل منها ولا بتصالحة ولا بتتحايل عليه وكده يعني مع انه طول ماهو قاعد من ساعة ما خطب وهو مالوش كلام غير عليها انا ماشفتش حد بيحب حد كده اصل هو رومانسي قوي كان فاكر انه كمال الشناوي وهي هتبقى شادية
بجد انا بحب اخويا قوي واحنا زي الصحاب هو متدين اوي وفي نفس الوقت مش متعصب يعني
هو بصراحة مزودها شويه في حتة الغيرة هو بيغير كتير وانا قولتله انت كده هتخنقها
بس خايفة بعد كده يكرهني لان انا السبب في الخطوبة دي وانا اللي جبتهاله
مع انها كان شكلها غير ماهو بيقوللي وهو نفسه بيقول انه كان فاكرها متدينة اكتر من كدة ومطيعة
ماما بتقوله بعد الجواز هتبقى مطيعة ليك لما تبقى في بيتك بس هو قلقان
اذا اعجبك الموضوع و اردت نشره في المنتديات الاخرى فاستخدمي هذا الرابط:
اقول لاخويا ايه
http://forums.fatakat.com/thread36242
