[amany farouk abdrabo]

حبيباتى و فتوكاتى العزيزات . انا لسة راجعة من السينما حالا و شفت فيلم *حسن ومرقص*. مش قادرة اقول لكم قد اية الفيلم روعة و هيشدكم مسلمات و مسيحيات. نجح يوسف معاطى فى تصوير واقع التعايش السلمى والاسلمى بين مسلمى و اقباط مصر فى دعوة لنبذ كل الخلافات و ابعاد كل من لة مصلحة فى اشعال و استمرار مثل هذة الفتن بين ابناء شعب واحد.
لم يتحيز الكاتب لاى من الطرفين بل عرض فى موضوعية ماساة اسرة عادل امام(بولس) الذى اضطرتة ظروف ما, مش عايزة احرق الفيلم, لان يكون (حسن )المسلم, و على خط درامى اخر , موازى ولكن مناقض فى نفس الوقت يعرض الفيلم ماساة اسرة عمر الشريف و الذى اضطرتة الظروف لان يكون مسيحيا. بصوا بقى انا مش عايزة احرق لكم الفيلم لكن اوعدكم هتستمتعوا بالقصة والاخراج و الموسيقى التصويرية التحفة لياسر عبد الرحمن والذى جمع فيها بين الابتهالات الدينية الاسلامية و التراتيل و الاناشيد الكنسية المسيحية. اخراج رائع لرامى عادل امام و المفاجاة التحفة , ابن عادل امام الصغير محمد ممثل اكثر من رائع فى دور جرجس المسيحى وعماد المسلم. روحو شوفوة علشان تعرفوا ان قضية التعايش السلمى بين المسلمين و المسيحيين فى مصر اساسية و ممكنة ولابد منها.

فيا مصريين لاتعطوا الفرصة لاى طرف خارجى افساد علاقات المحبة و الوئام
و شكرا. ( ارجو تقييم الموضوع و ارجو التثبيت)

[missshimoo]

اختى امانى شكرا على الموضوع وانا فعلا كنت لسة بقول لماما نروح الفيلم
ولما اروح هبقى اقولكوا ولا تيجى نعمل رحلة لكل الفتوكات ونروح مع بعض

[doaa&haytham]

شكرا يا اماني

[سوسو المروشه]

يسلمووو يا امانى هو فعلا باين عليه فيلم حلو مع انه فى ناس قالوا على نقد
بس انا شاء الله ابقا اروح اشوفه

[جين صبرى]

سهره سعيده يا أمانى

[temoon.pompa]

مشكوووووووووووره امانى حبيبتي على موضوعك ده

[amany farouk abdrabo]

شكرا ليكم كلكم انا يهمنى ان الناس تشوف الفيلم دة علشان رسالة المحبة و السلام اللى بيقدمها لكل المصريين

[Hanan Fouad]

انا هرد بقة يا امانى اول موضوع ليكى يكون عن السيما اة منك انتى انا عارفة انك بتحبى السيما
بس فعلا انتى بتتكلمى صح واللة المسلمين والمسيحين فعلاا طول عمرهم اخوة كل واحد فى حالة مش بياذى التانى بس الشيطان ساعات كدة بيعمل عمايلة

[amany farouk abdrabo]

حبيبتى حنان :
ايوة انا بحب السينما جدا انا و جوزى بس مش اى فيلم بدخلة لازم يكون لية هدف و مضمون . و كمان لازم يكون التقنية و الابداع فية عالى. و متنسيش دة من تخصصى فانا اصلا ماجستير فى النقد المسرحى والادبى الانجليزى. يعنى بصى و شوفى يا ماما انت بتتكلمى مع مييييييييييين.

هةةةةةةةةةةةةة هةةةةةةةةةةةةةةةةةةةةةة هةةةةةةةةة
مواااااااااااااااة

[دند]

سهرة سعيدة

[nefertety]

طبعا اكيد لازم يكون في التاءم ومحبه بين المسلمين والمسيحيين
الدين لله والوطن للجميع 00
مشكوره علي موضوعك 000

[أمولة]

http://content.sweetim.com/tbsig/sig.asp?img=ad1

[bebsa]

انا دخلت الفيلم لما كنت فى زيارة ل مصر هو فعلا جميل جدااا واتناول القضيه بشكل كوميدى ومحدش زعل كنا ف السينما مسلمين ومسيحيين والكل كان مبسوط ومحدش قال اى كلمه تزعل لان الفيلم كان محايد جداااااااااا

[ام ميداء]

"هم فى رباط الى يوم الدين"

سيدنا محمد صلى الله عليه وسلم قال عنهم كده

[رانيه]

شوقتني اشوف الفيلم

[دينا الحصري]

شكرا ليكي يا اماني
موضوعك جميل جدا وفعلا يستحق التقييم
انا قيمتة يا قمر

[Marwa Esmael]

طول عمرنا عايشين مع بعض في وائام وسلام في المدارس والجامعات والاشغال وانا عندي اصدقاء كتير مسيحين وبنتصل ببعض في الاعياد ربنا يحمي مصر من كل المكائد والفتن

[nefrtlove]

تسلم ايديكي
موضوع جديد من نوعه

[Noorseed2006]

ممكن جدا يكون كلامك صح ويكون عندك حق.. انا فعليا ماشفتش الفيلم لكن عندى مبدأ وهو انه ما ينفعش لما نييجى نتكلم عن رجل الدين سواء كان مسلم او قبطى يبقى الكلام فى صورة هزليه!!! ما ينفعش ابدا نحط الدين فى الاطار ده
ده مجرد رأى وللسبب ده انا بتضايقنى معظم افلام عادل امام وده لانها لا تخلو كل مرة من استهزاء بالدين .. اما بالمشايخ او المنتقبات او حتى سنن النبى عليه الصلاة والسلام

[amany farouk abdrabo]

شكرا ليكم كلكم على المرور
انا شفت ان الفيلم بيناقش قضيه مهمه جدا
و كانت مناقشته ليها جديده من نوعها
مزعلتش حد من المسلمين
و لا المسيحيين
المصريين
وده اللى يهمنا كلنا اننا كلنا مصريين