[جميزة]

ماجي
ربنا يهديهم والله انا مابقتش عارفة حاجة خالص انا تعبت يا رب يتجوزوا بقا ويرتاحوا ويريحوني ربنا يهديهم

الزوجة الاولى
انا معاكي بس مش فاهمة يعني ايه ليها كيان هو الكيان يبقى في الشغل ولا في البيت انا شايفة ان كيان الست في بيتها عالعموم هما يتصافو مع بعض و ايه المشكلة ان اخويا يبقى سي السيد ماهو اي راجل لا زم يبقى سي السيد اومال الست هي اللي هتبقا ست السيد بس هو الموضوع مابيتخدش كدا يعني لازم الواحدة تتكلم مع جوزها ويحاولو يفهمو بعض بس لو ماقتنعوش يبقى مافيش غير كلام الراجل هو اللي يمشي

يويو

هو فعلا ابتدى يعاملها بحنية بيقوللي ساعات بحسها زي بنتي ببقا عاوز اطبطب عليها وخدها في حضني بس ساعات بلاقيه مجنون يقوللي انا من كتر مابقولها حاضر و هعملك اللي انتي عاوزاه بقت تاخد على كده -ربنا يهديهم

شوفي يا بينكي

انا اللي كنت داخلة وكتبت نفسي ان انا راجل عشان احكي كاني انا هو بس قولت مالهاش لازمة الحركات دي خليني دووووغري احسن هههههه

منمن

ربنا يهدي كل الناس لاجوازها وخطاطيبها


المهم دلوقتي في مفاجأة ياااااااااا رب تكون حلوة يا رب ويتمملهم على خير



اخويا بقالوا يومين قاعد قلقان جدن جدن وعمال يقول هو انا كده خلاص هيجوزوني
الموضوع هيبقى جد وعمال يقول فوضت امري لله و اسلمت وجهي لله واللي ربنا كاتبه هيكون
عارفين ليه








عشان امبارح راحوا يشتروا العفش من دمياط اشتروا اوضة نوم وصالون وسفرة ومامتها كانت بتقول لماما ان خطيبتوا بقالها يومين مانمتش وبطنها وجعاها وعمالة تقول نفس الكلام
انا مش عارفة لما هما خايفين من الجواز كده بيتجوزا لييييييييييييييييييييييه
ادعولهم يا جماعة ربنا يهديهم ويصلح حالهم

[منمن]

الف الف مبروك يا جميزة وربنا يتمملهم بخير وربنا يهديهم ياربوالعفش الان بكام؟

[جميزة]

الله يبارك فيكي يا منمن
هما جابو اوضة نوم ب12 الف
وصالون ب8
وسفرة ب10
لسا الانتريه
كله من دمياط

[yoyocat]

ربنا يهديهم لبعض ويتمملهم بخير ان شاء الله وهما يمكن قلقانين لانهم داخلين على حياة جديدة مش عارفينها وده طبيعى وبعدين لازم كل واحد يعدى للتانى وميحسبهاش بالمسطرة عشان الامور تمشى ومادام هما متقبلين بعض لازم يفوتوا شوية
ويارب يتجوزوا عشان انتى ترتاحى هههههههه
ومتنسيش تعزمينا على الفرح

[جميزة]

الله يخليكي يا يويو ربنا يسمع منك ويتجوزوا ونرتاح كلنا
وعقبالنا كده يا رب وعقبالك انتي كمان

[دند]

يصبر عليها شويه

وان شاء الله ربنا يوفقه للصواب

[جميزة]

دند
والله انا مش عارفة مين اللي يصبر على مين انا بقوله بكرة لما تتجوزوا هيبقا الوضع متغير بس هو بيقوللي دي شكلها طباع والطباع مابتتغيرش
ربنا يهديهم هما الاتنين وعقبالك

[saadelhelaly]

الشغل طبعا حاجة مهمة جدا حتى لو مش هتساعد جوزها و بلاش موضع مقارنات
وبعدين ايه رايك تخلي اخوكي يتقل عليها شوية
اصل في ناس ما تكلهاش الا متربة جربي و شوفي

[جميزة]

يعني ايه" اصل في ناس ما تكلهاش الا متربة جربي و شوفي"

[ام الحزن والكائبة]

من من رائي ان ينفصلوا لان تو الناس على الخناق والزعل
وهم لستهم في بداية الطريق وهم كدا بكرة لما يصير عندهم
عيال هايعملوا ايه؟ وادا انتي تحسي انك السبب شوفي اليه
وحده تستاهلوا بس مشكور ةعلى الموضوع اختي

[هبه مجدى]

بالذات يا ضحى موضوع الشغل ده لازم يكون فى اتفاق عليه من قبل الجواز وبعدين يا عالم ايه اللى حيحصل مش يمكن لما ربنا يكرمهم باولاد هيه اللى تقوله عايزه اقعد فى البيت

[جميزة]

ااااااااااااااااااااااه
انا تعبت اوي كل لما اشوفوا متضايق بتعب اكتر

[yoyocat]

اقولك احسن حل يستخير ربنا فى جوازه منها ولو الموضوع خير هيكمل ولو شر حيوقف لوحده

[جميزة]

يويو انا حبيتك اوي لله في لله كدا

[samasemo]

