[مهوهه]

حبيباتي
أنا زي ما كتير منكم بيعرف حامل دلوقتي في الشهر الثامن لكن من فترة بدأت أحس بتقلصات قلت عادي تساهيل ولادة لكن الضغط على أسفل بدأ يزيد والتقلصات صارت مركزة على أسفل البطن ناحية اليسارمع آلام في الظهر.................. قلت مابدهاش!!!

ورحت على الدكتورة إللي خوفتني وقالت إنه التعب والوقفة الكتير هيه السبب وأكدت على أهمية الراحة وأهمية شرب المية كتييييييييييييييييييييييييير وخوفتني من احتمال الولادة المبكرة فأعطتني حبوب تثبيت بجرعة خفيفة علشان يعدي الشهر الثامن على خير
وأنا خايفة من ساعتها وقلت ماليش غير صاحباتي الفتكوات أطلب منهم الرأي والنصيحة بخصوص الحبوب يعني لإللي عندها تجربة تفيدني وتبقى فايدة للكل.
وربنا يخليكوا ويحميكوا

[ايمان فريد]

ربنا يتمم ليكى على خير
شوفى انا كنت مريضه قوى فى ابنى التانى
واخذت ادويه كتير وعقبال بنتك اوابنك ....
عنده سنتين الان وفى دكتوره قالتى ابنك هيكون مشوه
دكتوره تقول هيجيلك فشل فى فى الكل والحمد لله انا بخير
وانتى كمآ هتكونى بخير اسمعى كلام الدكتوره وخليها على الله

[مهوهه]

أشكرك على الرد يا إيمان بس على فكرة الحبوب هيه لتثبيت الحمل لأنه الجنين نازل كتير والدكتورة خايفة ينزل الحوض بفعل التقلصات وساعتها حتحصل الولادة لاقدر الله

[ايمان فريد]

انتى عوزه راحه ونوم على طهرك الفتره الجايه

[مهوهه]

ربنا يباركلك
أشكرك على الإهتمام

[ماما دودو]

أهلا بيك مهوهه ربنا يوصلك بالسلامة
أنا كان ليا واحدة قريبتي حاصلها زيك والدكتورة وصفتلها على حبوب تثبيت الحمل والراحة التامة والحمد لله ولدت في وقتها بخير إن شاء الله إنت كمان

[مهوهه]

تسلمي يا ماما دودو

[اسماء اسامه]

حصل معايا نفس الموضوع ده فى ابنى
ونصحتنى الدكتورة بالراحة التامة والنوم على الظهر وعدم بذل اى مجهود والبعد عن الزوج
وكمان مثبت للحمل اسمه يتروجستان
يارب يارب تقومى بألف سلامة

[ضحي *]

ربنا يقومك بالسلامة أنا حامل في الشهر السابع وسئلة الدكتورة علي الأقراص دي وهي أمنة ومتخفيش منها كل الحكاية أن الموضة اليومين دول الطلق ييجي بدري شوية وده حصل لوحدة صحبتي جالها الطلق في الشهر السادس تقريبا الدكتورة كتبت لها علي الأقراص دي ونصحتها بالراحة والحمد لله لسه ولده الأسبوع الي فات وجابت محمد عقبالك وعقبالي بس خدي بالك من نفسك وأرتاحي وأشربي سوائل كتير وألبان في دكتور تغذية كان علي قناة الحياة بيقول أن الحامل في الشهور الأخيرة محتاجة لشرب عصائر والبان وزبادي والبعد عن المحمر والمسبك وشرب كميات كبيرة من الماء علشان لما تيجي تولدي ده بيسهل عملية الرضاعة وأبقي طمنيني عليكي وتقومي ب1000 سلامة أن شاء الله

[مهوهه]

تسلميلي يا أسماء ويا ضحى هيل الظاهر الولادة بدري موضة ها الأيام وإن شاء الله حطمنكوا علي لما أقوم بالسلامة بس ادعولي

[safamsr]

انا خدت الدوا هيدا كل ما كون حامل لان اول مرة كنت حامل بتوأم وكانت الدكتورة مخطرتني انو يمكن اسقط وعطتني دوا اسمو دوفاستون وهو مركب هرموني من البروجستان بس بلفعل سقطت بس بعد فترة حسيت بحركة في بطني رحت لعند الدكتورة واكتشفت انو سقطت بس شق التوأم وان الولد التاني بعدو موجود وضليت آخد هيدا الدوا فترة 4 شهور بمقدار 3 حبات بليوم صبح ضهر وعشا والحمد لله ولدت بنتي بلغصب عشان ما بدها تطلع يمكن الدوا عمل مفعولو كتير منيح والحمد لله لحي عمرها هلا 7 سنين حلوة وقمورة