[ماجي2008]

"" ان المبذرين كانوا اخوان الشياطين ""

مشكلة هـــــــــــــــــــــــــــــــــامة تخص كل بيت فى مصر الاستهلاك الشهري ازاي تخفضي استهلاكك

فى زيت الطعام هو غالى التمن شوية دلوقتى وفى ناس بتستعمله غلط
ليكو طريقة للحفاظ على زيت الطعام سمعتها صراحة فى برنامج توك شو

ضعى الزيت فى زجاجة زي بخاخة ورش على الطعام بدلا الصب لتقليل الاستهلاك بدل الدلادقة
الطريقة التانية دية انا شخصيا باستعمالها
بقلى الحاجة مرة واحد فقط والزيت اللى موتبقى ما برموهوش بوضعه على الاكل اللى بيحتاج زيت على البارد زي الفول او الجبنه الخ لان طبعا كتر القلي فى الزيت بيعمل و العياذ بالله سرطانات

انتو عارفين الباذنجان بيخد زيت كتير فى القلي فممكن تعملوا طريقة البابا غنوج شوي الباذنجان لان الزيت اللى هيتحط على البابا غنوج اقل
بدل القلي لان كيلو الباذنجان ممكن يأخذ نصف الزجاجة وكل ست شاطرة لوعندها طريقة تنفعنا يللا تقولها لنا

اذا اعجبك الموضوع و اردت نشره في المنتديات الاخرى فاستخدمي هذا الرابط:
تعالو بصوا التوفيـــــــــــــــــــر
http://forums.fatakat.com/thread36243

[ام ريهام]

انا سمعت من دكتور فى الاغذية انك ممكن تستعملى الزيت لاكتر من مرة بس بشرط لما تخلصى ضعى الزيت فى عبوة زجاج بعيدا عن الضوء للحفاظ عليه من الاكسدة يعنى ضعيه فى الظلام وتكونى لافة الزجاجة بورقة لعدم نفاذ الضوء اليه

[برتقال سكرى]

جزاكى الله خيرا
بس أنا بستعمل الزيت 3 مرات
أنا سمعت كده من دكتور فى التليفزيون
والله أعلم

[برتقال سكرى]

جزاكى الله خيرا

[ام سعيد]

بارك الله فيكى

[مؤمنة بالله ورسوله]

[reda mohamed]

طريقة حلوة فى توفير الزيت ::: أنا فعلا بعمل كده بقلى مرة واحدة وبعدين بستعمل الزيت بوضعه فوق الأكل .. وبطلت أكل بدنجان مقلى مش علشان الزيت علشان القولون
تسلمى على الموضوع يا ماجى

[ماجي2008]

استغفر الله العظيم



" ان المبذرين كانوا اخوان الشياطين "

[ماجي2008]

جزاكم جميعا خير

يا برتقال سكرى انا باقه سمعته من دكتور مهندس استشاري مش فى الاغذية خالص بس دمياطى يعنى دماغه اية فى التوفير

[نيللي]

شكرا على المعلومات الحلوة دي يا ماجي

[ام رحاب]

جزاكى الله خير ان شاء الله

[الزوجة الاولى]

شكرا لكى
انا بستعمل زيت القلى مرتين

[جالاكسى2006]

معلوماتك جميله وان شاء الله ننفذها لان العمليه باظت خاااااااالص

[سوسو المروشه]

تسلمى على المعلومات وياريتها تيجى على الزيت وبس
بس انا متهيالى لما تقلى حاجة فى الزيت حتى لو بطاطس وترجعى وتحطيه على شئ زى الفول او الجبنة اكيد طعمه بغير ومش بيبقا حلو
لكن انتى مثلا لو قليت بطاطس مرتين مثلا فى الزيت ممكن بدل مترميه ولو انت مش محتاجه تحطيه فى بطرمان لوحدة ولما تيجى مثلا تقلى سمك او فراخ ممكن تستخدميه وهكذا

[wella]

هو الزيت بس اللي غلي كل حاجه ولعت مش عارفه اخرتها ايه
والحكومه مش واخده بالها ان الناس بقت عباره عن قنابل موقوته لو انفجرت هتبقي كارثه فعلا
تصدقوا ان كل ما انزل السوق اجيب الطلبات بيجيلي اكتئاب كل يوم سعر جديد والغلاء مسبش حاجه
والتليفون ده مصيبه لوحده شركه واحده محتكره السوق وبتتحكم فيه علي مزاجها والحل الوحيد انه تطلع شركه تانيه زي ماحصل مع المحمول بس الحكومه مش هتخلي ده يحصل شوفتوا فرق الاسعار الرهيب بعد مانزلت شركه اتصالات وعلي فكره اشتراك التليفون زاد تاني بقي سته وتلاتين جنيه
ولا الناس اللي محلتهاش حاجه تعمل ايه
ربنا يرحمنا من عنده وينتقم من كل واحد بيسرق مال الغلابه ويستغل سلطته في التحكم في خلق الله

[roro-myzo]

هدى نفسك يا ويلا انتى قلبتى علينا المواجع انا عن نفسى بقلى البطاطس مرة وحدة فى الزيت واخليه للسمك او البذنجان

[Hanan Fouad]

انا بعمل زى رورو بالظبط
وجزاكى اللة خير يا ماجى
وربنا يعينا

[اسكندرانى]

شكرا على افكارك واقتراح الحلول وعلى فكره الاسعار ولعت فى كل مكان حتى هنا فى الكويت بردو الحياه غاليه جدااااااا والشقق ايجارها غالى جدا

[ماجي2008]

ربنا يخليكو جميعا واحنا لازم نساعد بعض لو واحدة عنده فكرة هتفيد غيرها تقولها انا صدقونى بستفد من آراكم الجميلة والواحدة على قد ما تقدر تحاول توفر وحرام ترمى اي حاجة فى الزبالة عشان فى ناس فى الصومال مش لاقية وانا شخصيا عن تجربة ربنا يسامحنى كنت مستهترة وارمي اكل كتير وعرفت انا ده غلط كنت فى مجلس علم وقال الشيخ ده حرام جداً الافتراء على نعمة ربنا حرام قالها كده باللفظ اللى ترمي حاجة كويسة فى الزبالة تتلبس من الجن والعياذ بالله ربنا يحفظنا ويحفظكم جميعا

[ماجي2008]

انا اسفة قلبت عليكو المواجع ربنا يارب يرحمنا من الغلاء وبشكر ام رحاب جزانا واياكى الخير ،جالاكسى فعلا على رأيك الواحد مش مستحمل الله يخليكى يا نيللى انتى والزوجة الاولى انا برده بستفد منكو
وانتى يا سوسو لم تحطي الزيت على الفول وهو بيسخن وبعد ما طفى النار على الفول تحطي الليمون صدقينى ما بيبان و لاحاجة وانا اسفة يا ولاء دية حاجة بنعني منها جميعا
معلشي انا يا رورو ما اقصدتش اقلب المواجع سامحينى يا قمر
شكر يا حنان على اية يا قمر
على اية يا اسكندرانى يا قمر من بعض ما عندكم معاكي حق كل حاجة ولعت ربنا يعننا على البلاوي دية فعلا حاجة صعبة قوي