السلام عليكم
بصى ياجميزة الموضوع ده طبيعى بين المخطوبين دايما يبقى فيه اختلاف فى وجهات النظر بس فى الاخر لازم كل طرف بيقدم تنازلات عشان خاطر الطرف الاخر وخاصة لو فى قبول لكن لو مفيش يبقى الافضل الانفصال بعدين ياستى بالنسبة لموضوع كمال الشناوى وشادية فى ناس واحنا منهم ايام الخطوبة بتبقى للتعارف وبنبقى بنتعامل مع الخطيب على انه شخص غريب حرام اننا نقوله كلام حب لكن بعد كتب الكتاب الموضوع بيتغير وبيبقى زوج مش غريب
الافضل ان زى ما الفتوكات نصحوكى خالى اخوكى يصلى استخارة وانتى وماما ادعو ان ربنا يقدم له اللى فيه الخير وربنا حيكرمه
وموضوع الشغل ده سيبو البنت تجرب من نفسها مش حتلاحق على البيت والشغل والاولاد ومن غير ما تبقى مضايقة من اخوكى انه قاعدها فى البيت
وعقبالك يا قمر وابقى طمنينا

[جميزة]

ساماسيمو
ازيك والله انتي كلامك كويس اوي ويريح فعلا انا ممكن اقوله الكلام ده ويا رب يقتنع ان حكايه كمال الشناوي وشادية دي مش وقتها ويصبر شوية رغم اني عارفة اه هيقولي دي مش حاسة بيا ودي ماقلتليش كلمة حلوة ووووو

وموضوع الشغل ده هو قالها انا هاسيبك تشتغلي بس لغاية ماتخلفي وبعد كده تربي عيالك وهي اللي عيطت لما قالها كده
وهو لغاية دلوقتي بيقولي انه بيصلي استخارة مع انه خلاص قرب يتجوز كلها 3 شهور انشاء الله يا رب اشوفه فرحان وسعيد معاها ربنا يسعدهم يااااااااا رب

[samasemo]

مرسى يا جميزة
بصى يا بنتى احنا اختين ومسجلين باسم سماسيموفى المنتدى يعنى بنقولك خبرتنا احنا الاتنين :d:d
بما ان اخوكى بيصلى استخارة والخطوبة مستمرة يبقى هى دى الزوجة اللى ربنا قسمها له وربنا يسعدهم معلش يتنازل ويخليها تشتغل ولما ربنا يرزقهم بالذرية ان شاء الله يتناقشوا فى الموضوع بهدوء وحيبقوا اخدوا على بعض ومفيش حد فيهم حيبقى عاوز يزعل التانى وهى حتبقى فرحانة بابنها ومش حتفكر فى حاجة تانية غيره
يمكن هى حاسة ان شغلها بيحقق ذاتها بس بعد كده حتحس ان بيتها واولادها هما كل حياتها

[جميزة]

انا امبارح قعدت اتكلمت معا اخويا وقولتله رايكم وهو اقتنع بحاجات كتيرة زي الشغل انه لازم يسيبها هي اللي تقعد لوحدها مع ان دماغة يا سااااااااتر بس قال هسيبها لما هي تطلب
بس حكايه كمال الشناوي وشادية دي اللي مأثرة فيه بيقولي انه كان نفسه في واحدة تفهمه من غير ما يتكلم وتموت فيه وتغيرعليه لكن طالما ده مش موجود فخلاص بئا نرضى باللي موجود - ده كان كلامه- المهم في حاجة تانية حصلت

قاللي ان خطيبته كانت بتضايق من طريقة كلامه معاها عشان هو طلب منها تغير طريقة لبسها قبل كده فقالتله لا انت كلمتني بطريقة مش كويسه لازم نتكلم وتناقشني وتقنعني - بصراحة هو ابتدى يغير من طريقة كلامه معاها وكان لسا في موضوع كده كلمها بمنتهى اقناع واتناقشوا فيه بس هي جت في الاخر وقالتله انا ماقتنعتش
فهو دلوقتي بيقولي انا هقولها ماليش دعوة بيكي انتي في بيت اهلك البسي اللي تلبسيه واعملي اللي تعمليه انتي حرة بس لما تبقي في بيتي انا هعمل اللي انا عاوزه

بصراحة انا مش عارفة اقوله ايه -هي هتخاف منه لو قالها كده عشان هي قلقانة لوحدها ومكن كده هتخاف اكتر بس هو بيقولي انا هقولها كده وبجد هسيبها تعمل اللي هي عاوزاه لغاية مانتجوز مانا كلمتها زي ماهي عاوزة وهي اللي نفذت اللي في دماغها برضه

ايه رايكم اسيبه يقولها كده

[yoyocat]

وانا كمان بحبك اوى يا جميزة وبجد نفسى اساعدك بس قولى لاخوكى بالراحة شوية عليها عشان متحسش انه عاوز يتحكم وخلاص وبعدين فهميه ان معظم البنات زى القطة لو طبطب عليها ودلعها تتمسح فى رجليه ولو قسى عليها تخربشة هو ممكن يخليها تعمل كل اللى هو عاوزه بس مش بالشكل واثبات الشخصية بانه يكون رومانسى ورقيق معاها وهى هتعمل كل حاجة قبل ما يقولها خليه يبقى كمال الشناوى حيلقيها بقت شادية مش يستناها الاول
هى كل ده بتختبره واكيد هى برضه قلقانة بس لو قالها انا بحبك قوى وبغير عليكى من الهوا ونفسى احطك بين عنيا عشان ما يشوفيكيش غيرى وعشان كده بكلمك على اللبس لانك حلوة قوى ومش عاوز حد يشوفك حلوة كده غيرى ولو ماغيريتش رأيها روحى اضربيها بدالى ههههههههههه بهزر طبعا
بس انا قصدى يجرب الاسلوب ده اللى انتى اكيد فاهماه
وربنا يهديهم ويجوزو بقى

[جميزة]

يا حبيبتي يا يويو

والله العظيم هو قاللها الكلام ده كله بس هي دماغها اولد شوز وعاوزة تعمل اللي في دماغها برضة
انا جايييييييييييييييييييييية الشااااااااااات