[لولاية]

أخواتى الفتكوات انا عاوزه احكلكم مشكلتى اللى منكده عليه حياتى 0انا اتجوزت فى نفس البيت اللى فيه حماتى وفيه مامتى يعنى الاثنين مع بعض مش هقولكو ان حماتى صعبه بلعكس حماتى حنينه اوى وماما كمان طبعا بس المشكله انى مش ادره احس بلخصوصيه فى حياتى خالص يعنى لو هتغدى عند ماما حماتى تزعل ولو هتغدى عند حماتى ماما تزعل وبينى وبنكو انا نفسى اتغدى فى شقتى 0تانى حاجه لوخارجه انا وجوزى لازم نعدى على الشقتين نعرفهم وبرده لو راجعين ومعانا اى حاجه لازم نعدى عليهم برده وطبعا انتو فاهمين 0بيحصل مشاكل كثير بينى وبين جوزى عندنا لا عندكو وهكذا انا مشتته اعمل ايه0؟

[ماجي2008]

هي يا حبيبتى ممش مشكلة ولا حاجة بذكائك انتى حاولى تعملي لنفسك خصوصية ومتزعليش حد منك ولو لقدر الله تعبتى قوي قولي ليهم يا جماعة من غير زعل انا هتغده فى شقتى واللى عاوز يجي يتغده معي اهلا وسهلا ودوري على اليوم اللى ماماتك مش موجوده فيه تبقى عند حماتك والعكس وربنا يصلح ليكي الحال

[أمولة]

والله ماجي قالت عين العقل والله يكون بعونك ----------

[سوسو المروشه]

اصعب شئ لما تكون اعدين كلكلوا فى بيت واحد بيكون صعب التعامل
بس لازم يكون ليك انتى وجوزك واقفة
لو طبعا مش هتقدروا تنقلوا على شقة تانية
فلازم انتى تتكلمى مع مامتك وتفهميها اللى بيحصل وهى علشان بتحب سعادتك اكيد هتحاول تسهل عليكى الموضوع
وهو بردوا المفروض يتفاهم مع مامته
وتعرفهم انكوا بقا ليكوا بيت منفصل عنهم وانكم مش هتقصروا باى اهتمام ليهم

[سامية ابو العلا]

اتفقي مع مامتك و حماتلك علي يوم معين للزيارة مع السؤل بالتليفون باقي الأسبوع وتعملي كانك في عمارة اخري وعلي فكرة انابشتغل في مركز حماية واستضافة المراة محامية ومشاكل اكثر منكدة بكثير وماتزعليش

[انتكة]

بصى يا لولايه انا مليش خبره اوى فى مواضيع الجواز المهم انا هديكى رائى بصى ياستى انتى تتعودى انك تتغدى فى بيتك وكل يوم تنزلى شويه عند ممتك وحماتك ولو هما هيزعلوا من كده ممكن تخصصى يومين ى الاسبوع يوم هنا ويوم هنا بتهيقلى ده حل مناسب ويارب يكون عجبك

[لولاية]

انا متشكره ليكو اوى بس انا بتهيالى انى لو منزلتش يوم الدنيا تتقلب انا مستنيه منكو حلول كمان0

[toto s]

انا مع انتكه انت لازم بذكائك تعملي خصوصيه لنفسك
والله يكون في عونك

[أم هاشم وعبيد]

حبيبتي وحشتييييييييييييني
اجلسي اتكلمي مع مامتك وحماتك بهدوء وقوليلهم انك تبغي يكون ليكي خصوصية في بيتك عشان الموضوع ده ممكن يعمل مشاكل بينك وبين زوجك وان شاالله تقدري تقنعيهم
الله يكون في عونك

[جالاكسى2006]

بصى يا لولايه انا من رأى ساميه وهوه انك تتفقى على يوم لمامتك وليوم لحماتك ويكون من الصبح وباقى الايام تعوديهم انك ماتنزليش غير لما تخلصى كل شغل بيتك وتتغدى ولو زعلوا خلى الكلام يكون من جوزك يعنى هوه اللى له الراى الاول والاخير وانه قالك انى مش مرتاح كده وهوه اللى طلب منك انكوا يكون ليكوا خصوصيه ف حياتكوا ومره ف مره هاتلاقيهم اتعودوا على الوضع ده بس انتى ماتضعفيش وماتقوليش اصلى بخاف والنور يقطع تقلبى الدنيا والدلع اللى انتى فاهماه ده هه بيتك مملكتك ولا مامتك ولا حماتك هايعوضوا لحظه تجمعك انتى وجوزك وابنك وربنا يهدى الحال يارب ولو عايزانى اكلم عمتو ممكن وانا اخليها تقوم الدنيا عليكى ههههههههههههههههه

[رانيـــا الشقية]

انا بقى ياقمر مش لاقية حاجة أقولها
الفتكوات قالوا الحلول وأنا معاهم
ياريت تقرأى رأى جالاكسى مفيد
وربنا يعينك ويوفقك بحياتك