[موحده بالله]

.العزيزة فتكات:
بعد حوالى شهرين من اشتراكى فى هذا المنتدى النسائى الرائع لدى بعض الاسئلة او الاستفسارات التى ستساعدنى وتساعد كثيرات غيرى فى فهم و تقدير افضل لهذا المنتدى الاكثر من مفيد . فليتسع صدرك لى و لاسالتى من فضلك

#اريد ان اعرف اكثر من انت و لماذا اخذت على عاتقك انشاء هذا المنتدى ؟

# و هل هناك اية جهة تساعد على تمويل مثل هذا المنتدى و تعمل على تطويرة باستمرار ام لا. فانا اعلم ان انشاء مثل هذا المنتدى المنظم يحتاج الى خبرات كبيرة و تمويل مستمر.

# كما اريد ان اعلم ما الفرق بين مشرفات الموقع و مراقبات الموقع , و ما هى المعايير التى على اساسها يتم اختيارهن؟

و......... كفاية كدة النهاردة. تحياتىىىىىىىىىىىىى.

[temoon.pompa]

تصدقى يا امانى الاسئله دى كان نفسى اسئلها .......
كويس انك سالتيها عشان اعرف الردود ........ بارك الله فيكى يا اختى

[جين صبرى]

مستنيين حد يجاوب يا أمانى
أنا سألت الأسئله دى عالخاص

[مدام اميره]

موضوع حلو
وان شاء الله نشوفوا ردوده

[انتكة]

انا كمان هقول زى مدام اميره ان موضوعكجميل ومستنين الرد وميرسى ليكى

[موحده بالله]

شكرا للتجاوب يا حبايبى ربنا يخليكم يا رب. بس يا ريت حد يرد علينا مستنيين حبيبتنا فتكات تجاوبنا.

[بوسى على]

هو مفيش حد هايرد
انا كمان كان نفسى اعرف
ممممممممممكن حد يرد علينا

[Hanan Fouad]

مش عارفة اكيد هيكون فى رد

[فراشه الحب]

موضوع جميل
جرى البحث عن الرد.........................

[ورده الحب الصافى]

بأذن الله حد من الأداره يشوف موضوعك يا أمانى ويرد
لأنه شكله شاغلك أوى
وأنا من موقعى هذا
أناشد الفتوكه الكبيره اللى فينا
وأقولها ردى على
أمانى فاروق عبدربه
ههههههههه

[موحده بالله]

?????????????

[موحده بالله]

ياريت يا ورده

و العلو نووووو روون

[اميره الليل]

انا كمان نفسى اعرف بس مفيش ح رد

[beta]

وانا كمان عوزه اعرف بجد المنتدى ما شاء الله جميل ومنظم ومفيد جداااااااااااااااااااا

[Fatakat]

ههههههههه معلش والله ما خدت بالي من الموضوع من ساعة لما اتعمل

انا عندي فكرة معقولة عن ادارة المنتديات و لقيت مافيش و لا منتدى مصري ممكن نقعد فيه من غير ما الرجالة يشتركوا معانا . في المقابل فيه منتديات خليجية كتير قوي . عرضت الفكرة على بعض المعارف و ايدوها لانهم محتاجينها فعلا . و الحمد لله اتضح ان اللي كانوا محتاجين المنتدى اكتر بكتير

معايا مبلغ مخصص للصرف على المنتدى كاستثمار يعني بحيث ان قدام ان شاء الله لما نحقق بعض النجاحات نقدر نخاطب الشركات يعملوا لنا رعاية عن طريق انهم يعلنوا عندنا مثلا . و ان شاء الله ربنا يسهل و يحصل

المشرفات و المراقبات بيتم اختيارهم عن طريق المشرفات .. بحيث لما عضوة بتظهر و بيكون لها شغل واضح للكل و هادية و شخصيتها ملائمة للاشراف بيتم ترشيحها عن طريق مشرفة و نتناقش و ناخد رأي الكل .

اتمنى ده يكون كافي و اشكرك على استفسارك

[rawan432]

دائما الى الامام وربنا يجعله دائما منبعا للخير

[ام ايفان]

شكرا للتوضيح وشكرا يااماني للموضوع

[موحده بالله]

حبيبتى فتكات
الف شكر على ردك . بجد افدتينى جدا و افدتى فتكاوات كتير من حبهم فى المنتدى بقوا عايزين يعرفوا عنه كل حاجه
ده بقى البيت التانى لكتير مننا
و كل سنه و انتى طيبه و كل المنتدى بخير يا رب

[mashmosha]

يااااااااااااااااااااااااااااااااه بجد مش قادرة اصدق ان فتكات نفسها ردت والله مبسوطة جدا تسلمى يا امانى انك سالتى الاسئلة دى وتسلمى يا فتكات انك رديتى

[monee_2020]

السلام عليكم
ربنا يبارك فيكى يا امانى ويجزيها خير طنط فتكات
اه والله يا امانى انا لو مش قعدت بالله على النت افرقع او يجرى لى حاجه انا هنا لوحدى ولا خروج ولا نزول ولا حاجه ما اصدق بس جوزى ينزل وعلى طول بافتحه حتى لو حاشتغل المهم انه يكون مفتوح قدامى احس بيكم وخلاص
اعمل ايه حتى بابا قاعد على النت فى غرف دعويه ومش مخلى ماما تكلمنى الا بطلوع الروح وكمان لما اكلمه كلامه مختصر مفيد بخلينى خلاص
انما ماما بتقعد تحكى معى وتصبرنى انتى فين يا ماما